Māteo 15:6 - Rapa Nui

⁶ Pē ira te kope aŋa i rā meꞌe ka taꞌe moꞌa ena i tōꞌona matuꞌa hai taꞌe hāꞌūꞌū ki a rāua. Hai kī iŋa era e taꞌe haka hauhaꞌa ena e kōrua i te roŋo o te ꞌAtua mo maꞌu i te kōrua haka tere iŋa.

Māteo 15:6 ပူးပေါင်းရင်းမြစ်များ

Māteo 15:5

»Ka ai atu pē ira, e kī rō ꞌana e kōrua e tano nō te kope e tahi mo kī ki tōꞌona matuꞌa: “Te meꞌe ai ꞌāꞌaku mo hāꞌūꞌū atu ko haꞌataꞌa ꞌā e au mo te ꞌAtua”.

Māteo 15:7

»¡E te nuꞌu riva a te haho ē! He parautiꞌa mau ꞌana ꞌō te meꞌe kī o ruŋa i a kōrua e te perofeta era ko ꞌItaia hora kī pē nei ē:

Marko 7:13

Hai haka tere iŋa ena ꞌe hai haka ꞌite ki kope era ki kope era, e taꞌe haka hauhaꞌa ena e kōrua i te roŋo o te ꞌAtua. E rahi rō ꞌā te meꞌe tuꞌu pē nei aŋa e kōrua.

Rōmano 3:31

Mo tano ia te taŋata ki te mata o te ꞌAtua hai haka moe mau nō i te manaꞌu ꞌi ruŋa i a Ietū, ¿ka kī ꞌō ia ꞌina he hauhaꞌa toe o te haka tere iŋa ꞌa Mōtē? ¡Taꞌe pē ira! E hauhaꞌa rō ꞌana ꞌi te meꞌe era hai haka moe i te manaꞌu ꞌi ruŋa i a Ietū e ravaꞌa iho ena e tātou mo haꞌatura i rā haka tere iŋa.

1 Timoteo 5:16

Mo ai ꞌi roto i te huaꞌai o te viꞌe haka moe i te manaꞌu ꞌi ruŋa i a Ietū te ŋā viꞌe hove, e hāꞌūꞌū ꞌe e hāpaꞌo e rā viꞌe i rā ŋā hove, ꞌo ai he paŋahaꞌa haka ꞌou e tahi mo ꞌamo e te nūnaꞌa taŋata haka moe i te manaꞌu ꞌi ruŋa i a Ietū, ki topa ai te hora o te nuꞌu era mo hāꞌūꞌū ki te viꞌe hove ꞌina he kope mo hāpaꞌo i a ia.

1 Timoteo 5:8

Te parautiꞌa, te taŋata taꞌe hāpaꞌo i tōꞌona huaꞌai ꞌe i tāꞌana huaꞌai mau ꞌā e hārui ꞌana hai tuaꞌivi i te hāpī parautiꞌa o te ꞌAtua, ꞌe tōꞌona māhatu ꞌata hau ꞌi te rake-rake ki te nuꞌu ꞌina he ⌊haka moe i te manaꞌu⌋ ꞌi ruŋa i te ꞌAtua; te nuꞌu era, paꞌi, e hāpaꞌo rō ꞌana i te rāua huaꞌai.