Māteo 16:27 - Rapa Nui

²⁷ Te Poki o te taŋata, paꞌi, e oho rō mai e ꞌana-ꞌana rō ꞌana ꞌi te pūai o tōꞌona Matuꞌa, ꞌi muri i a ia tāꞌana merahi, ꞌe e ꞌauhau rō i te taŋata, e tahi e tahi, e haka tano ki te rāua meꞌe aŋa.

Māteo 16:27 ပူးပေါင်းရင်းမြစ်များ

Māteo 13:41

He uŋa e te Poki o te taŋata i tāꞌana merahi mo toꞌo mai roto o te haka tere iŋa ꞌāpī o te ꞌAtua i te nuꞌu haka hara i te rua ꞌe i te nuꞌu aŋa i te meꞌe taꞌe tano.

Māteo 13:49

ꞌI te paꞌo iŋa o te ao, pē ira ka ai ena: he eꞌa te merahi he haꞌataꞌa i te taŋata aŋa i te meꞌe taꞌe tano mai roto i te nuꞌu aŋa i te meꞌe tano,

Māteo 24:30

ꞌI rā hora he takeꞌa ꞌi te raŋi te tāpaꞌo o te hoki iŋa mai o te Poki o te taŋata. Te nuꞌu taꞌatoꞌa o te ao he toꞌo te taŋi ꞌi te riꞌa-riꞌa, ꞌe he takeꞌa i te turu iŋa mai o te Poki o te taŋata ꞌi ruŋa i te raŋi e tahi, ꞌi ruŋa i a ia te pūai ꞌe te ꞌana-ꞌana o te ꞌAtua.

Māteo 25:31

»Ka hoki mai ena te ⌊Poki o te taŋata⌋ ko ꞌAriki ꞌā e haka vari tahi rō ꞌā e te merahi taꞌatoꞌa ōꞌona, e te ꞌana-ꞌana ꞌe e te pūai o te ꞌAtua, he noho ꞌi ruŋa i tōꞌona pepe ꞌariki.

Māteo 26:64

He pāhono e Ietū: —Nā e koe ko kī ꞌā. ꞌE ꞌī a au he kī takoꞌa atu: e takeꞌa rō e kōrua i te Poki o te taŋata e noho rō ꞌā ꞌi te pāꞌiŋa mataꞌu o te ꞌAtua, i a ia te pūai taꞌatoꞌa, ꞌe i tōꞌona topa iŋa mai ꞌi ruŋa i te raŋi e tahi.

Māteo 8:20

He pāhono e Ietū: —Te kurī manu e ai rō ꞌana te karava mo noho, te manu he hakapupa, ꞌe te ⌊Poki o te taŋata⌋ ꞌina he kona mo noho.

Marko 14:62

He pāhono e Ietū: —ꞌĒ-ē, ko au. ꞌE a kōrua e takeꞌa rō i te Poki o te taŋata e noho rō ꞌana ꞌi te pāꞌiŋa mataꞌu o te ꞌAtua ꞌe i tōꞌona topa iŋa mai ꞌi ruŋa i te raŋi e tahi.

Marko 8:38

»Te taŋata o te hora nei taŋata hara ꞌe ꞌina he haŋa mai. Te kope taꞌe toꞌo i a au ꞌe i tāꞌaku hāpī māꞌana ꞌo haꞌamā ꞌi te nuꞌu, a au, te Poki o te taŋata, e ko toꞌo takoꞌa i a ia māꞌaku ꞌi te hora hoki mai ōꞌoku ananake mātou ko te merahi ꞌi ruŋa i a au te pūai ꞌana-ꞌana o tōꞌoku Matuꞌa».

Ruka 21:27

»ꞌI rā hora he takeꞌa i te Poki o te taŋata ka topa mai ꞌi ruŋa i te raŋi e tahi ꞌi ruŋa i a ia te pūai ꞌe te ꞌana-ꞌana o te ꞌAtua.

Ruka 22:69

Tāꞌaku meꞌe nō mo kī atu: e ko roa ka noho rō ena te Poki o te taŋata ꞌi te pāꞌiŋa mataꞌu o te ꞌAtua, i a ia te pūai taꞌatoꞌa.

