Māteo 19:22 - Rapa Nui

²² I ŋaroꞌa era e rā repa i tū vānaŋa era, he māui-ui rō atu ꞌai te māhatu, ꞌe i haka kiva-kiva i eꞌa i oho ai ꞌi te rahi o tōꞌona hauhaꞌa.

Māteo 19:22 ပူးပေါင်းရင်းမြစ်များ

Māteo 13:22

»Te kona mauku pū-pū vī-viri era o te karu he nuꞌu haka roŋo i te roŋo o te ꞌAtua, ꞌe, ꞌi te pūai o te haŋa ki te meꞌe o te ao nei ꞌe ki te ꞌono he mira-mira te manaꞌu. Taꞌatoꞌa meꞌe nei he haka vavau i te vānaŋa o te ꞌAtua ꞌe ꞌina e ko haka rē mo hua ꞌi roto i a rāua.

Māteo 14:9

He māui-ui te māhatu, he haka kiva-kiva a ꞌErore; ꞌe, ꞌi te ai ko hōrea ꞌana ꞌi muꞌa o te nuꞌu oho ki rā ŋoŋoro, he uŋa ki te vaꞌehau mo vaꞌai.

Māteo 16:26

»ꞌIna e tahi auraꞌa mo te taŋata ai i tāꞌana meꞌe taꞌatoꞌa haŋa o te ao nei ꞌe ꞌina i a ia te ora ꞌāpī ꞌina he hopeꞌa raꞌa. ꞌIna e tahi meꞌe mo vaꞌai ꞌo mo aŋa e te taŋata mo ꞌauhau ki te ꞌAtua mo ravaꞌa i rā ora.

Māteo 19:21

He pāhono e Ietū: —Mo haŋa ōꞌou mo riro he taŋata ꞌina e tahi hape, ka oho ka hoꞌo tahi tuꞌu hauhaꞌa ꞌe ꞌai ka vaꞌai rō te moni mo te nuꞌu veve. Pē ira he ai tuꞌu hauhaꞌa ꞌi te raŋi. ꞌE ꞌai koe ka oho iho mai ꞌi muri i a au mo taŋata hāpī ꞌāꞌaku.

Māteo 19:23

He meꞌe ia e Ietū ki tāꞌana nuꞌu hāpī: —ꞌĪ a au he kī atu: aŋa riꞌa-riꞌa te taŋata ꞌono mo oꞌo ki roto i te haka tere iŋa ꞌāpī o te ꞌAtua.

Māteo 6:24

»ꞌIna e tahi kope mo ravaꞌa mo tāvini, ꞌi tū hora ꞌā, ki te ŋāŋata hoko rua. Mo aŋa pē ira, ki te kope e tahi ka haŋa era ꞌe ki te rua ꞌina. He haꞌatura ki te taŋata e tahi ꞌe ki te rua ka taꞌe haka au era. Te auraꞌa: e ko tano koe mo aŋa ki te ꞌAtua ꞌe ki te hauhaꞌa ꞌi tū hora ꞌā.

Marko 10:22

I ŋaroꞌa era e rā taŋata i tū meꞌe era, he māui-ui rō atu ꞌai te māhatu, ꞌe i haka kiva-kiva i eꞌa i oho ai ꞌi te rahi o tōꞌona hauhaꞌa.

Marko 6:26

He haka kiva-kiva ꞌe he māui-ui rō atu ꞌai te māhatu o te ꞌariki. ꞌE, ꞌi te meꞌe ko hōrea ꞌā ꞌi muꞌa o tū nuꞌu taꞌatoꞌa era, he ꞌē-ē rō atu ꞌai ꞌo haꞌamā ꞌi te taꞌe haka tano i tāꞌana vānaŋa.

Ruka 18:23

I ŋaroꞌa era i rā vānaŋa, he māui-ui te māhatu ꞌe he haka kiva-kiva ꞌi te rahi o tōꞌona ꞌono.

Iovani 16:20

ꞌĪ a au he kī atu: e ta-taŋi rō ꞌe e koromaki rō kōrua, ꞌe te nuꞌu o te ao nei taꞌe haka moe i te manaꞌu ꞌi ruŋa i a au e koa rō. ꞌE, ka ai atu e koromaki rō kōrua, te koromaki era e huri rō ki te koa.

Ēfeto 5:5

E ꞌite kōrua: te kope aŋa i te meꞌe taꞌe tano pohe e te hakari, te kope aŋa i te meꞌe hano-hano, ꞌe te kope haka rē i a ia ki te nou-nou, e ko oꞌo ki roto o te nūnaꞌa taŋata haka tere e Ietū ꞌe e te ꞌAtua. Te nou-nou, paꞌi, e tuꞌu rō ꞌā pa he meꞌe ena: e haꞌamuri ꞌana kōrua ki te ꞌītoro, ꞌe rā ꞌītoro he taoꞌa.

Kōrosa 3:5

E te taina, e haka kore tahi te meꞌe taꞌe tano aŋa ꞌi muꞌa ꞌā. ꞌIna kōrua ko moe i te viꞌe ꞌo i te taŋata taꞌe he viꞌe ꞌo he kenu o kōrua, ꞌina ko aŋa e tahi meꞌe taꞌe tano ꞌe hano-hano haŋa e te hakari, ꞌina kōrua ko haꞌatiꞌa ki te meꞌe taꞌe tano pohe e te hakari mo haka tere atu, ꞌe ꞌina takoꞌa ko nou-nou. (Te nou-nou, paꞌi, e tuꞌu rō ꞌā pa he meꞌe ena: e haꞌamuri ꞌana kōrua ki te ꞌītoro, ꞌe rā ꞌītoro he taoꞌa).