Māteo 21:29 - Rapa Nui

²⁹ »He pāhono e rā poki: “¡ꞌIna a au kai haŋa mo oho!”. »I hini era he manaꞌu haka ꞌou rā poki, he eꞌa he oho.

Māteo 21:29 ပူးပေါင်းရင်းမြစ်များ

Māteo 21:28

He ꞌui e Ietū: —¿He aha te kōrua manaꞌu o ruŋa o te meꞌe nei? He taŋata e tahi e rua ꞌāꞌana poki, ꞌe ki te poki raꞌe i kī ai: “E haŋu, ka oho koe ꞌarīnā ka aŋa ꞌi roto i te ꞌāua vino era”.

Māteo 21:30

»He kī e te matuꞌa ko tū meꞌe ꞌā ki te rua poki. He pāhono e rā poki: “Ko tano ꞌā, e oho rō a au”. »ꞌE ꞌina rā poki kai oho.

Māteo 21:31

¿Ko ai o roto i te ŋā poki era i aŋa i te meꞌe haŋa o tōꞌona matuꞌa? —He kope raꞌe era —i pāhono ai e rā nuꞌu. ꞌE he kī e Ietū: —Te parautiꞌa, te ⌊nuꞌu haka ꞌauhau i te taŋata hai moni mo te rōmano⌋ ꞌe te ŋā viꞌe taiꞌo ꞌi raꞌe ka oꞌo ena ki a kōrua ki roto i te ⌊haka tere iŋa ꞌāpī o te ꞌAtua⌋.

Aŋa o te ꞌĀpōtoro 26:20

ꞌI raꞌe a au i haka ꞌite ai i te ⌊roŋo riva-riva o te ꞌAtua⌋ ki te nuꞌu o Rāmako, ki oti ki te nuꞌu o Hērutarema ꞌe o te kona taꞌatoꞌa o Hūrea, ꞌe, takoꞌa, ki te nuꞌu taꞌe he hūrio. He kī e au mo haka tapa mai roto i te meꞌe taꞌe tano, mo huri o te manaꞌu ki te ꞌAtua, ꞌe mo aŋa i te meꞌe mo takeꞌa e te nuꞌu he aŋi mau ꞌā ko ⌊huri ꞌana te rāua manaꞌu ki a ia⌋.

1 Kōrinto 6:11

Tētahi o kōrua i aŋa rō i te ŋā meꞌe nei ꞌi muꞌa ꞌā. ꞌE, hora nei, ꞌi te ai o te tātou Pūꞌoko Haka Tere ko Ietū Kiritō hai haka moe i te manaꞌu ꞌi ruŋa i a ia, te ꞌAtua ko haka kore ꞌana i te kōrua hara, ko haꞌataꞌa ꞌana i a kōrua māꞌana, ꞌe ko haka riro ꞌana he nuꞌu tano ki tōꞌona mata ꞌi te ai o te ⌊Vārua Maitai⌋ ꞌi roto i a kōrua.