Ruka 9:26

»Te kope taꞌe toꞌo i a au ꞌe i tāꞌaku hāpī māꞌana ꞌo haꞌamā ꞌi te nuꞌu, a au, te Poki o te taŋata, e ko toꞌo takoꞌa i a ia māꞌaku ꞌi te hora hoki mai ōꞌoku ꞌi ruŋa i a au tōꞌoku pūai ꞌe te pūai ꞌana-ꞌana o tōꞌoku Matuꞌa e haka vari tahi rō ꞌana e te merahi.

Iovani 21:22

He pāhono e Ietū: —Mo haŋa ōꞌoku mo taꞌe mate ōꞌona ꞌātā ki tōꞌoku hoki iŋa mai, taꞌe he meꞌe ꞌāꞌau. Ka aŋa ka oho nō koe i tāꞌaku meꞌe kī atu.

Iovani 21:23

ꞌO ira i rahi ai te ꞌaꞌamu ꞌi roto i te nuꞌu taina ⌊haka moe i te manaꞌu⌋ ꞌi ruŋa i a Ietū: rā kope e ko mate. ꞌE taꞌe pē ira te kī ꞌa Ietū. Te kī: «Mo haŋa ōꞌoku mo taꞌe mate ōꞌona ꞌātā ki tōꞌoku hoki iŋa mai, taꞌe he meꞌe ꞌāꞌau».

Aŋa o te ꞌĀpōtoro 1:11

He kī: «E te taŋata o Karirea ē, ¿he aha rā i no-noho i uꞌi rō ai a te raŋi? A Ietū noho atu era ꞌi muri i a kōrua, iri ena ki te raŋi, ko ia ꞌā nā ka hoki mai ena. Pa he iri iŋa ena ōꞌona takeꞌa ena e kōrua, pē ira ꞌana tōꞌona hoki iŋa mai».

Rōmano 14:12

Pē ira, e tahi e tahi o tātou ka kī ena i tāꞌana meꞌe i aŋa ki te ꞌAtua.

Rōmano 2:6

Te ꞌAtua e vaꞌai rō ki te taꞌatoꞌa i te meꞌe e tano ki te rāua meꞌe aŋa.

1 Kōrinto 15:23

ꞌe taꞌatoꞌa ꞌi tōꞌona hora: ꞌi raꞌe te Kiritō, ꞌe ki hoki mai a ia, he nuꞌu ꞌāꞌana.

1 Kōrinto 3:13

Te huru o te aŋa o te taꞌatoꞌa ka takeꞌa riva-riva ena ꞌi te mahana o te ture hopeꞌa, mahana ka uꞌi era e Ietū hai ahi hoki i aŋa riva-riva rō ꞌo ꞌina.

1 Kōrinto 8:8

ꞌE a tātou ko ꞌite ꞌā: taꞌe hai kai ꞌo hai taꞌe kai i te meꞌe e tahi e tano nei a tātou ki te mata o te ꞌAtua; mo kai, ꞌina he ꞌati; ꞌe mo taꞌe kai, pē ira takoꞌa ꞌana.

2 Kōrinto 5:10

A tātou taꞌatoꞌa, paꞌi, hoko tahi hoko tahi ka māroa ena ꞌi muꞌa o te ⌊Kiritō⌋, mo kī mai e ia i te tano ꞌe i te taꞌe tano o te tātou meꞌe aŋa, ꞌe mo vaꞌai mai e ia i te meꞌe tano ki te huru o te meꞌe i aŋa ꞌi te hora e noho nō ꞌā hai hakari nei, ka ai atu he meꞌe riva-riva ꞌo he meꞌe taꞌe tano te meꞌe i aŋa.

Ēfeto 6:8

E ꞌite: e ai rō ꞌā te meꞌe mo vaꞌai e te ꞌAtua ki te taŋata, ka ꞌekaravo ꞌo ka taꞌe ꞌekaravo, ꞌo te meꞌe riva-riva aŋa e rāua.

