Māteo 15:31 - Rapa Nui

³¹ He māere te taŋata ꞌi te takeꞌa i te nuꞌu taꞌe vānaŋa ko vānaŋa ꞌā, i te nuꞌu rima rehe-rehe ko ora ꞌana, i te nuꞌu vaꞌe koke ko haꞌere ꞌā ꞌe i te nuꞌu matapō ko takeꞌa ꞌana. ꞌE he haꞌamata rō ꞌai he haꞌahana-hana ki te ꞌAtua o te itaraera.

Māteo 15:31 ပူးပေါင်းရင်းမြစ်များ

Māteo 15:30

Meꞌe rahi te nuꞌu i taka-taka ꞌi rā kona. E maꞌu rō ꞌana i te nuꞌu vaꞌe koke, i te matapō, i te nuꞌu rima rehe-rehe, i te nuꞌu taꞌe vānaŋa, ꞌe meꞌe rahi haka ꞌou atu nuꞌu māui-ui he haka topa a te vaꞌe o Ietū, ꞌe he haka ora e ia.

Māteo 18:8

»ꞌO ira, mo haka hara atu i a koe e tuꞌu rima e tuꞌu vaꞌe, ka hore, ꞌai ka hoa rō a kōnui era. E hau rō atu ꞌi te tano mo ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua e tahi mau nō rima ꞌo e tahi mau nō vaꞌe, ki te ai ararua uꞌu rima ꞌe ararua uꞌu vaꞌe ꞌe he hoa i a koe ki roto i te ahi ꞌina he mate ki te hora hopeꞌa.

Māteo 21:14

He haka hāhine ia te nuꞌu matapō ꞌe te nuꞌu vaꞌe koke ki a Ietū ꞌi roto, ꞌe he haka ora e ia.

Māteo 8:10

I ŋaroꞌa era e Ietū i tū meꞌe era he māere rō atu ꞌai, ꞌe he kī ki te nuꞌu oho ꞌi muri i a ia: —Te parautiꞌa, kai piri mai ꞌana e tahi taŋata o Itaraera haka moe i tōꞌona manaꞌu ꞌi ruŋa i a au pa he taŋata nei.

Māteo 9:32

Ka eꞌa ka oho tū ŋāŋata era, ka tuꞌu tētahi nuꞌu e maꞌu rō ꞌā ki a Ietū i te taŋata ko oꞌo ꞌana e te tātane ꞌe ꞌina he vānaŋa haka ꞌou.

Māteo 9:33

I haka eꞌa era e Ietū i rā tātane, he haꞌamata he vānaŋa rā taŋata. Te nuꞌu ko māere atu ꞌā e kī era: «¡ꞌIna kai takeꞌa ꞌā ki te hora hopeꞌa i te meꞌe tuꞌu pē nei ꞌi Itaraera!».

Māteo 9:8

I takeꞌa era e te nuꞌu i tū meꞌe era, he riꞌa-riꞌa ꞌe he haꞌahana-hana ki te ꞌAtua ꞌo te vaꞌai i te pūai pē ira ki te taŋata.

Marko 2:12

ꞌI tū hora ꞌā, e uꞌi nō ꞌā te taŋata taꞌatoꞌa, he māroa tū kope era, he toꞌo i te raŋo, he eꞌa he oho rō ꞌai. He māere tahi tū nuꞌu era ꞌe he haꞌamata he haꞌahana-hana ki te ꞌAtua e kī era: «¡Kai takeꞌa ꞌā e mātou te meꞌe raꞌe tuꞌu pē nei!».

Marko 7:37

Ko māere atu ꞌā rā nuꞌu e kī era: «Taꞌatoꞌa meꞌe aŋa e ia meꞌe riva-riva. ¡ꞌĀtā e haka ha-hata nō i te tariŋa o te taŋata tariŋa pō ꞌe e haka vānaŋa nō i te taŋata ꞌina he vānaŋa!».

Marko 9:43

»Mo haka hara i a koe e tuꞌu rima e tahi, ka hore ka haka topa mai ruŋa i a koe; e hau rō atu, paꞌi, mōꞌou te ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua e tū-tuma rō ꞌā e tahi rima, ki te hoa i a koe ki roto i te pōꞌauahi, kona ꞌina he mate te ahi, e ai rō ꞌā ararua uꞌu rima. [

Ruka 14:13

»Ana aŋa koe i te kai, ko te koa i a koe mo kī ki te nuꞌu veve, ki te nuꞌu vaꞌe koke, ki te nuꞌu hakari taꞌe makenu ꞌe ki te nuꞌu matapō mo oho atu.

Ruka 14:21

»He hoki rā tāvini he kī i tū meꞌe taꞌatoꞌa era ki te taŋata uŋa era i a ia. He riri rō atu ꞌai rā taŋata. He kī ia ki tū tāvini era: “Ka eꞌa koe ka oho a te ara, ka uꞌi i te nuꞌu veve, i te nuꞌu vaꞌe koke, i te nuꞌu hakari taꞌe makenu, ꞌe i te nuꞌu matakeva, ꞌai ka tari ka oho rō mai”.

Ruka 18:43

ꞌI tū hora mau era ꞌā he ora rō ꞌai te mata o tū taŋata era. He oho ia ꞌi muri i a Ietū koia ko haꞌahana-hana ki te ꞌAtua. Te nuꞌu taꞌatoꞌa takeꞌa i tū meꞌe era he haꞌahana-hana takoꞌa ki te ꞌAtua.

Ruka 7:16

I takeꞌa era e te nuꞌu i tū meꞌe era, he māere ananake ꞌe he haꞌahana-hana i te ꞌAtua he kī: «ꞌĪ te perofeta nui-nui e tahi ꞌi roto i a tātou». ꞌE he kī takoꞌa: «Ko tuꞌu mai ꞌana te ꞌAtua mo hāꞌūꞌū ki tōꞌona taŋata».

Iovani 9:24

He haka uŋa haka ꞌou e rā nuꞌu ra-rahi era mo oho o tū taŋata ora era o te mata, he kī: —Ka hōrea ꞌi muꞌa o te ꞌAtua he kī mai koe i te parautiꞌa o ruŋa i tū taŋata haka ora atu era i a koe. E ꞌite rō ꞌana, paꞌi, e mātou he taŋata hara a ia.