Māteo 21:19 - Rapa Nui

¹⁹ He takeꞌa i te tumu pika e tahi ꞌi te ara. He haka hāhine, he uꞌi ꞌe ꞌina kai ravaꞌa e tahi meꞌe, he raupā nō. He kī ia ki tū tumu pika era: «¡Ki te hora hopeꞌa e ko ai haka ꞌou taꞌa pika!». Kai roa he paka-paka tū tumu era.

Māteo 21:19 ပူးပေါင်းရင်းမြစ်များ

Māteo 21:20

Te nuꞌu hāpī ꞌāꞌana, i takeꞌa era i rā meꞌe, he māere rō atu ꞌai ꞌe he ꞌui ki a Ietū: —¿Pē hē te tumu era kai roa i paka-paka rō ai?

Marko 11:14

He kī e Ietū ki tū tumu pika era: «¡ꞌIna e ko kai haka ꞌou te taŋata i te pika o ruŋa ōꞌou!». He ŋaroꞌa ia e tāꞌana nuꞌu hāpī.

Marko 11:20

ꞌI te pōꞌā o te rua mahana, he vari a kuā Ietū a muri i tū tumu pika era, he takeꞌa ko paka-paka tahi ꞌā ꞌātā ki te aka.

Ruka 3:9

ꞌE ꞌī a au he kī takoꞌa atu: ꞌai te ꞌōhio ko rito ꞌā mo paꞌo i te tumu mai tōꞌona aka. Te tumu taꞌatoꞌa taꞌe hua o te meꞌe riva-riva he paꞌo ꞌe he hoa ki roto i te ahi.

Iovani 15:2

Mo taꞌe hua e tahi maŋa ōꞌoku, he ko-koti; ꞌe mo hua, he to-tope mo ꞌata hua.

Iovani 15:6

Te kope haka topa i a ia mai muri i a au pa he maŋa ko ko-koti ko hoa ꞌā. He paka-paka, he runu ꞌe he tutu ꞌi roto i te ahi.

2 Timoteo 3:5

E haka tuꞌu rō i a rāua pa he taŋata moꞌa ꞌe haꞌatura ki te ꞌAtua; ꞌe, hai haka tere iŋa o rāua, ka takeꞌa era ꞌina mau ꞌā he haꞌatura. ꞌIna e tahi aꞌa meꞌe mo aŋa ꞌi muri i te nuꞌu tuꞌu pē rā, e Timoteo ē.

Tito 1:16

Pē nei e kī ena: e māhani rō ꞌā a rāua ki te ꞌAtua, ꞌe hai meꞌe aŋa e takeꞌa ena ꞌina kai māhani. A rāua, paꞌi, he nuꞌu taparahi-taꞌata, taꞌe haka roŋo ki te ꞌAtua. ꞌO ira e ko tano mo aŋa i te meꞌe riva-riva ki te mata o te ꞌAtua.

Hura 1:12

Te nuꞌu ena he haꞌamā e tahi ꞌi te hora kai i te haraoa mo haka manaꞌu i te mate iŋa o Ietū. ꞌIna a rāua he moꞌa i te ŋoŋoro ena; te meꞌe aŋa nō he kai, he unu ꞌe he reka. Te nuꞌu ena pa he nuꞌu hāpaꞌo māmoe hāpaꞌo i a rāua mau nō, pa he raŋi vai kore maꞌu e te tokerau. ꞌE pa he tumu ꞌina he hua, ꞌina e tahi meꞌe riva-riva mo poreko mai roto i te nuꞌu ena. A rāua he meꞌe mate, pa he tumu ko oꞌi ꞌā a te aka ꞌe ko paka-paka ꞌana.

Meꞌe Haka Takeꞌa 22:11

Ki tano rā hora, e haka rē kōrua i te nuꞌu aŋa i te meꞌe taꞌe tano mo aŋa mo oho nō i te rāua meꞌe taꞌe tano, ꞌe te nuꞌu aŋa i te meꞌe hano-hano mo aŋa mo oho nō i te rāua meꞌe hano-hano. ꞌE te nuꞌu aŋa i te meꞌe tano ki te mata o te ꞌAtua, ka aŋa ka oho nō i te rāua meꞌe tano, ꞌe te nuꞌu taꞌe hara ka noho nō rāua pē ira».