Māteo 19:15 - Rapa Nui

¹⁵ He haka puā e Ietū i tōꞌona rima ki ruŋa i tū ŋā poki era he haꞌamaitai, ꞌe he eꞌa he oho mai ira.

Māteo 19:15 ပူးပေါင်းရင်းမြစ်များ

Māteo 19:14

He kī ia e Ietū: «E haka rē kōrua i te ŋā poki mo oho mai ki a au. Te ⌊haka tere iŋa ꞌāpī o te ꞌAtua⌋, paꞌi, mo te nuꞌu pa he ŋā poki».

Māteo 19:16

He oho te repa e tahi he uꞌi i a Ietū, ꞌe he ꞌui: —E te Maꞌori, ¿he aha tāꞌaku meꞌe riva-riva mo aŋa mo ravaꞌa e au i te ora ꞌāpī ꞌina he hopeꞌa raꞌa vaꞌai e te ꞌAtua?

Marko 10:16

He haꞌi ia e Ietū i tū ŋā poki era. I oti era he haka eke i te rima ki ruŋa ꞌe he haꞌamaitai.

1 Kōrinto 7:14

Te taŋata taꞌe haka moe i tōꞌona manaꞌu ꞌi ruŋa i a Ietū hāipo-ipo ki te viꞌe e haka moe rō ꞌā i te manaꞌu ꞌi ruŋa i a Ietū, he hāpaꞌo takoꞌa e te ꞌAtua ꞌo te ai ko hāipo-ipo ꞌā ki rā viꞌe; ꞌe te viꞌe taꞌe haka moe i tōꞌona manaꞌu ꞌi ruŋa i a Ietū he hāpaꞌo takoꞌa e te ꞌAtua ꞌo te ai ko hāipo-ipo ꞌana ki te taŋata e haka moe rō ꞌana i te manaꞌu ꞌi ruŋa i a Ietū. ꞌE he hāpaꞌo takoꞌa e te ꞌAtua i te rāua ŋā poki pa he ŋā poki ꞌāꞌana ꞌo te ai e tahi o rā ŋā matuꞌa o te ꞌAtua.

2 Timoteo 3:15

Mai tuꞌu ꞌiti-ꞌiti haŋa ꞌā i ꞌite rō ai a koe i te meꞌe o ruŋa i te ⌊Pāpaꞌi Moꞌa⌋, he meꞌe haka ꞌite ꞌe haka aŋi-aŋi atu pē nei ē: mo eꞌa mai roto i te ūtuꞌa o te hara e haka moe i te manaꞌu ꞌi ruŋa i a Ietū Kiritō.