Māteo 20:22 - Rapa Nui

²² He pāhono e Ietū: —Kai ꞌite kōrua he aha te kōrua meꞌe e no-noꞌi mai ena. ¿E ꞌite rō kōrua mo haꞌaoromaꞌi i te ꞌati pē au ka haꞌaoromaꞌi nei i te ꞌati ka topa mai ena? He kī e rā ŋā kope: —ꞌĒ-ē, e haꞌaoromaꞌi nō e māua.

Māteo 20:22 ပူးပေါင်းရင်းမြစ်များ

Māteo 26:35

He kī haka ꞌou e Pētero: —¡Ka ai atu he mate a au ꞌi muri i a koe, e ko kī au ki te hora hopeꞌa kai ꞌite a au ko ai a koe! ꞌE ꞌai te tētahi nuꞌu hāpī ꞌa Ietū e kī takoꞌa era pē ira.

Māteo 26:39

He haka ꞌava-ꞌava a Ietū pe muꞌa, he tū-turi he noi ꞌātā ka puā rō te tira ki te ꞌōꞌone, he pure: «E Koro ōꞌoku ē, ana tano ki a koe, ka toꞌo te ꞌati nei mai ruŋa i a au. ꞌE, ka ai atu ꞌī ꞌāꞌaku meꞌe haŋa, ka haka tano hai meꞌe ꞌāꞌau i haŋa ꞌe taꞌe hai meꞌe ꞌāꞌaku».

Māteo 26:42

He hoki ia a Ietū he pure: «E Koro ōꞌoku ē, mo kore o te rāveꞌa mo taꞌe ꞌamo ōꞌoku ꞌi te ꞌati ka topa mai ena, ka aŋa taꞌa meꞌe nō era i haŋa».

Māteo 26:56

Te meꞌe taꞌatoꞌa nei i topa ai mo tano ki te meꞌe kī e te perofeta ꞌi ruŋa i te Pāpaꞌi Moꞌa. ꞌI tū hora mau era ꞌā, he hoa i a Ietū e tāꞌana nuꞌu hāpī taꞌatoꞌa ꞌe he tē-tere.

Marko 14:36

Pē nei i kī ai: «E Koro ōꞌoku ē, ꞌina e tahi meꞌe mo taꞌe ravaꞌa e koe. Ka toꞌo te ꞌati nei mai ruŋa i a au. ꞌE, ka ai atu pē nei tōꞌoku manaꞌu, ka haka tano koe hai meꞌe nō ena ꞌāꞌau i haŋa, ꞌe taꞌe hai meꞌe haŋa ꞌāꞌaku».

Ruka 12:50

E piri rō mai te ꞌati nui-nui, ꞌe ¡ko te mamae e maꞌu nei ꞌātā ka haka tano tahi rō rā ꞌati!

Ruka 22:42

He kī: «E Koro, mo haŋa ōꞌou, ka toꞌo te ꞌati nei mai ruŋa i a au. ꞌE, ka ai atu pē nei tōꞌoku manaꞌu, ka aŋa koe hai meꞌe nō ena ꞌāꞌau i haŋa ꞌe taꞌe hai meꞌe haŋa ꞌāꞌaku». [

Iovani 18:11

He kī e Ietū ki a Pētero: —Ka haka hoki koe i te hoe ena ki tōꞌona kona. Mo vaꞌai mai e te Matuꞌa i te ꞌati nei mo ꞌamo, ki taꞌa kī, ¿ꞌina a au ko ꞌamo?

Rōmano 8:26

He kore o te tātou pūai, e hāꞌūꞌū mai ena te Vārua Maitai. ꞌE, ꞌi te taꞌe ꞌite o tātou pē hē ana pure, ꞌāꞌana mau ꞌā te ani ki te ꞌAtua mo tātou hai taŋi, taŋi ena ꞌina he vānaŋa mo haꞌaauraꞌa.

Tanatiako 4:3

ꞌE mo ai ko no-noꞌi ꞌā ꞌe ꞌina he vaꞌai atu, he taꞌe tano o te kōrua manaꞌu i no-noꞌi ai. E haŋa ena kōrua mo te meꞌe pohe nō o te hakari.