Māteo 16:21 - Rapa Nui

²¹ Mai rā hora he haꞌamata a Ietū he vānaŋa ki tāꞌana nuꞌu hāpī o ruŋa i te meꞌe ka topa era ki a ia pē nei ē: «E oho a au ki Hērutarema, ꞌe ꞌi ira ka tōtōā mai ena i a au e te nuꞌu pūꞌoko haka tere hūrio, e te ⌊oromatuꞌa ra-rahi⌋ ꞌe e te ⌊maꞌori o te haka tere hūrio⌋. E ŋaroꞌa rō e au i te māui-ui ki roto i te ivi. E tiŋaꞌi e haka mate rō i a au ꞌe, ꞌi te toru mahana, e ora haka ꞌou rō mai a au».

Māteo 16:21 ပူးပေါင်းရင်းမြစ်များ

Māteo 12:40

Pa he noho iŋa e toru mahana o Hōnā ꞌi roto i te ika nui-nui, pē ira takoꞌa te Poki o te taŋata ka noho ena e toru mahana ꞌi te kona muraki i a ia.

Māteo 16:22

He toꞌo e Pētero a te tapa he haꞌamata he ture: —¡ꞌIna e ko haꞌatiꞌa e te ꞌAtua, e Ietū ē! ¡Te meꞌe ena e ko topa atu ki a koe!

Māteo 16:28

ꞌE ꞌī a au he kī atu: tētahi nuꞌu o te kona nei e ko mate hia ka takeꞌa rō ena te oho iŋa mai o te Poki o te taŋata ꞌi ruŋa i a ia te parau mo haka tere».

Māteo 17:12

ꞌE, ꞌī a au he kī atu: a ꞌĒria ko tuꞌu mai ꞌā, ꞌe ꞌina e rāua kai aŋi-aŋi. I aŋa nō i te rāua meꞌe nō era i haŋa ꞌi ruŋa i a ia. Pē ira takoꞌa te Poki o te taŋata hai rāua ka ŋaroꞌa ena i te māui-ui ki roto i te ivi.

Māteo 17:9

E turu nō ꞌana ananake mai ruŋa i te maꞌuŋa, he kī e Ietū: —ꞌIna ko ꞌaꞌamu te meꞌe takeꞌa ena e kōrua ꞌātā ki te ora iŋa mai te mate o te ⌊Poki o te taŋata⌋.

Māteo 20:28

Te Poki o te taŋata, paꞌi, taꞌe mo tāvini ki a ia e te rua i oho mai ai, mo tāvini ōꞌona ki te rua ꞌe mo vaꞌai i a ia ki te mate, he ꞌauhau iŋa mo haka eꞌa meꞌe rahi taŋata mai roto i te ūtuꞌa o te hara».

Māteo 26:2

«Ko ꞌite ꞌana a kōrua: e rua mahana toe mo te ⌊ŋoŋoro o te Pakate⌋, ꞌe te ⌊Poki o te taŋata⌋ he vaꞌai ki te rima o te nuꞌu mo veo ꞌi ruŋa i te tātaurō».

Māteo 26:47

E vānaŋa nō ꞌā a Ietū ki tū nuꞌu era, i tuꞌu ai a Hura, he kope o roto o te hoꞌe ꞌahuru mā piti nuꞌu hāpī ꞌāꞌana. ꞌI muri i oho takoꞌa ai meꞌe rahi taŋata e maꞌu-maꞌu rō ꞌā i te hoe ꞌe i te miro, i uŋa e te nuꞌu oromatuꞌa ra-rahi ꞌe e te nuꞌu pūꞌoko haka tere hūrio.

Māteo 27:12

Te nuꞌu oromatuꞌa ra-rahi ꞌe te nuꞌu pūꞌoko haka tere hūrio ꞌai e tuhi era i te meꞌe mo rāua he hape o Ietū, ꞌe ꞌina he pāhono e Ietū.

Māteo 27:63

he kī: —E te suerekao, ko manaꞌu ꞌana a mātou ki te vānaŋa kī e tū reo-reo era ꞌi te hora e ora nō ꞌā pē nei ē: ꞌi te toru mahana he ora haka ꞌou a ia.

Māteo 28:6

ꞌIna a ia o nei, ko ora ꞌana mai te mate pa he meꞌe kī era e ia. Ka oho mai rā ka uꞌi.

Marko 8:31

He haꞌamata he haka ꞌite e Ietū ki tū nuꞌu hāpī era ꞌāꞌana: te ⌊Poki o te taŋata⌋ e tōtōā rō, e oꞌo rō e te māui-ui ki roto i te ivi, ꞌe e ko haŋa e te nuꞌu pūꞌoko haka tere hūrio, e te ⌊oromatuꞌa ra-rahi⌋ ꞌe e te ⌊maꞌori o te haka tere hūrio⌋. I haka ꞌite takoꞌa rō pē nei ē: e tiŋaꞌi e haka mate rō i a ia ꞌe, ꞌi te toru mahana, he ora haka ꞌou.

Marko 9:12

He kī e Ietū: —He aŋi ꞌā ꞌi raꞌe a ꞌĒria ana tuꞌu mai; māꞌana e haka riva-riva i te meꞌe taꞌatoꞌa. ¿Taꞌe ꞌō e hāꞌaki rō ꞌā ꞌi ruŋa i te ⌊Pāpaꞌi Moꞌa⌋: te Poki o te taŋata e taꞌe haŋa rō e te nuꞌu, ꞌe, takoꞌa, e oꞌo rō te māui-ui ki roto i te ivi?

Ruka 17:25

Ka ai atu pē ira, ꞌi raꞌe te Poki o te taŋata ka ꞌamo ena i te ꞌati ꞌe i te mamae ꞌi roto i tōꞌona māhatu, he taꞌe haŋa e te nuꞌu o te hora nei.

Ruka 24:46

he kī: «Pē nei i pāpaꞌi ai: e mate rō te Kiritō, e ora haka ꞌou rō ꞌi te toru mahana,

Ruka 9:31

A to-toru ko haka vari tahi ꞌana e te pūai ꞌana-ꞌana o te ꞌAtua ꞌe e vānaŋa ꞌana o ruŋa o te mate o Ietū, he meꞌe mo topa ki a ia ꞌi Hērutarema mo haka tano i te meꞌe kī e te ꞌAtua.