Māteo 18:9 - Rapa Nui

⁹ ꞌE mo haka hara atu i a koe e tuꞌu mata, ka ka-karo ꞌe ꞌai ka hoa rō a kōnui era. E hau rō atu ꞌi te tano mo ravaꞌa i te ora ꞌāpī ꞌina he hopeꞌa raꞌa e tahi nō uꞌu mata, ki te ai ararua mata ꞌe he hoa i a koe ki roto i te pōꞌauahi.

Māteo 18:9 ပူးပေါင်းရင်းမြစ်များ

Māteo 16:26

»ꞌIna e tahi auraꞌa mo te taŋata ai i tāꞌana meꞌe taꞌatoꞌa haŋa o te ao nei ꞌe ꞌina i a ia te ora ꞌāpī ꞌina he hopeꞌa raꞌa. ꞌIna e tahi meꞌe mo vaꞌai ꞌo mo aŋa e te taŋata mo ꞌauhau ki te ꞌAtua mo ravaꞌa i rā ora.

Māteo 18:8

»ꞌO ira, mo haka hara atu i a koe e tuꞌu rima e tuꞌu vaꞌe, ka hore, ꞌai ka hoa rō a kōnui era. E hau rō atu ꞌi te tano mo ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua e tahi mau nō rima ꞌo e tahi mau nō vaꞌe, ki te ai ararua uꞌu rima ꞌe ararua uꞌu vaꞌe ꞌe he hoa i a koe ki roto i te ahi ꞌina he mate ki te hora hopeꞌa.

Māteo 19:17

He pāhono e Ietū: —¿He aha rā koe e ꞌui mai ena o ruŋa i te meꞌe he riva-riva? Te kope riva e tahi mau nō: he ꞌAtua. ꞌE mo haŋa ōꞌou mo ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua, e haꞌatura tāꞌana roŋo.

Māteo 5:22

ꞌE, ꞌī a au he kī atu: he haka ūtuꞌa e te ꞌAtua i te kope riri mo te rua. ꞌE te kope vā-vā ꞌe kī i te maꞌa-maꞌa o te rua he ture e te ⌊nūnaꞌa taŋata i a rāua te kī iŋa hopeꞌa o te haka tere hūrio⌋. Te kope haka haꞌamā ꞌe kī i te taꞌe hauhaꞌa o te rua te ūtuꞌa tano mōꞌona he pōꞌauahi.

Māteo 5:29

»ꞌO ira, mo haka hara atu i a koe e tuꞌu mata mataꞌu, ka kume, ka hoa ki kōnui. I hau ꞌi te tano mo kore e tahi kona o tuꞌu hakari, ki te hoa i tuꞌu hakari taꞌatoꞌa ki roto i te pōꞌauahi.

Marko 9:47

»ꞌE mo haka hara i a koe e tuꞌu mata e tahi, ka ka-karo ka hoa mai ruŋa i a koe; e hau rō atu, paꞌi, mōꞌou te oꞌo ki roto i te ao haka tere e te ꞌAtua e tahi nō mata, ki te ai ararua uꞌu mata ꞌe he hoa i a koe ki roto i te pōꞌauahi,

Aŋa o te ꞌĀpōtoro 14:22

he haka pūai he oho i te manaꞌu o te nuꞌu haka moe i te manaꞌu ꞌi ruŋa i a Ietū o rā ŋā kona. He hatu mo haka hio-hio mo oho i te rāua manaꞌu ꞌi ruŋa i a Ietū, ꞌe he kī: «E ko taꞌe piri mai ki a tātou ki te nuꞌu haka moe i te manaꞌu ꞌi ruŋa i a Ietū te ꞌati ꞌi te ao nei ꞌi raꞌe ki te oꞌo ki te ao haka tere e te ꞌAtua pe muꞌa ka oho ena».

ꞌEvereo 4:11

ꞌO ira, ki vaꞌai tahi tātou i a tātou mo oꞌo ki roto i tōꞌona haka ora, ꞌo taꞌe oꞌo rō e tahi o tātou, pa he nuꞌu taꞌe haꞌatura era ki te ꞌAtua.

Meꞌe Haka Takeꞌa 21:27

ꞌE ki te hora hopeꞌa ꞌina e tahi meꞌe taꞌe tano mo oꞌo ki ira. E ko oꞌo te kope haꞌamuri ki te ꞌītoro ꞌe te kope reo-reo. Te nuꞌu nō mo oꞌo he nuꞌu te rāua ꞌīŋoa e pāpaꞌi rō ꞌā ꞌi ruŋa i te puka era o te Māmoe, he puka ꞌi ruŋa i pāpaꞌi ai i te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa vaꞌai e te ꞌAtua.