Māteo 19:27 - Rapa Nui

²⁷ He kī ia e Pētero: —A mātou ko haka rē tahi ꞌana i te mātou meꞌe mo nuꞌu hāpī ꞌāꞌau. ¿He aha ia te mātou meꞌe mo ravaꞌa?

Māteo 19:27 ပူးပေါင်းရင်းမြစ်များ

Fīripo 3:8

ꞌE taꞌe nō pē ira. Mōꞌoku, ꞌina e tahi meꞌe mo hāhine ki te meꞌe ena he māhani ki a Ietū Kiritō, Pūꞌoko Haka Tere ōꞌoku. Ko hoa tahi ꞌana e au i rā ŋā meꞌe mo koa ōꞌona; mōꞌoku, paꞌi, rā ŋā meꞌe taꞌatoꞌa he tūtaꞌe nō atu e tahi o te ao nei. Tāꞌaku meꞌe haŋa nō ko ia

Ruka 5:11

I oho era he hoki ananake ki ruŋa i te henua, he haro i tū ŋā vaka era ki ꞌuta, he haka rē tahi i te rāua meꞌe ꞌe he oho rō ꞌai ꞌi muri i a Ietū.

Ruka 18:28

He kī e Pētero: —E Ietū, ko haka rē tahi ꞌana a mātou i te mātou meꞌe ꞌe ko oho atu ꞌā ꞌi muri i a koe.

Ruka 15:29

He kī e tū poki ꞌatariki era: “E koro, ka hia ōꞌoku matahiti e aŋa nō atu ena, ꞌina kai pātoꞌi atu ꞌā, ꞌe kai vaꞌai mai ꞌana koe korohaŋa e tahi vato-vato mo aŋa o te ŋoŋoro ananake mātou ko tōꞌoku repahoa.

Marko 10:28

He kī ia e Pētero: —Ko haka rē tahi ꞌā a mātou i te mātou meꞌe mo riro he nuꞌu hāpī ꞌāꞌau.

Marko 2:14

E oho nō ꞌā he takeꞌa i a Rēvī, he poki ꞌa Arafeo, e noho rō ꞌana ꞌi tōꞌona kona aŋa. A ia he kope haka ꞌauhau i te taŋata hai moni mo te rōmano. He kī e Ietū: «Ka oho mai koe mo taŋata hāpī ꞌāꞌaku». He māroa a Rēvī he eꞌa he oho ꞌi muri.

Ruka 14:33

»Ko tū meꞌe ꞌā mo kōrua. Mo haŋa o kōrua mo riro he nuꞌu hāpī ꞌāꞌaku, e manaꞌu, ꞌi raꞌe, ana tano kōrua mo ꞌamo i te paŋahaꞌa. Kope nō ena o roto i a kōrua mo taꞌe haka rē i tāꞌana meꞌe haŋa taꞌatoꞌa, e ko tano mo taŋata hāpī ꞌāꞌaku.

Māteo 9:9

He oho ia a Ietū mai tū kona era, he takeꞌa i te taŋata e tahi te ꞌīŋoa ko Māteo e noho rō ꞌana ꞌi tōꞌona kona aŋa. A ia he kope haka ꞌauhau i te taŋata hai moni mo te rōmano. He kī: «Ka oho mai koe mo taŋata hāpī ꞌāꞌaku». He eꞌa a Māteo he oho ꞌi muri.

1 Kōrinto 4:7

¿ꞌA ꞌai koe i kī i hau rō atu koe ki te rua? ꞌIna e tahi meꞌe ena ꞌāꞌau i taꞌe ai o te ꞌAtua i vaꞌai atu. ꞌE ꞌi te ai pē ira, ¿he aha ia koe e teꞌo-teꞌo ena ꞌe e haka tuꞌu ena pa he meꞌe ena ē: te meꞌe i a koe hai koe mau ꞌā e ai ena?

1 Kōrinto 1:29

ꞌO ira, ꞌina e tahi kope mo haka paka i a ia ꞌi muꞌa i te ꞌAtua.

Māteo 19:26

He uꞌi riva-riva e Ietū ꞌe he pāhono: —E ko ravaꞌa, ki te hora hopeꞌa, e te kope e tahi mo haka eꞌa i a ia mau ꞌā mai roto i te ūtuꞌa o te hara. Mo te ꞌAtua mau nō e haka eꞌa. ꞌIna, paꞌi, e tahi meꞌe mo taꞌe ravaꞌa e ia mo aŋa.

Māteo 19:28

He pāhono e Ietū: —ꞌĪ a au he kī atu: ꞌi te hora haka ꞌāpī i te meꞌe taꞌatoꞌa ꞌe noho o te ⌊Poki o te taŋata⌋ ꞌi ruŋa i te pepe ꞌariki o te ꞌAtua, a kōrua, te nuꞌu oho mai ꞌi muri i a au, he noho takoꞌa ꞌi ruŋa i te pepe ꞌariki e hoꞌe ꞌahuru mā piti mo ture i te ŋā hoꞌe ꞌahuru mā piti mata o te itaraera.