Māteo 20:34 - Rapa Nui

³⁴ He haka ꞌaroha a Ietū i tū nuꞌu era, he haka puā hai rima ki te mata, ꞌe he ora rō ꞌai. I oti era he eꞌa he oho ꞌi muri i a Ietū.

Māteo 20:34 ပူးပေါင်းရင်းမြစ်များ

Māteo 14:14

I topa era a Ietū mai ruŋa i te vaka, he takeꞌa i te rahi o te nuꞌu; he haka ꞌaroha i a rāua ꞌe he haka ora i te nuꞌu māui-ui maꞌu ki a ia.

Māteo 15:32

He raŋi e Ietū ki tāꞌana nuꞌu hāpī ꞌe he kī: —Ko haka ꞌaroha ꞌana a au i te nuꞌu nei. Ka toru mahana o rāua ꞌi muri i a tātou ꞌe ꞌina he meꞌe toe o rāua mo kai. Kai haŋa a au mo haka oho ki te rāua hare kai kai hia ꞌo re-rehu rō ꞌi te ara.

Māteo 20:33

He pāhono e tū ŋā kope era: —He ora o te māua mata.

Māteo 21:1

Ko hāhine ꞌana ki Hērutarema ꞌe ko tuꞌu ꞌā ki Vetefāhē, he kona ꞌi muri i te Maꞌuŋa o te ꞌŌrivo, he uŋa e Ietū e rua o tāꞌana nuꞌu hāpī

Māteo 8:15

He haka puā e Ietū ki te rima o rā viꞌe, he kore rō ꞌai tū māui-ui era. He eꞌa ia ki ruŋa he vaꞌai hai kai mā Ietū.

Māteo 9:29

He haka puā ia a Ietū i tōꞌona rima ki te mata ꞌe he kī: —Ka ai pa he meꞌe haka moe ena e kōrua i te manaꞌu ꞌi ruŋa i a au.

Māteo 9:36

I uꞌi era e Ietū i te taŋata, he haka ꞌaroha; e tuꞌu rō ꞌana pa he māmoe ꞌina he taŋata mo hāpaꞌo i a rāua, ko rohi-rohi ꞌana ꞌe ꞌina he haŋu toe.

Marko 7:33

He toꞌo e Ietū i rā taŋata a te tapa mo haka ꞌava-ꞌava mai muri i te nuꞌu. He ha-haꞌo i tōꞌona maŋa-maŋa rima ki roto i te tariŋa o tū kope era, ꞌe he haka rari hai ꞌā-ꞌanu i tōꞌona maŋa-maŋa rima, ꞌai ka haka puā ki te ꞌarero o rā kope.

Ruka 18:43

ꞌI tū hora mau era ꞌā he ora rō ꞌai te mata o tū taŋata era. He oho ia ꞌi muri i a Ietū koia ko haꞌahana-hana ki te ꞌAtua. Te nuꞌu taꞌatoꞌa takeꞌa i tū meꞌe era he haꞌahana-hana takoꞌa ki te ꞌAtua.

Ruka 22:51

He kī e Ietū: —¡Ē, ꞌina ko moto! He haka puā ia a Ietū i te rima ki te tariŋa o tū tāvini era ꞌe he ora rō ꞌai.

Ruka 7:13

I takeꞌa era e Ietū i rā viꞌe, he haka ꞌaroha ꞌe he kī: «ꞌIna koe ko taŋi».

Aŋa o te ꞌĀpōtoro 26:18

Taꞌa meꞌe ka aŋa ena he haka ꞌara i te rāua mata, ki eꞌa ai mai roto i te pōhāhā ki roto i te māꞌeha, ꞌe mai te rima o Rukifero ki te rima o te ꞌAtua, ki haka moe ai i te rāua manaꞌu ꞌi ruŋa i a au. Pē ira te ꞌAtua ana haka kore i te rāua hara, ꞌe he oꞌo a rāua ki roto i te nūnaꞌa taŋata haꞌataꞌa e te ꞌAtua māꞌana”.

ꞌEvereo 2:17

Mo te meꞌe nei i haka riro ai i a ia he taŋata, mo riro ōꞌona he ⌊oromatuꞌa hopeꞌa o te ra-rahi⌋, māhatu haka ꞌaroha, taꞌe haka rē ki te hora hopeꞌa i tāꞌana meꞌe aŋa ki te ꞌAtua, ki ꞌamo ai e ia i te ūtuꞌa o te hara, ki tano ai te ꞌAtua mo haka rehu i te hara o te taŋata.

1 Pētero 3:8

Te meꞌe haŋa: e noho kōrua taꞌatoꞌa ꞌi roto i te haumārū ꞌe e tahi mau nō manaꞌu. E here ꞌi roto i a kōrua pa he taina. E riva kōrua, ꞌe ꞌina ko manaꞌu pē nei ē: i hau rō atu kōrua ki te rua.