Māteo 19:21 - Rapa Nui

²¹ He pāhono e Ietū: —Mo haŋa ōꞌou mo riro he taŋata ꞌina e tahi hape, ka oho ka hoꞌo tahi tuꞌu hauhaꞌa ꞌe ꞌai ka vaꞌai rō te moni mo te nuꞌu veve. Pē ira he ai tuꞌu hauhaꞌa ꞌi te raŋi. ꞌE ꞌai koe ka oho iho mai ꞌi muri i a au mo taŋata hāpī ꞌāꞌaku.

Māteo 19:21 ပူးပေါင်းရင်းမြစ်များ

Māteo 16:24

He kī ia e Ietū ki tū nuꞌu taꞌatoꞌa hāpī era ꞌāꞌana: «Te kope haŋa mo riro ōꞌona he taŋata hāpī ꞌāꞌaku e haka rehu i a ia mau ꞌā, ꞌai ka ꞌamo rō i tōꞌona tātaurō, te auraꞌa, e vaꞌai i a ia ꞌātā mo mate ꞌi te aŋa iŋa i tāꞌaku meꞌe haŋa.

Māteo 19:20

—Te meꞌe taꞌatoꞌa ena ko haka tano tahi ꞌana e au —i kī ai e rā kope—. ¿He aha tāꞌaku meꞌe toe mo aŋa?

Māteo 19:22

I ŋaroꞌa era e rā repa i tū vānaŋa era, he māui-ui rō atu ꞌai te māhatu, ꞌe i haka kiva-kiva i eꞌa i oho ai ꞌi te rahi o tōꞌona hauhaꞌa.

Māteo 19:28

He pāhono e Ietū: —ꞌĪ a au he kī atu: ꞌi te hora haka ꞌāpī i te meꞌe taꞌatoꞌa ꞌe noho o te ⌊Poki o te taŋata⌋ ꞌi ruŋa i te pepe ꞌariki o te ꞌAtua, a kōrua, te nuꞌu oho mai ꞌi muri i a au, he noho takoꞌa ꞌi ruŋa i te pepe ꞌariki e hoꞌe ꞌahuru mā piti mo ture i te ŋā hoꞌe ꞌahuru mā piti mata o te itaraera.

Māteo 4:19

He kī e Ietū: «Ka oho mai kōrua ꞌi muri i a au. He haka riro a au i a kōrua he nuꞌu hī taŋata mo te ꞌAtua».

Māteo 5:48

»E ai kōrua he nuꞌu ꞌina e tahi hape, pa he Matuꞌa o kōrua ꞌi te raŋi.

Māteo 8:22

He pāhono e Ietū: —Ka haka rē mo te nuꞌu mate e tanu i te rāua nuꞌu mate; ꞌe a koe ka oho mai ꞌi muri i a au mo taŋata hāpī ꞌāꞌaku.

Māteo 9:9

He oho ia a Ietū mai tū kona era, he takeꞌa i te taŋata e tahi te ꞌīŋoa ko Māteo e noho rō ꞌana ꞌi tōꞌona kona aŋa. A ia he kope haka ꞌauhau i te taŋata hai moni mo te rōmano. He kī: «Ka oho mai koe mo taŋata hāpī ꞌāꞌaku». He eꞌa a Māteo he oho ꞌi muri.

Marko 10:21

He uꞌi a Ietū a ruŋa i rā kope ꞌe he koa. He kī: —E tahi aꞌa meꞌe toe mo aŋa: ka oho ka hoꞌo tahi tuꞌu hauhaꞌa, ꞌe ꞌai ka vaꞌai rō te moni mo te nuꞌu veve. Pē ira he ai tuꞌu hauhaꞌa ꞌi ruŋa i te raŋi. ꞌE ꞌai koe ka oho iho mai ꞌi muri i a au mo taŋata hāpī ꞌāꞌaku.

Marko 2:14

E oho nō ꞌā he takeꞌa i a Rēvī, he poki ꞌa Arafeo, e noho rō ꞌana ꞌi tōꞌona kona aŋa. A ia he kope haka ꞌauhau i te taŋata hai moni mo te rōmano. He kī e Ietū: «Ka oho mai koe mo taŋata hāpī ꞌāꞌaku». He māroa a Rēvī he eꞌa he oho ꞌi muri.

Marko 8:34

ꞌI tū hora mau era ꞌā he raŋi e Ietū ki tāꞌana nuꞌu hāpī ꞌe ki te nuꞌu haka ꞌou o muri mo haka hāhine ꞌe he kī: «Te kope haŋa mo riro ōꞌona he taŋata hāpī ꞌāꞌaku e haka rehu i a ia mau ꞌā, ꞌai ka ꞌamo rō i tōꞌona tātaurō, te auraꞌa, e vaꞌai i a ia ꞌātā mo mate ꞌi te aŋa iŋa i tāꞌaku meꞌe haŋa.

