Māteo 19:28 - Rapa Nui

²⁸ He pāhono e Ietū: —ꞌĪ a au he kī atu: ꞌi te hora haka ꞌāpī i te meꞌe taꞌatoꞌa ꞌe noho o te ⌊Poki o te taŋata⌋ ꞌi ruŋa i te pepe ꞌariki o te ꞌAtua, a kōrua, te nuꞌu oho mai ꞌi muri i a au, he noho takoꞌa ꞌi ruŋa i te pepe ꞌariki e hoꞌe ꞌahuru mā piti mo ture i te ŋā hoꞌe ꞌahuru mā piti mata o te itaraera.

Māteo 19:28 ပူးပေါင်းရင်းမြစ်များ

Māteo 16:27

Te Poki o te taŋata, paꞌi, e oho rō mai e ꞌana-ꞌana rō ꞌana ꞌi te pūai o tōꞌona Matuꞌa, ꞌi muri i a ia tāꞌana merahi, ꞌe e ꞌauhau rō i te taŋata, e tahi e tahi, e haka tano ki te rāua meꞌe aŋa.

Māteo 19:27

He kī ia e Pētero: —A mātou ko haka rē tahi ꞌana i te mātou meꞌe mo nuꞌu hāpī ꞌāꞌau. ¿He aha ia te mātou meꞌe mo ravaꞌa?

Māteo 20:21

He ꞌui e Ietū: —¿He aha taꞌa meꞌe haŋa? He kī e tū viꞌe era: —ꞌI te hora o tuꞌu ꞌariki iŋa, e haŋa rō ꞌana a au mo noho atu tāꞌaku ŋā poki nei ꞌi muri i a koe, e tahi ꞌi te pāꞌiŋa mataꞌu ꞌe e tahi ꞌi te pāꞌiŋa maui.

Māteo 25:31

»Ka hoki mai ena te ⌊Poki o te taŋata⌋ ko ꞌAriki ꞌā e haka vari tahi rō ꞌā e te merahi taꞌatoꞌa ōꞌona, e te ꞌana-ꞌana ꞌe e te pūai o te ꞌAtua, he noho ꞌi ruŋa i tōꞌona pepe ꞌariki.

Māteo 6:33

»ꞌO ira, e vaꞌai tahi te kōrua māhatu mo haka tere atu e te ꞌAtua ꞌe mo aŋa o kōrua i te meꞌe tī-tika ki tōꞌona mata ꞌe māꞌana e vaꞌai atu i rā ŋā meꞌe.

Māteo 8:20

He pāhono e Ietū: —Te kurī manu e ai rō ꞌana te karava mo noho, te manu he hakapupa, ꞌe te ⌊Poki o te taŋata⌋ ꞌina he kona mo noho.

Marko 10:37

He kī: —Pe muꞌa ka oho ena, ꞌi te ao haka tere e koe, e haꞌatiꞌa mai mo noho atu o māua ꞌi muri i a koe, e tahi ꞌi te pāꞌiŋa mataꞌu, e tahi ꞌi te pāꞌiŋa maui.

Aŋa o te ꞌĀpōtoro 3:21

»ꞌE mo te hora nō nei a Ietū Kiritō ana noho ꞌi te raŋi ꞌātā ki te haka riva-riva iŋa e te ꞌAtua i te meꞌe taꞌatoꞌa, pa he meꞌe haka ꞌite mai hai tāꞌana ŋā perofeta era o muꞌa ꞌā.

2 Timoteo 2:12

Mo haꞌaoromaꞌi o tātou i te ꞌati hai pūai, he haka tere a tātou ꞌi tōꞌona ao ꞌi muri i a ia. Mo kī o tātou kai ꞌite a tātou ko ai a ia, pē ira takoꞌa ꞌā ka kī ena e ia mo tātou.

2 Pētero 3:13

Ka ai atu pē ira, a tātou ꞌī e tiaki ꞌana ki te henua ꞌe ki te raŋi ꞌāpī hōrea mai era e te ꞌAtua, ꞌe te nuꞌu mau nō ka noho era ꞌi ira he nuꞌu aŋa i te meꞌe tī-tika ki te mata o te ꞌAtua.