Kōrosa 3:25

ꞌe e haka ūtuꞌa rō i te nuꞌu aŋa i te meꞌe taꞌe tano. ꞌE ꞌi te hora kī o te ꞌAtua i te tano ꞌe i te taꞌe tano o te taŋata, ꞌina he uꞌi hoki he kope ra-rahi ꞌo he kope taꞌe ra-rahi. ꞌO ira, e te ꞌekaravo ē, e aŋa riva-riva kōrua ki te nuꞌu haka aŋa atu.

1 Tētārōnika 1:10

ꞌE e ꞌaꞌamu takoꞌa rō ꞌana rā nuꞌu pē hē kōrua e tiaki ena ki te hoki iŋa mai mai te raŋi o tāꞌana Poki ko Ietū, kope haka ora e te ꞌAtua mai te mate, ꞌe kope haka eꞌa i a tātou mai te ūtuꞌa taparahi-taꞌata, ūtuꞌa nā e tuꞌu rō mai.

1 Tētārōnika 4:16

Pē ira ka topa ena: e ŋaroꞌa rō te reꞌo ohu o te merahi ra-rahi ꞌe te puhi iŋa o te koneta o te ꞌAtua. He topa mai ia a Ietū mai te raŋi, ꞌe te nuꞌu mā-mate haka moe i te manaꞌu ꞌi ruŋa i a ia he ora haka ꞌou.

Tanatiako 5:7

E te taina, e ꞌite kōrua mo tiaki hai haumārū ꞌātā ki te tuꞌu iŋa mai o te tātou Pūꞌoko Haka Tere ko Ietū Kiritō. Te taŋata ꞌoka kai e ꞌite rō ꞌana mo tiaki ki te ꞌāvaꞌe ꞌua mo taiko o tāꞌana haꞌaꞌapu, ꞌe ꞌai ka kato iho.

1 Pētero 1:17

A kōrua e kī rō ꞌana: te ꞌAtua he Matuꞌa o kōrua. ꞌO ira, e moꞌa ꞌe e haꞌatura ki a ia ꞌi te taꞌatoꞌa nō hora o te noho iŋa ꞌi te ao nei. ꞌĀꞌana, paꞌi, te kī i te tano ꞌe i te taꞌe tano o te taŋata hai huru o te rāua meꞌe aŋa, ꞌe mōꞌona te taŋata pē tū huru tahi ꞌā.

1 Iovani 2:28

ꞌĒ-ē, ꞌina kōrua ko haka tapa. Ka haka noho nō kōrua, e ŋā poki ē, ꞌi muri i te Kiritō, ꞌo haꞌamā kōrua ꞌe ꞌo riꞌa-riꞌa ꞌi muꞌa i a ia ꞌi te hora o tōꞌona hoki iŋa mai.

Hura 1:14

A ꞌĒnoko, he hitu taŋata mai i a ꞌĀtamu, i vānaŋa rō pa he perofeta o ruŋa i te nuꞌu ena ꞌi te hora kī era pē nei ē: «I takeꞌa rō e au i te ꞌAtua e oho mai ꞌana koia ko tāꞌana merahi ka miꞌi ka miꞌi

Meꞌe Haka Takeꞌa 1:7

ꞌIna ko rehu: ¡ꞌI ruŋa i te raŋi tea-tea ka oho mai ena a Ietū! Taꞌatoꞌa nō ka takeꞌa ena, ꞌātā te nuꞌu ꞌo-ꞌoka era i a ia. Te taŋata taꞌatoꞌa o te ao taꞌe haka moe i te manaꞌu ꞌi ruŋa i a ia e ŋaroꞌa rō i te māui-ui ki roto i te ivi o ruŋa i a ia. He aŋi mau ꞌā, pē ira ka topa ena.

Meꞌe Haka Takeꞌa 20:12

He uꞌi atu ia a au i te nuꞌu mate, ka hōnui ꞌe ka taꞌe hōnui, e māroa rō ꞌana ꞌi muꞌa o tū pepe noho ꞌariki era. I oho era he mātaki-taki i te puka ꞌe i te puka takoꞌa era ꞌi ruŋa e pāpaꞌi rō ꞌā te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa. He ture ia i te nuꞌu mate tano ki te rāua meꞌe i aŋa pāpaꞌi ꞌi ruŋa i rā ŋā puka.