Māteo 18:10 - Rapa Nui

¹⁰ »ꞌIna kōrua ko taꞌe haka au i te nuꞌu taꞌe pūai rahi o te haka moe iŋa i te manaꞌu ꞌi ruŋa i a au. ꞌĪ a au he kī atu: te merahi hāpaꞌo i te nuꞌu era ꞌai te raŋi ꞌi muꞌa o tōꞌoku Matuꞌa. [

Māteo 18:10 ပူးပေါင်းရင်းမြစ်များ

Māteo 1:20

Ko manaꞌu ꞌā mo aŋa ꞌi rā meꞌe, i oꞌo rō ai e tahi merahi o te ꞌAtua ꞌi roto i tōꞌona moe vārua he kī: «E Kōsē, hakaara o te ꞌariki ko Tāvita ē, ꞌina koe ko riꞌa-riꞌa mo hāipo-ipo ki a Māria. Te poki ena ꞌāꞌana o te Vārua Maitai i haka tupu.

Māteo 12:20

E ko riri ki te nuꞌu taꞌe haka moe rahi i te manaꞌu ꞌi ruŋa i a ia, ꞌe e ko riri ki te nuꞌu ꞌaka-ꞌaka o te manaꞌu. E aŋa e oho nō ꞌātā ka haka tano tahi rō i te meꞌe haŋa ꞌāꞌaku.

Māteo 18:14

Pē ira takoꞌa ꞌā, te Matuꞌa o kōrua o te raŋi e ko haŋa mo ŋaro ꞌo mo ꞌati e tahi o te nuꞌu nei, nuꞌu taꞌe pūai rahi o te haka moe iŋa i te manaꞌu ꞌi ruŋa i a au.

Māteo 18:6

»Te ūtuꞌa o te ꞌAtua mo te taŋata haka hara i te kope taꞌe pūai rahi o te haka moe iŋa i tōꞌona manaꞌu ꞌi ruŋa i a au he ūtuꞌa ꞌata taparahi-taꞌata ki te ūtuꞌa he here hai māꞌea paŋahaꞌa ki te ŋao ꞌai ka hoa ki raro i te parera o te vaikava.

Māteo 2:13

I oho era tū nuꞌu maꞌori hāpī hetuꞌu era, he oꞌo e tahi merahi o te ꞌAtua ꞌi roto i te moe vārua o ⌊Kōsē⌋ ꞌe he kī: «Ka ꞌara koe. Ka toꞌo te poki ararua ko tōꞌona matuꞌa vahine, ꞌai ka eꞌa ka tē-tere ki Ehipto. ꞌI ira kōrua ana noho ꞌātā ki tōꞌoku hāꞌaki iŋa haka ꞌou atu. Nā, paꞌi, a ꞌErore he kimi i te poki mo tiŋaꞌi mo mate».

Māteo 2:19

I mate era a ꞌErore, he oꞌo haka ꞌou te merahi o te ꞌAtua ꞌi roto i te moe vārua ki a Kōsē ꞌi Ehipto ꞌe he kī:

Māteo 24:31

Hai puhi pūai o te koneta ka uŋa era i tāꞌana merahi mo haka taka-taka i te nuꞌu haꞌataꞌa māꞌana mai te pāꞌiŋa era a ha-hā o te ao, mai te potu nei o te raŋi ki te potu era.

Ruka 1:19

He pāhono e tū merahi era: —A au ko Kapiriera, e aŋa nei ki te ꞌAtua; ꞌāꞌana i uŋa mai i a au mo vānaŋa atu ꞌe mo haka ꞌite atu i te parau ꞌāpī riva-riva nei.

Ruka 10:16

He kī ia e Ietū ki tāꞌana nuꞌu hāpī: «Te nuꞌu haka roŋo atu e haka roŋo mai ꞌana; te nuꞌu taꞌe haŋa atu e taꞌe haŋa mai ꞌana; ꞌe te nuꞌu taꞌe haŋa mai e taꞌe haŋa ꞌana ki te kope uŋa mai i a au».

