Māteo 19:5 - Rapa Nui

⁵ ꞌe te kona hāꞌaki takoꞌa: «ꞌO ira te taŋata ka haka rē ena i tōꞌona matuꞌa tane ꞌe matuꞌa vahine mo hāipo-ipo ki tāꞌana viꞌe ꞌe he riro rō ꞌai e tahi nō hakari»?

Māteo 19:5 ပူးပေါင်းရင်းမြစ်များ

Māteo 19:6

E ko ai haka ꞌou hoko rua, e tahi mau nō a rāua. ꞌO ira, ꞌina ko haꞌataꞌa te taŋata i te meꞌe haka piri e te ꞌAtua.

Rōmano 12:9

E haŋa kōrua ki te rua hai māhatu. ꞌIna ko haŋa ki te meꞌe taꞌe tano; e haka noho te manaꞌu ꞌi ruŋa i te meꞌe tano ki te mata o te ꞌAtua.

1 Kōrinto 6:16

Hora ena o te taŋata e piri ena ki te taiꞌo, he riro ararua e tahi mau nō hakari, pa he meꞌe kī ꞌi ruŋa i te ⌊Pāpaꞌi Moꞌa⌋: «Ararua he riro e tahi mau nō hakari».

1 Kōrinto 7:2

Te ꞌati nō, ꞌo hara i te hara he moe i te viꞌe i te kenu taꞌe o kōrua, e ai te kōrua viꞌe ꞌe te kōrua kenu.

1 Kōrinto 7:4

Te hakari o te viꞌe hāipo-ipo taꞌe ōꞌona nō, o tāꞌana kenu takoꞌa, ꞌe te hakari o te kenu o tāꞌana viꞌe.

Ēfeto 5:31

E kī rō ꞌana, paꞌi, ꞌi ruŋa i te Pāpaꞌi Moꞌa pē nei ē: «Te taŋata e hāipo-ipo ena, he haka rē i tōꞌona matuꞌa tane ꞌe i tōꞌona matuꞌa vahine mo noho ꞌi muri i tāꞌana viꞌe ꞌe ararua he riro he hakari mau nō e tahi».