Māteo 15:28 - Rapa Nui

²⁸ He kī ia e Ietū: —¡Ko te pūai i tuꞌu haka moe iŋa i te manaꞌu ꞌi ruŋa i a au! Ka ai pa he meꞌe haŋa ena e koe. ꞌE ꞌi rā hora mau ꞌā he ora tū poki era.

Māteo 15:28 ပူးပေါင်းရင်းမြစ်များ

Māteo 14:31

ꞌI tū hora ꞌā he ꞌa-ꞌaru e Ietū a te rima he kī: —¿Pē nā te haka moe iŋa ōꞌou i te manaꞌu ꞌi ruŋa i a au? ¿He aha rā koe i ꞌaka-ꞌaka ai?

Māteo 15:27

He kī e tū viꞌe era: —He aŋi ꞌā tāꞌau, e Ietū ē. Ka ai atu pē ira, te paiheŋa e kai takoꞌa rō ꞌā i te pārehe-rehe haraoa vī-viri mai ruŋa i te ꞌamuramaꞌa o te kope ꞌāꞌana rā ŋā paiheŋa.

Māteo 8:10

I ŋaroꞌa era e Ietū i tū meꞌe era he māere rō atu ꞌai, ꞌe he kī ki te nuꞌu oho ꞌi muri i a ia: —Te parautiꞌa, kai piri mai ꞌana e tahi taŋata o Itaraera haka moe i tōꞌona manaꞌu ꞌi ruŋa i a au pa he taŋata nei.

Māteo 8:13

I oti era he kī e Ietū ki tū kape rōmano era: —Ka oho koe ki tuꞌu hare, ꞌe ka ai pa he meꞌe haka moe ena e koe i te manaꞌu. ꞌI tū hora mau era ꞌana he ora rō ꞌai tū tāvini era.

Māteo 9:22

He hārui he uꞌi a Ietū a tuꞌa, he takeꞌa i rā viꞌe ꞌe he kī: «Kiahio koe, e vovo ē. He haka moe ōꞌou i tuꞌu manaꞌu ꞌi ruŋa i a au i ora ena tuꞌu māui-ui». ꞌE mai rā hora he ora rō ꞌai rā viꞌe.

Marko 5:34

He kī e Ietū: —E vovo, i ora ena koe he haka moe ōꞌou i tuꞌu manaꞌu ꞌi ruŋa i a au. Ka oho riva-riva; ko oti ꞌā tuꞌu ꞌati.

Ruka 17:5

He ani ia e te ⌊ꞌāpōtoro⌋ ki a Ietū mo haka pūai i te rāua haka moe iŋa i te manaꞌu ꞌi ruŋa i te ꞌAtua.

Ruka 7:50

He ꞌata kī ki rā viꞌe e Ietū: «Ko eꞌa ꞌana a koe mai roto i te hara, he haka moe ōꞌou i te manaꞌu ꞌi ruŋa i a au. Ka oho riva-riva».

Ruka 7:9

He māere a Ietū ꞌi tū vānaŋa era. He uꞌi ki te nuꞌu oho ꞌi muri i a ia, he kī: «ꞌĪ a au he kī atu: kai takeꞌa ꞌā e au e tahi taŋata o Itaraera haka moe i tōꞌona manaꞌu ꞌi ruŋa i a au pa he taŋata nei».

2 Tētārōnika 1:3

E te taina, te meꞌe tano mo aŋa e mātou he māuru-uru he oho ki te ꞌAtua mo kōrua ꞌo te ai te haka moe iŋa o kōrua i te manaꞌu ꞌi ruŋa i a Ietū pe te ꞌata pūai e oho ena, ꞌe te haŋa o kōrua mo te rua pe te ꞌata rahi nō e oho ena.