Ruka 16:22

»He tuꞌu ki te mahana e tahi he mate tū ꞌōtare era, he maꞌu e te merahi ki te raŋi ki muri i a ⌊ꞌAparahama⌋. He mate takoꞌa tū taŋata ꞌono era. He maꞌu he tanu, ꞌe ꞌi roto i te pōꞌauahi i hopeꞌa ai. ꞌE mai roto i rā ꞌati i hārui ai te mata, he uꞌi ko ꞌAparahama ꞌi kōnui era, ꞌe ꞌi muri e noho rō ꞌā a Rātaro.

Aŋa o te ꞌĀpōtoro 10:3

E tahi mahana pe te hora toru o te ahi-ahi, he takeꞌa i te meꞌe i haka takeꞌa e te ꞌAtua: he merahi e tahi e uru ꞌā ki te kona ꞌi ira a ia ꞌe he kī: «¡E Koronerio!».

Aŋa o te ꞌĀpōtoro 12:15

He kī e tū nuꞌu era: «¡Ē, ko maꞌa-maꞌa ꞌā koe!». ꞌAi tū viꞌe era e kī era he parautiꞌa ꞌe ꞌai tū nuꞌu era e kī era: «Taꞌe ko ia, koiꞌite he merahi hāpaꞌo i a ia».

Aŋa o te ꞌĀpōtoro 12:23

ꞌI rā hora mau ꞌā he haka māui-ui i a ꞌErore e te merahi e tahi, ꞌo te haꞌatiꞌa i te taŋata mo haꞌahana-hana ki a ia ꞌe taꞌe ki te ꞌAtua, ꞌe kai roa i mate ai i kai e te oꞌi-oꞌi.

Aŋa o te ꞌĀpōtoro 27:23

Te ꞌAtua, kope ki a ia a au e aŋa nei ꞌe ꞌāꞌana a au, i uŋa mai i te merahi e tahi ꞌi ꞌaŋapō

Aŋa o te ꞌĀpōtoro 5:19

He tuꞌu ia te merahi e tahi o te ꞌAtua ꞌi te pō, he mātaki i te ꞌōpani o tū hare maꞌuꞌaurī era, he haka eꞌa i rā nuꞌu ꞌai ka kī:

Rōmano 14:10

¿He aha ia koe e kī ena e hape rō ꞌā tuꞌu taina? ꞌE ¿he aha koe e haka taꞌe au ena ki a ia? Taꞌatoꞌa nō tātou ka māroa ena ꞌi muꞌa o te ꞌAtua, ꞌe he kī mai he aha te tātou meꞌe tano ꞌe taꞌe tano i aŋa.

Rōmano 14:21

I hau rō atu i te tano mo taꞌe aŋa ōꞌou i te meꞌe manaꞌu e te rua he meꞌe taꞌe haꞌatiꞌa e te ꞌAtua, pa he kai i te kiko ꞌe pa he unu i te ꞌava, ꞌo hara tuꞌu taina.

Rōmano 15:1

A tātou, te nuꞌu ꞌite riva-riva i te meꞌe o ruŋa i te ꞌAtua, e haꞌaoromaꞌi te taꞌe aŋa o te tātou taina i te meꞌe manaꞌu e rāua he meꞌe taꞌe haꞌatiꞌa e te ꞌAtua. ꞌIna ko aŋa i te meꞌe mo koa o tātou nō.

1 Kōrinto 11:22

¿Ka kī ꞌō ꞌina kōrua hare mo kai ꞌe mo unu ꞌi ira? ¿He aha kōrua e taꞌe moꞌa ena i te nūnaꞌa taŋata haka moe i te manaꞌu ꞌi ruŋa i a Ietū? ¿He aha e haka haꞌamā ena i te nuꞌu ꞌina rāua meꞌe? ¿He aha tāꞌaku meꞌe mo kī atu? ¿Ko koa ꞌana a au? ꞌIna a au kai koa.

1 Kōrinto 16:11

ꞌIna kōrua ko uꞌi taꞌe au ki a ia; e hāꞌūꞌū i tōꞌona ara mo oho mai mo uꞌi i a au. ꞌĪ a au e tiaki atu ena ki a ia ꞌe ki te ŋā taina hokorua ena i a ia.

