Māteo 18:7 - Rapa Nui

⁷ »He ꞌati e tahi mo te nuꞌu o te ao te ai meꞌe rahi nō atu meꞌe uŋa i te taŋata ki roto i te hara. Rā ŋā meꞌe ꞌina e ko taꞌe ai. Ka ai atu pē ira, ¡ko te ꞌaroha ꞌi te kope haka hara i te rua!

Māteo 18:7 ပူးပေါင်းရင်းမြစ်များ

Māteo 16:23

He rori e Ietū he kī ki a Pētero: —¡Ka haka tapa koe mai muri i a au! ¡E haka ꞌaka-ꞌaka ꞌā koe i tōꞌoku manaꞌu pē Rukifero ꞌā! ꞌIna koe he manaꞌu pa he manaꞌu o te ꞌAtua, a koe e manaꞌu ena hai manaꞌu taŋata.

Māteo 26:24

ꞌĪ a au he kī atu: te meꞌe taꞌatoꞌa hāꞌaki ꞌi ruŋa i te ⌊Pāpaꞌi Moꞌa⌋ mo topa ki te Poki o te taŋata e ko taꞌe topa; ꞌe, ¡ko te ꞌaroha i te kope māꞌana e vaꞌai ki te nuꞌu! I hau ꞌi te riva mōꞌona ꞌāhani i taꞌe poreko.

Marko 13:7

»Ka ŋaroꞌa ena e kōrua i te parau ꞌāpī ko tamaꞌi ꞌā a nei ꞌe a rā, ꞌina kōrua ko riꞌa-riꞌa. He topa mau ꞌā te meꞌe ena. ꞌE, ka ai atu pē ira, kai hāhine ꞌā te hopeꞌa o te ao nei.

Ruka 17:1

He kī e Ietū ki tāꞌana nuꞌu hāpī: «ꞌI te ao nei e ko taꞌe ai te meꞌe mo uŋa i te taŋata a roto i te hara; ꞌe, ¡ko te ꞌaroha ꞌi te kope haka hara i te rua!

Iovani 17:12

Hora taꞌatoꞌa ōꞌoku ꞌi muri i a rāua ꞌi te ao nei, e hāpaꞌo nei e au hai pūai vaꞌai mai e koe ꞌo haꞌataꞌa mai muri i a koe. ꞌE ꞌina a rāua kai haꞌataꞌa, he kope mau nō era ko tāpaꞌo era ꞌā mo te pōꞌauahi mo tano o te meꞌe kī ꞌi ruŋa i te ⌊Pāpaꞌi Moꞌa⌋.

Aŋa o te ꞌĀpōtoro 1:16

«Pē ira mau ꞌā te meꞌe nei ana topa, e tōꞌoku taina ē, mo haka tano ki te meꞌe kī e te Vārua Maitai ꞌi ruŋa i te ⌊Pāpaꞌi Moꞌa⌋ pāpaꞌi e ⌊Tāvita⌋ o ruŋa i a Hura, kope uŋa era i te nuꞌu mo ꞌa-ꞌaru i a Ietū.

1 Kōrinto 11:19

¡E topa-topa kē-kē mau ꞌā pēaha kōrua ki takeꞌa ai ko ai te kope tano ki te mata o te ꞌAtua!

1 Timoteo 6:1

E Timoteo, e haka ꞌite ki te nuꞌu ꞌekaravo ⌊haka moe i te manaꞌu⌋ ꞌi ruŋa i a Ietū: e moꞌa i te taŋata haka aŋa i a rāua. Mo taꞌe moꞌa o rāua, he kī e te nuꞌu i te vānaŋa taꞌe tano o ruŋa i te tātou hāpī ꞌe o ruŋa i te ꞌAtua.

Tito 2:5

mo hāito i te rāua meꞌe kī ꞌe i te rāua meꞌe aŋa, mo hāpaꞌo i te rāua hakari mo te rāua kenu, mo maꞌu riva-riva i te rāua hare, mo hāꞌūꞌū ki te rua, ꞌe mo moꞌa i te rāua kenu, ꞌo kī rō e te nuꞌu i te vānaŋa taꞌe tano mo te roŋo o te ꞌAtua.

Tito 2:8

ꞌe hai vānaŋa riva-riva ꞌe tī-tika, ꞌo ai te vānaŋa taꞌe tano mo kī e te tētahi taŋata mōꞌou. Pē ira ka haꞌamā ena te nuꞌu taꞌe haŋa ki te hāpī parautiꞌa o te ꞌAtua, he taꞌe ravaꞌa e rāua e tahi meꞌe taꞌe tano o tātou mo kī.

Hura 1:4

Nā, paꞌi, hai reo-reo ko oꞌo ꞌana ki roto i te nūnaꞌa taŋata ⌊haka moe i te manaꞌu⌋ ꞌi ruŋa i a Ietū te nuꞌu haka ꞌite mai era ꞌi ruŋa i te ⌊Pāpaꞌi Moꞌa⌋ e ai rō ꞌā te ūtuꞌa mo rāua. Te nuꞌu nei he nuꞌu taparahi-taꞌata toꞌo i te riva rahi o te tātou ꞌAtua pa he ꞌōtohe mo aŋa i te meꞌe haŋa nō e te rāua hakari, ꞌe ꞌina he haŋa ki te tātou Pūꞌoko Haka Tere ko Ietū Kiritō.