Māteo 2:13 - Rapa Nui

¹³ I oho era tū nuꞌu maꞌori hāpī hetuꞌu era, he oꞌo e tahi merahi o te ꞌAtua ꞌi roto i te moe vārua o ⌊Kōsē⌋ ꞌe he kī: «Ka ꞌara koe. Ka toꞌo te poki ararua ko tōꞌona matuꞌa vahine, ꞌai ka eꞌa ka tē-tere ki Ehipto. ꞌI ira kōrua ana noho ꞌātā ki tōꞌoku hāꞌaki iŋa haka ꞌou atu. Nā, paꞌi, a ꞌErore he kimi i te poki mo tiŋaꞌi mo mate».

Māteo 2:13 ပူးပေါင်းရင်းမြစ်များ

Māteo 1:20

Ko manaꞌu ꞌā mo aŋa ꞌi rā meꞌe, i oꞌo rō ai e tahi merahi o te ꞌAtua ꞌi roto i tōꞌona moe vārua he kī: «E Kōsē, hakaara o te ꞌariki ko Tāvita ē, ꞌina koe ko riꞌa-riꞌa mo hāipo-ipo ki a Māria. Te poki ena ꞌāꞌana o te Vārua Maitai i haka tupu.

Māteo 10:23

»Mo tute mo tōtōā atu i a kōrua ꞌi te kona nūnaꞌa hare e tahi, ka tere ki te rua. ꞌĪ a au he kī atu: te ⌊Poki o te taŋata⌋ ꞌi raꞌe ka hoki mai ena ki te oti o te kōrua aŋa ꞌi te kona taꞌatoꞌa o Itaraera.

Māteo 2:12

I oti era he hoki ananake ki te rāua henua a te ara kē ꞌo te ai ko haka ꞌite ꞌā e te ꞌAtua, ꞌi roto i te moe vārua, mo taꞌe hipa ki a ꞌErore.

Māteo 2:14

ꞌI rā pō ꞌā he toꞌo a Kōsē i te poki ararua ko te matuꞌa vahine ꞌe he eꞌa he tē-tere ki Ehipto.

Māteo 2:16

A ꞌErore, i uꞌi era kai hoki rā ŋā maꞌori kai hāꞌaki ki a ia, he riri rō atu ꞌai. He uŋa ia he tiŋaꞌi he haka mate i te ŋā poki tane taꞌatoꞌa o Vērene ꞌe o te kona hāhine taꞌatoꞌa, mai te rua matahiti pe raro. I haka tano ai te matahiti o rā ŋā poki ki te mahana takeꞌa e tū ŋā maꞌori era i te hetuꞌu.

Māteo 2:22

I ꞌite era he poki ꞌa ꞌErore, ko Arakerao, te suerekao o Hūrea, he riꞌa-riꞌa mo noho ꞌi ira. He haka ꞌite ia e te ꞌAtua ꞌi roto i te moe vārua mo taꞌe noho ꞌi rā kona. ꞌO ira i eꞌa i oho ai ki Karirea, he kona haka ꞌou o Itaraera.

Aŋa o te ꞌĀpōtoro 10:22

He pāhono e tū nuꞌu era: —A mātou o te kape vaꞌehau ko Koronerio i uŋa mai. A ia he taŋata aŋa i te meꞌe tī-tika, haꞌamuri ki te ꞌAtua ꞌe te hūrio e haŋa rahi rō ꞌā ki a ia. O te merahi e tahi i kī mo uŋa mai ki a koe, mo oho ōꞌou ki tōꞌona hare mo haka roŋo atu ōꞌona i taꞌa meꞌe ka kī ena.

Aŋa o te ꞌĀpōtoro 10:7

I eꞌa i oho era te merahi, he raŋi e Koronerio ki tāꞌana ŋāŋata aŋa e rua ꞌe ki te vaꞌehau e tahi hāꞌūꞌū ki a ia, moꞌa ꞌe haꞌatura ki te ꞌAtua.

Aŋa o te ꞌĀpōtoro 12:11

He aŋi-aŋi ia e Pētero ꞌe he kī ki a ia ꞌā: «¡ꞌĀ! Ko ꞌite ꞌana ꞌō a au ꞌi te hora nei ko uŋa mau mai ꞌā e te ꞌAtua i tāꞌana merahi mo haka eꞌa i a au mai te rima o ꞌErore ꞌe mai te meꞌe rake-rake taꞌatoꞌa haŋa e te nuꞌu hūrio ra-rahi mo aŋa mai ki a au».

Aŋa o te ꞌĀpōtoro 12:7

He māroa ia te merahi e tahi ꞌi roto i tū hare maꞌuꞌaurī era ꞌe he māꞌeha tahi. He haka puā ki a Pētero a te kao-kao, he haka ꞌara, he kī: «¡Ka eꞌa koe ki ruŋa ꞌi te hora mau ena ꞌā!». ꞌI tū hora ꞌā he pākoꞌo-koꞌo ꞌe he vī-viri te vivi mai te rima o Pētero.

Aŋa o te ꞌĀpōtoro 16:36

He kī e tū taŋata era ki a Pauro: «Ko uŋa mai ꞌana e te nuꞌu pūꞌoko haka tere o te hare ture mo haka eꞌa i a kōrua. ꞌO ira, ka eꞌa kōrua ka oho».

Aŋa o te ꞌĀpōtoro 5:19

He tuꞌu ia te merahi e tahi o te ꞌAtua ꞌi te pō, he mātaki i te ꞌōpani o tū hare maꞌuꞌaurī era, he haka eꞌa i rā nuꞌu ꞌai ka kī:

Aŋa o te ꞌĀpōtoro 7:19

Te ꞌariki nei i tōtōā rō i te tātou taŋata; ꞌi te haŋa mo haka kore i a rāua, he haka hoa i te ŋā poki poreko iho mo mā-mate.

Meꞌe Haka Takeꞌa 12:14

He vaꞌai ia e te ꞌAtua ki rā viꞌe e rua karā, pa he karā o te manu nui-nui, mo rere mo oho ki tōꞌona kona ꞌi te kona ꞌone taꞌe noho taŋata, he kona e roa rō ꞌā mai tū manuꞌino era, ꞌi ira ka hāpaꞌo era e toru matahiti ꞌe te ꞌafa.

Meꞌe Haka Takeꞌa 12:4

Hai hiku i to-toi ai i te ꞌapa e tahi o te ꞌapa e toru o te hetuꞌu o te raŋi ꞌe he ava ki ruŋa i te henua. He noho ia rā manuꞌino ꞌi muꞌa o tū viꞌe era e aꞌu ꞌā i te poki, mo kai i rā poki ꞌi te hora era ka poreko era.

Meꞌe Haka Takeꞌa 12:6

He tere ia rā viꞌe ki te kona ꞌone taꞌe noho taŋata, kona ꞌi ira i haka riva-riva ai e te ꞌAtua i te kona mo hāpaꞌo i a ia e hoꞌe taꞌutini piti hānere ono ꞌahuru mahana.