1 Kōrinto 9:22

ꞌE ꞌi te hora ōꞌoku ꞌi roto i te nuꞌu kai hio-hio ꞌā te rāua haka moe iŋa i te manaꞌu ꞌi ruŋa i a Ietū, he haka tere takoꞌa a au i a au pē rāua, mo haka hio-hio i te rāua manaꞌu ꞌi ruŋa i a Ietū. Te roa: e haka tere nei a au i a au pa he taꞌatoꞌa nō, he rāveꞌa e tahi mo haka eꞌa i te tētahi o rāua mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

2 Kōrinto 10:1

E te taina, nā ꞌi roto i a kōrua te nuꞌu e haꞌaꞌino rō ꞌā i a au pē nei ē: ꞌi te hora ōꞌoku ꞌi muri i a kōrua, ꞌina a au he kī atu ki te kōrua ꞌāriŋa i te kōrua hape, ꞌe, ꞌi te hora mo pāpaꞌi atu, he ture nō atu tāꞌaku aŋa. ꞌO ira, a au, a Pauro, he ani atu hai haŋa ꞌe hai riva rahi o te ⌊Kiritō⌋:

2 Kōrinto 10:10

ꞌĪ a au e kī atu ena: nā ꞌi roto i a kōrua te nuꞌu kī: pūai riꞌa-riꞌa tāꞌaku vānaŋa ꞌi te hora pāpaꞌi atu, ꞌe, ꞌi te hora ꞌi muꞌa i a kōrua, e tuꞌu rō ꞌā pa he kope taꞌe pūai ꞌe taꞌe ꞌite mo tātara.

Karatia 6:1

E te taina, mo takeꞌa e kōrua e tahi taina ⌊haka moe i te manaꞌu⌋ ꞌi ruŋa i a Ietū e hara ꞌā, e hāꞌūꞌū e kōrua e te nuꞌu ko te haka tere iŋa ꞌā e te ⌊Vārua Maitai⌋, mo hoki haka ꞌou ōꞌona a te ara tī-tika. ꞌE ana hāꞌūꞌū, hai haŋa ꞌe hai haumārū. E uꞌi ꞌo haka hara rō atu i a kōrua.

1 Tētārōnika 4:8

ꞌE te taina taꞌe haŋa ꞌe taꞌe haꞌatura ki te hāpī nei e hārui ꞌana i te ꞌAtua hai tuaꞌivi, taꞌe ꞌō i te taŋata; o te ꞌAtua, paꞌi, te hāpī nei ꞌe ꞌāꞌana te uŋa atu i te ⌊Vārua Maitai⌋ mo noho ꞌi roto i a kōrua.

1 Timoteo 4:12

E uꞌi ꞌo taꞌe haka au rō atu ꞌo te ai ōꞌou he taŋata ꞌāpī. Hai huru o tuꞌu vānaŋa ꞌe o tuꞌu noho iŋa, hai haŋa ōꞌou ki te rua, hai huru o tuꞌu haka moe iŋa i te manaꞌu ꞌi ruŋa i te ꞌAtua ꞌe hai noho iŋa hara kore ana haka takeꞌa ki te tētahi nuꞌu haka moe i te manaꞌu ꞌi ruŋa i a Ietū pē hē takoꞌa a rāua ana ai.

ꞌEvereo 1:14

Te merahi taꞌatoꞌa, paꞌi, he vārua aŋa ki te ꞌAtua uŋa mo hāꞌūꞌū ki te nuꞌu eꞌa mai roto i te ūtuꞌa o te hara ꞌe ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

ꞌEvereo 9:24

Te kona oꞌo era o Ietū taꞌe ko te kona aŋa era e te taŋata mo haꞌamuri ki te ꞌAtua, kona i aŋa mo tuꞌu pa he kona parautiꞌa era ꞌi te raŋi. Ki te raŋi mau ꞌana a Ietū i oꞌo ai, ꞌe ꞌai muꞌa o te ꞌAtua ꞌi te hora nei e ani ꞌana mo te riva-riva o tātou.

Meꞌe Haka Takeꞌa 8:2

He takeꞌa ia e au e hitu merahi e māroa rō ꞌana ꞌi muꞌa o te ꞌAtua, ꞌe he vaꞌai ki a rāua e hitu koneta.