Ruka 12:33

Te kōrua meꞌe e hoꞌo ꞌe e vaꞌai te moni ki te veve. Pē ira he ai te kōrua hauhaꞌa e ko pau ꞌi ruŋa i te raŋi, kona pa he pūtē ena ꞌā ka ꞌī atu, e ko paihi ki te hora hopeꞌa, kona e ko tuꞌu te toke-toke ꞌe te manuꞌino e ko kai.

Ruka 14:33

»Ko tū meꞌe ꞌā mo kōrua. Mo haŋa o kōrua mo riro he nuꞌu hāpī ꞌāꞌaku, e manaꞌu, ꞌi raꞌe, ana tano kōrua mo ꞌamo i te paŋahaꞌa. Kope nō ena o roto i a kōrua mo taꞌe haka rē i tāꞌana meꞌe haŋa taꞌatoꞌa, e ko tano mo taŋata hāpī ꞌāꞌaku.

Ruka 16:9

ꞌO ira ꞌī a au he kī atu: te hauhaꞌa o kōrua o te nuꞌu haka moe i te manaꞌu ꞌi ruŋa i te ꞌAtua e vaꞌai mo hāꞌūꞌū ki te rua ki ai ai te kōrua repahoa ꞌi te ao nei, ꞌe ki ai ai, ꞌi te hora o te kōrua mate, te kōrua repahoa ꞌi te raŋi mo toꞌo i a kōrua.

Ruka 18:22

I ŋaroꞌa era e Ietū, he kī: —E tahi aꞌa meꞌe toe mo aŋa: ka oho ka hoꞌo tahi tuꞌu hauhaꞌa, ꞌe ꞌai ka vaꞌai rō te moni mo te nuꞌu veve. Pē ira he ai tuꞌu hauhaꞌa ꞌi ruŋa i te raŋi. ꞌE ꞌai koe ka oho iho mai ꞌi muri i a au mo taŋata hāpī ꞌāꞌaku.

Ruka 5:27

I oti era te meꞌe nei, he eꞌa a Ietū he oho mai tū kona era. He takeꞌa i te taŋata e tahi e haka ꞌauhau ꞌana i te nuꞌu hai moni mo te rōmano te ꞌīŋoa ko Rēvī. Te taŋata nei e noho rō ꞌana ꞌi muri i tōꞌona ꞌamuramaꞌa aŋa. He kī e Ietū: «Ka oho mai koe mo taŋata hāpī ꞌāꞌaku».

Ruka 6:40

Te kope hāpī taꞌe i hau ki tōꞌona maꞌori; ki oti i te hāpī, ka ai era pē tōꞌona maꞌori.

Ruka 9:23

I oti era he kī ki te taꞌatoꞌa: «Te kope haŋa mo riro ōꞌona he taŋata hāpī ꞌāꞌaku e haka rehu i a ia mau ꞌā, ꞌai ka ꞌamo rō, paurō te mahana, i tōꞌona tātaurō, te auraꞌa, e vaꞌai i a ia ꞌātā mo mate ꞌi te aŋa iŋa i tāꞌaku meꞌe haŋa.

Iovani 10:27

Tāꞌaku māmoe, paꞌi, e aŋi-aŋi rō ꞌana i tōꞌoku reꞌo, ꞌe ko ꞌite ꞌana e au ko ai ko ai. A rāua e oho rō mai ꞌana ꞌi muri i a au.

Iovani 12:26

Te kope haŋa mo aŋa mai ki a au ka oho mai ꞌi muri i a au. ꞌE ꞌi te kona era ꞌi ira a au, ꞌi ira takoꞌa a ia. Te kope aŋa mai ki a au he haka nui-nui e tōꞌoku Matuꞌa.

Aŋa o te ꞌĀpōtoro 2:45

He hoꞌo i te henua ꞌe i te meꞌe taꞌatoꞌa o rāua, ꞌe ꞌai ka tuhaꞌa i te moni ki te nuꞌu e hape rō ꞌana te rāua meꞌe.

ꞌEvereo 10:34

I haka ꞌaroha rō kōrua mo te nuꞌu puru ꞌi roto i te hare maꞌuꞌaurī, ꞌe ꞌātā hai koa e haka rē era e kōrua mo toꞌo e te nuꞌu i te kōrua hauhaꞌa, he ꞌite o kōrua: ꞌi te raŋi e ai rō ꞌā te meꞌe ꞌata hau rō atu e ko pau ki te hora hopeꞌa.