Meꞌe Haka Takeꞌa 11:16

Te ŋā piti ꞌahuru mā maha ŋāŋata ra-rahi era, noho era ꞌi ruŋa i te rāua pepe noho ꞌariki ꞌi muꞌa o te ꞌAtua, he noi te tira ꞌātā ka topa rō ki ruŋa i te ꞌōꞌone he haꞌamuri ki te ꞌAtua

Meꞌe Haka Takeꞌa 12:1

He takeꞌa ia e au i te meꞌe nui-nui ꞌi te raŋi: he viꞌe e tahi e viri rō ꞌana e te ꞌana-ꞌana o te raꞌā, pa he kahu uru ōꞌona. ꞌI raro i tōꞌona vaꞌe te māhina, ꞌe ꞌi tōꞌona pūꞌoko te hei e hoꞌe ꞌahuru mā piti hetuꞌu o ruŋa.

Meꞌe Haka Takeꞌa 20:4

He takeꞌa haka ꞌou ia e au i te pepe noho ꞌariki, ꞌe ꞌi ruŋa i rā ŋā pepe te nuꞌu ki a rāua i vaꞌai ai i te parau mo ture i te taŋata. He takeꞌa takoꞌa e au i te vārua o te nuꞌu i paꞌo i te ŋao i mā-mate ai ꞌo te haka ꞌite i te hāpī ꞌa Ietū ꞌe i te ⌊roŋo riva-riva o te ꞌAtua⌋. Hora era o rāua e ora nō ꞌana kai haꞌamuri ki te manuꞌino ꞌe ki te ꞌītoro aŋa pē ia, ꞌe ꞌina takoꞌa kai haka rē i a rāua mo tāpaꞌo a te tira ꞌe a te rima hai tāpaꞌo era o rā manuꞌino. ꞌE he takeꞌa e au te ora iŋa haka ꞌou mai o rāua mai te mate ꞌe te haka tere iŋa ananake ko te ⌊Kiritō⌋ e hoꞌe taꞌutini matahiti.

Meꞌe Haka Takeꞌa 21:5

He kī e te kope noho ꞌi ruŋa i te pepe noho ꞌariki era: «He aŋa ꞌāpī a au i te meꞌe taꞌatoꞌa». I oho era he kī mai: «Ka pāpaꞌi. Te vānaŋa nei he vānaŋa parautiꞌa, he vānaŋa ꞌina e ko taꞌe haka tano».

Meꞌe Haka Takeꞌa 22:2

Te vai nei a te vāeŋa o te ara nui-nui o rā kona e tehe era. ꞌE ꞌi te tapa o rā rio e tupu rō ꞌā te tumu vaꞌai i te ora. E hua era paurō te ꞌāvaꞌe, te auraꞌa, e hoꞌe ꞌahuru mā piti ꞌāvaꞌe e hua era ꞌi roto i te matahiti, ꞌe te raupā o rā tumu he rāꞌau.

Meꞌe Haka Takeꞌa 22:5

ꞌIna he pō rā kona. ¿Mo aha atu ꞌā te hakariꞌi ꞌe te raꞌā o rā nuꞌu? O te ꞌAtua, paꞌi, he Pūꞌoko Haka Tere, te haka māꞌeha i a rāua, ꞌe ananake ka haka tere ena ꞌātā ki te hopeꞌa raꞌa.

Meꞌe Haka Takeꞌa 3:21

’Te nuꞌu rē ki te pūai o Rukifero he haka noho e au ꞌi ruŋa i tōꞌoku pepe ꞌariki ꞌi muri i a au, pa he rē iŋa ōꞌoku e noho nei ꞌi muri i tōꞌoku Matuꞌa ꞌi ruŋa i tōꞌona pepe ꞌariki.

Meꞌe Haka Takeꞌa 4:4

ꞌe e haka vari takoꞌa rō ꞌana e te pepe ꞌariki haka ꞌou e piti ꞌahuru mā maha ꞌi ruŋa e noho rō ꞌana e piti ꞌahuru mā maha ŋāŋata ra-rahi e uru rō ꞌana i te kahu tea-tea ꞌe e puꞌa rō ꞌana i te hei aŋa hai piru.

Meꞌe Haka Takeꞌa 7:4

I ŋaroꞌa rō e au e hia rahi o rā nuꞌu era mo tāpaꞌo: e hoꞌe hānere maha ꞌahuru mā maha taꞌutini o roto i te mata taꞌatoꞌa o te itaraera.