Māteo 15:32 - Rapa Nui

³² He raŋi e Ietū ki tāꞌana nuꞌu hāpī ꞌe he kī: —Ko haka ꞌaroha ꞌana a au i te nuꞌu nei. Ka toru mahana o rāua ꞌi muri i a tātou ꞌe ꞌina he meꞌe toe o rāua mo kai. Kai haŋa a au mo haka oho ki te rāua hare kai kai hia ꞌo re-rehu rō ꞌi te ara.

Māteo 15:32 ပူးပေါင်းရင်းမြစ်များ

Māteo 12:40

Pa he noho iŋa e toru mahana o Hōnā ꞌi roto i te ika nui-nui, pē ira takoꞌa te Poki o te taŋata ka noho ena e toru mahana ꞌi te kona muraki i a ia.

Māteo 14:13

I ꞌite era e Ietū o ruŋa i rā ꞌati, he eꞌa he oho a ruŋa i te vaka ki te kona ꞌina he taŋata. I ꞌite nō e te nuꞌu, ꞌe he eꞌa mai te rāua kona taꞌatoꞌa noho he oho a ruŋa i te henua ki te kona ꞌi ira a Ietū.

Māteo 15:33

He kī e tū nuꞌu hāpī era ꞌāꞌana: —¿Pē hē ia a tātou ana ravaꞌa i te kai mo te rahi nei ꞌi te kona tuꞌu pē nei ꞌina he noho e te taŋata?

Māteo 20:34

He haka ꞌaroha a Ietū i tū nuꞌu era, he haka puā hai rima ki te mata, ꞌe he ora rō ꞌai. I oti era he eꞌa he oho ꞌi muri i a Ietū.

Māteo 27:63

he kī: —E te suerekao, ko manaꞌu ꞌana a mātou ki te vānaŋa kī e tū reo-reo era ꞌi te hora e ora nō ꞌā pē nei ē: ꞌi te toru mahana he ora haka ꞌou a ia.

Māteo 9:36

I uꞌi era e Ietū i te taŋata, he haka ꞌaroha; e tuꞌu rō ꞌana pa he māmoe ꞌina he taŋata mo hāpaꞌo i a rāua, ko rohi-rohi ꞌana ꞌe ꞌina he haŋu toe.

Marko 9:22

I rahi rō te mahana i toꞌo mai e te tātane ena i tāꞌaku poki he haka hoa ki roto i te ahi ꞌe ki roto i te vai mo haka mate. ꞌO ira, mo ravaꞌa e koe mo haka ora i a ia, ka haka ꞌaroha ia koe i a māua ꞌe ka hāꞌūꞌū mai.

Ruka 7:13

I takeꞌa era e Ietū i rā viꞌe, he haka ꞌaroha ꞌe he kī: «ꞌIna koe ko taŋi».

Aŋa o te ꞌĀpōtoro 27:33

ꞌI te popohaŋa, he ani e Pauro ki te taꞌatoꞌa mo kai, ꞌe he kī: «Ka rua tāpati o te taꞌe kai o kōrua ꞌi te tiaki iŋa mo uꞌi he aha te meꞌe ka topa ena.

ꞌEvereo 4:15

Te tātou oromatuꞌa hopeꞌa nei o te nui-nui e aŋi-aŋi rō ꞌā i te huru taꞌe pūai nei o tātou o te taŋata. ꞌI muꞌa ꞌana, paꞌi, i haka ꞌatu takoꞌa rō i a ia mo hara e Rukifero, pa he haka ꞌatu iŋa mai nei i a tātou. Te meꞌe nō, ꞌina a ia kai hara ki te hora hopeꞌa.