Māteo 18:17 - Rapa Nui

¹⁷ ꞌE mo taꞌe haka roŋo ki rā ŋā mataꞌite, ka kī ki te nūnaꞌa taŋata taꞌatoꞌa o rā kona ⌊haka moe i te manaꞌu⌋ ꞌi ruŋa i te ꞌAtua. ꞌE mo taꞌe haka roŋo ki rā nuꞌu, ka haꞌariro pa he taŋata kai ꞌite ko ai te ꞌAtua parautiꞌa ꞌo pa he ⌊nuꞌu haka ꞌauhau i te taŋata hai moni mo te rōmano⌋.

Māteo 18:17 ပူးပေါင်းရင်းမြစ်များ

Māteo 10:3

ko Feripe, ko Torometi, ko Tōmā, ko Māteo, kope haka ꞌauhau i te taŋata hai moni mo te rōmano; ko Tanatiako, poki ꞌa Arafeo; ko Tāreo,

Māteo 11:19

He tuꞌu mai ia te ⌊Poki o te taŋata⌋, e kai rō ꞌana ꞌe e unu rō ꞌā; he kī e kōrua i te rava kai ꞌe i te rava unu, ꞌe he repahoa o te nuꞌu hara ꞌe o te ⌊nuꞌu haka ꞌauhau i te taŋata hai moni mo te rōmano⌋. Ka ai atu pē ira, te haka tere iŋa hai manaꞌu o te ꞌAtua e takeꞌa ena he meꞌe tano hai nuꞌu haka tere i a rāua pa he meꞌe haŋa ꞌāꞌana».

Māteo 5:46

»Mo haŋa o kōrua ki te nuꞌu haŋa nō atu, ¿e vaꞌai mau rō atu te ꞌAtua i te meꞌe mo koa o kōrua mo aŋa pē ira? ꞌĀtā, paꞌi, te ⌊nuꞌu haka ꞌauhau i te taŋata hai moni mo te rōmano⌋ e aŋa takoꞌa rō ꞌana pē ira.

Māteo 6:7

»E pure ꞌana kōrua, ꞌina ko haka hoki te vānaŋa ko tū vānaŋa ꞌā ko tū vānaŋa ꞌā, pa he meꞌe aŋa e te nuꞌu taꞌe ꞌite ko ai te ꞌAtua parautiꞌa ꞌi te manaꞌu ana rahi te rāua vānaŋa iŋa, he ŋaroꞌa e te ꞌAtua.

Ruka 15:1

Te ⌊nuꞌu haka ꞌauhau i te taŋata hai moni mo te rōmano⌋ ꞌe tētahi atu nuꞌu aŋa i te meꞌe taꞌe tano e haka hāhine rō ꞌā ki a Ietū mo haka roŋo i tāꞌana vānaŋa.

Ruka 18:11

»He māroa rā fariseo he pure a roto i a ia ꞌā: “E te ꞌAtua ē, he māuru-uru atu a au ꞌo te taꞌe ai ōꞌoku pa he tētahi nuꞌu: he toke-toke, he taparahi-taꞌata, he taiꞌata; ꞌe, takoꞌa, ꞌo te taꞌe ai ōꞌoku pa he taŋata era ai, haka ꞌauhau i te nuꞌu hai moni mo te rōmano.

1 Kōrinto 5:9

ꞌI ruŋa i tāꞌaku meꞌe pāpaꞌi raꞌe atu era i hāꞌaki atu ai a au: ꞌina kōrua ko ai he repahoa o te nuꞌu moe i te viꞌe ꞌo i te taŋata taꞌe he kenu ꞌāꞌana.

1 Kōrinto 6:1

Mo ai o te taina e ai rō ꞌana tāꞌana ture mo te rua taina, ꞌina ko maꞌu i rā taina ki muꞌa o te nuꞌu pūꞌoko haka tere o te hare ture o te ao nei. Te meꞌe mau mo aŋa he ani ki te tētahi taina haꞌataꞌa e te ꞌAtua māꞌana mo hāꞌūꞌū i a ia.

2 Tētārōnika 3:6

E te taina, he kī atu a mātou hai ꞌīŋoa o te tātou Pūꞌoko Haka Tere ko Ietū Kiritō: mo ai ꞌi roto i a kōrua e tahi taina hupe-hupe taꞌe haka tere i a ia hai meꞌe hāpī atu era e mātou, e haka tapa kōrua mai muri.

1 Timoteo 6:5

ꞌe te rava ture ꞌi roto i te nuꞌu ꞌina he manaꞌu riva-riva toe ꞌe ꞌina he aŋi-aŋi haka ꞌou he aha te meꞌe he parautiꞌa ꞌe he aha te meꞌe he reo-reo. Mo rāua te hāpī o ruŋa i te ꞌAtua he rāveꞌa e tahi mo ꞌono.