Māteo 17:20 - Rapa Nui

²⁰ He pāhono e Ietū: —He taꞌe rahi o te kōrua haka moe iŋa mai i te manaꞌu ꞌi ruŋa i a au. ꞌĪ a au he kī atu: ꞌāhani te kōrua haka moe iŋa o te manaꞌu ꞌi ruŋa i a au korohaŋa pa he ꞌiti-ꞌiti ena ꞌā o te karu mostasa, e tano nō kōrua mo kī ki te maꞌuŋa era: «¡Ka oho koe mai nā ki te rua kona!», ꞌe he oho mai te kona era. ꞌE ꞌina e tahi meꞌe mo taꞌe ravaꞌa e kōrua mo aŋa. [

Māteo 17:20 ပူးပေါင်းရင်းမြစ်များ

Māteo 13:31

He ꞌaꞌamu takoꞌa e Ietū i te ꞌaꞌamu haꞌaauraꞌa nei: «Te haka tere iŋa ꞌāpī o te ꞌAtua pa he karu mostasa ꞌoka e te taŋata e tahi ꞌi ꞌuta.

Māteo 14:29

—Ka oho mai —i kī ai e Ietū. He topa a Pētero mai ruŋa i te vaka, he haꞌamata he haꞌere a ruŋa i te vai pe te kona era ꞌi ira a Ietū.

Māteo 17:17

He kī e Ietū: —¡E te nuꞌu pūꞌoko hio-hio manaꞌu taꞌe tano ꞌe taꞌe ⌊haka moe i te manaꞌu⌋ ꞌi ruŋa i te ꞌAtua ē! ¡Pa he meꞌe ena: ka ai ka oho nō atu a au ꞌi muri i a kōrua ꞌātā ki te paꞌo iŋa o te ao, ko te taꞌe haka moe iŋa mai ꞌā kōrua i te manaꞌu ꞌi ruŋa i a au! ¿ꞌĀtā ki hē rā nei ka haꞌaoromaꞌi ka oho nō nei i a kōrua? Ka maꞌu mai te poki.

Māteo 17:19

ꞌI te hora ko rāua nō, he ꞌui e te nuꞌu hāpī ꞌa Ietū: —E te Maꞌori, ¿he aha i taꞌe ravaꞌa ai e mātou mo haka eꞌa i rā tātane?

Māteo 17:9

E turu nō ꞌana ananake mai ruŋa i te maꞌuŋa, he kī e Ietū: —ꞌIna ko ꞌaꞌamu te meꞌe takeꞌa ena e kōrua ꞌātā ki te ora iŋa mai te mate o te ⌊Poki o te taŋata⌋.

Māteo 21:21

He pāhono e Ietū: —Te parautiꞌa, mo haka moe o kōrua i te manaꞌu ꞌi ruŋa i te ꞌAtua ꞌe ꞌina e ko ꞌaka-ꞌaka, te meꞌe o kōrua mo aŋa taꞌe nō ꞌō ko te meꞌe aŋa era e au ki te tumu pika. Mo kī o kōrua ki te maꞌuŋa nei: «Ka ꞌoi mai nā ꞌe ka rere ki roto i te vaikava», pē ira ka ai era.

Māteo 8:26

He pāhono e Ietū: —¿He aha rā kōrua e riꞌa-riꞌa ena, e te nuꞌu taꞌe haka moe riva-riva i te manaꞌu ꞌi ruŋa i a au ē? I kī era i rā meꞌe, he eꞌa ki ruŋa, e tahi nō reꞌo i kī ai ki te tokerau ꞌe ki te vaikava; he noho te tokerau ꞌe he māria rō ꞌai te vaikava.

Marko 11:22

He kī e Ietū: —E haka moe te kōrua manaꞌu ꞌi ruŋa i te ꞌAtua.

Marko 11:23

ꞌĪ a au he kī atu: te kope kī ki te maꞌuŋa nei: “¡Ka oho koe mai nā, ka rere ki roto i te vaikava!”, mo taꞌe ꞌaka-ꞌaka o rā kope ꞌe mo ⌊haka moe i te manaꞌu⌋ ꞌi ruŋa i te ꞌAtua he topa rā meꞌe kī era, pē ira mau ꞌā ka topa era.

Marko 4:31

Hai karu mostasa, karu hopeꞌa o te ꞌiti-ꞌiti.

Marko 9:23

He kī e Ietū: —¿He aha te vānaŋa ena: «mo ai e ravaꞌa rō e koe»? ¡Taꞌatoꞌa meꞌe e ravaꞌa nō e te kope haka moe i te manaꞌu ꞌi ruŋa i te ꞌAtua!

Ruka 1:37

Mo te ꞌAtua, paꞌi, ꞌina e tahi meꞌe mo taꞌe ravaꞌa mo aŋa.

Ruka 17:6

He pāhono e Ietū: «ꞌĀhani te kōrua haka moe iŋa o te manaꞌu ꞌi ruŋa i te ꞌAtua korohaŋa pa he ꞌiti-ꞌiti ena ꞌā o te karu mostasa, e tano nō kōrua mo kī ki te tumu nei: “Ka oꞌi tuꞌu aka, ꞌai ka oho ka ꞌoka rō ꞌi roto i te vaikava”, ꞌe he haꞌatura atu.

Ruka 18:27

He pāhono e Ietū: —E ko ravaꞌa, ki te hora hopeꞌa, e te kope e tahi mo haka eꞌa i a ia mau ꞌā mai roto i te ūtuꞌa o te hara. Mo te ꞌAtua mau nō e haka eꞌa. ꞌIna, paꞌi, e tahi meꞌe mo taꞌe ravaꞌa e ia mo aŋa.

Iovani 11:40

He kī haka ꞌou e Ietū: —¿Kai kī atu ꞌō e au, mo haka moe mai ōꞌou i tuꞌu manaꞌu ꞌi ruŋa i a au, he takeꞌa e koe i te pūai o te ꞌAtua?

1 Kōrinto 12:9

O te Vārua Maitai te vaꞌai ki te tētahi taŋata i te pūai mo ꞌata haka moe i tōꞌona manaꞌu ꞌi ruŋa i a Ietū, ꞌe ki te tētahi haka ꞌou atu i te pūai mo haka ora i te māui-ui.

1 Kōrinto 13:2

ꞌE mo vānaŋa ōꞌoku ki te nuꞌu i te meꞌe haka ꞌite mai e te ꞌAtua, ꞌe mo aŋi-aŋi ōꞌoku i te meꞌe taꞌatoꞌa, ꞌātā i te meꞌe manaꞌu e te ꞌAtua mo aŋa taꞌe haka ꞌite mai ꞌi muꞌa ꞌā, ꞌe mo riva ōꞌoku mo haka tapa i te maꞌuŋa mai tōꞌona kona ꞌi te pūai o tōꞌoku haka moe iŋa i te manaꞌu ꞌi ruŋa i a Ietū, ꞌe ꞌina o roto i a au te meꞌe he haŋa ki te rua, ꞌina ia e tahi ōꞌoku hauhaꞌa.

ꞌEvereo 3:19

ꞌE, he aŋi ꞌā, ꞌina mau ꞌā a rāua kai oꞌo, he taꞌe haka moe i te manaꞌu ꞌi ruŋa i te ꞌAtua.