Māteo 20:26 - Rapa Nui

²⁶ ꞌI roto i a kōrua ꞌina ko ai te meꞌe tuꞌu pē ira. Te tano mau: te kope haŋa mo hōnui o roto i a kōrua, e tāvini mo te taꞌatoꞌa,

Māteo 20:26 ပူးပေါင်းရင်းမြစ်များ

Māteo 20:27

ꞌe te kope haŋa mo raꞌe o roto i a kōrua, e ꞌekaravo mo te taꞌatoꞌa.

Māteo 25:44

»ꞌI rā hora ka ꞌui era e rā nuꞌu: “¿ꞌI ꞌaŋahē a mātou i takeꞌa ai i a koe e maruaki rō ꞌana, ꞌo e pohe rō ꞌā ki te vai, ꞌo he taŋata o te rua henua ꞌina he kona mo noho, ꞌo ꞌina he kahu ꞌo e māui-ui rō ꞌana, ꞌo e puru rō ꞌā ꞌi roto i te hare maꞌuꞌaurī ꞌe ꞌina kai hāꞌūꞌū atu e mātou?”.

Māteo 27:55

ꞌI rā kona, mai kōnui ꞌā, e uꞌi era meꞌe rahi nō atu ŋā viꞌe oho ananake ko kuā Ietū mai Karirea hāꞌūꞌū ki a ia.

Marko 10:43

ꞌI roto i a kōrua ꞌina ko ai te meꞌe tuꞌu pē ira. Te tano mau: te kope haŋa mo hōnui o roto i a kōrua e tāvini mo te taꞌatoꞌa,

Marko 10:45

Te Poki o te taŋata, paꞌi, taꞌe mo tāvini ki a ia e te rua i oho mai ai, mo tāvini ōꞌona ki te rua ꞌe mo vaꞌai i a ia ki te mate, he ꞌauhau iŋa mo haka eꞌa meꞌe rahi taŋata mai roto i te ūtuꞌa o te hara.

Marko 9:35

He noho ia a Ietū, he raŋi ki tū nuꞌu hāpī era ꞌāꞌana e hoꞌe ꞌahuru mā piti mo haka hāhine, ꞌe he kī: «Te kope haŋa mo raꞌe ka haꞌariro i a ia mo hopeꞌa ꞌe mo tāvini o te taꞌatoꞌa».

Ruka 18:14

»ꞌĪ a au he kī atu: te taŋata haka ꞌauhau era i te nuꞌu hai moni mo te rōmano, i hoki era ki tōꞌona hare, ko haka kore tahi ꞌana e te ꞌAtua i tōꞌona hara, ꞌe te taŋata fariseo era, kai haka kore e te ꞌAtua i te hara. Te taŋata haka paka i a ia, pe muꞌa ka oho ena, e haka ka-kata ꞌe e haka haꞌamā rō; ꞌe te taŋata taꞌe haka paka i a ia, pe muꞌa ka oho ena, e haka hōnui rō».

Ruka 22:26

»A kōrua ꞌina ko tuꞌu pē ira. Te kope hopeꞌa o te hōnui o roto o kōrua e haka riro i a ia pa he kope hopeꞌa o te taꞌe hōnui, te kope ko ia te pūꞌoko haka tere e haka riro i a ia pa he tāvini.

Iovani 18:36

He pāhono e Ietū: —Tōꞌoku haka tere iŋa taꞌe o te ao nei. ꞌĀhani o te ao nei, ko ai ꞌana tāꞌaku taŋata mo moto ki te ŋā hūrio ra-rahi ena mōꞌoku, ꞌo topa a au ꞌi te rāua rima. Tōꞌoku haka tere iŋa, e kī atu ena, taꞌe o te ao nei.

Aŋa o te ꞌĀpōtoro 13:5

I tuꞌu era ki Taramina, he kona o Tīpere, he haꞌamata he haka ꞌite i te ⌊roŋo riva-riva o te ꞌAtua⌋ ꞌi te ⌊hare pure hūrio⌋ taꞌatoꞌa o ira. I oho takoꞌa rō a ⌊Iovani⌋ ꞌi muri i a rāua mo hāꞌūꞌū.

2 Kōrinto 1:24

Taꞌe, paꞌi, i a mātou te kī pē hē kōrua ana maꞌu i te kōrua haka moe iŋa i te manaꞌu ꞌi ruŋa i a Ietū. Te meꞌe i a mātou he hāꞌūꞌū atu mo ꞌata koa o kōrua. E ꞌite rō ꞌana, paꞌi, mātou e pūai rō ꞌana te kōrua haka moe iŋa i te manaꞌu.

2 Timoteo 1:18

ꞌO ira a au e pure nei mo haka ꞌaroha o te ꞌAtua i a ia ꞌi te mahana o te ture hopeꞌa. Ko ꞌite riva-riva ꞌana, hoꞌi, koe, e Timoteo ē, pē hē a ia i hāꞌūꞌū mai ai ꞌi Ēfeto.

Firemono 1:13

I haŋa rō, hoꞌi, a au mo noho mai ōꞌona mo hāꞌūꞌū mai ꞌi te hora nei ōꞌoku ꞌi roto i te hare maꞌuꞌaurī ꞌo te haka ꞌite i te ⌊roŋo riva-riva o te ꞌAtua⌋, pa he hāꞌūꞌū iŋa mai ōꞌou ꞌāhani ko koe te meꞌe o nei.

ꞌEvereo 1:14

Te merahi taꞌatoꞌa, paꞌi, he vārua aŋa ki te ꞌAtua uŋa mo hāꞌūꞌū ki te nuꞌu eꞌa mai roto i te ūtuꞌa o te hara ꞌe ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

1 Pētero 4:11

Te auraꞌa: te kope ki a ia i vaꞌai ai e te ꞌAtua i te meꞌe he haka ꞌite i tāꞌana vānaŋa, e haka ꞌite i te vānaŋa mau ꞌā o te ꞌAtua. ꞌE te kope ki a ia i vaꞌai ai i te meꞌe he hāꞌūꞌū ki te rua, e aŋa hai pūai vaꞌai e te ꞌAtua, ki haꞌahana-hana tahi ai ki te ꞌAtua hai Ietū Kiritō, i a ia te nui-nui ꞌe te pūai ki te hora hopeꞌa. Ka ai pē ira.

1 Pētero 5:3

ꞌIna ko manaꞌu: o kōrua rā māmoe haka hāpaꞌo atu era. Te meꞌe mo aŋa he haka takeꞌa ki a rāua pē hē a rāua ana haka tere hai haka tere iŋa tano ena o kōrua.

Meꞌe Haka Takeꞌa 17:6

He uꞌi atu ia a au ko taꞌero ꞌā rā viꞌe ꞌi te unu i te toto o te nuꞌu haꞌataꞌa e te ꞌAtua māꞌana, nuꞌu mā-mate i tiŋaꞌi ꞌo te ai he mataꞌite o Ietū. I takeꞌa era e au, he māere rō atu ꞌai au.