Māteo 15:14 - Rapa Nui

¹⁴ Ka haka rē nō. A rāua he matapō e uŋa ꞌā i te tētahi matapō. ꞌE te taŋata matapō e tahi mo uŋa i te rua matapō, ararua ka vī-viri era ki roto i te pū.

Māteo 15:14 ပူးပေါင်းရင်းမြစ်များ

Ruka 6:39

He ꞌui ia e Ietū: «¿Hoki e tano mau rō te taŋata matapō mo maꞌu i te rua matapō a te ara? ¿E ko vī-viri hō ararua ki roto i te pū?

Iovani 9:39

He kī e Ietū: «A au i oho mai ai ki te ao nei mo kī i te meꞌe tano ꞌe i te meꞌe taꞌe tano o te taŋata. Te nuꞌu e keva rō ꞌā te mata mo te meꞌe o te ꞌAtua e haka māꞌeha rō e au i te rāua manaꞌu. ꞌE te nuꞌu kī ko ꞌite ꞌā a rāua o ruŋa i te ꞌAtua e haka aŋi-aŋi rō e au e keva rō ꞌana te rāua mata mo te meꞌe o te ꞌAtua».

1 Timoteo 6:5

ꞌe te rava ture ꞌi roto i te nuꞌu ꞌina he manaꞌu riva-riva toe ꞌe ꞌina he aŋi-aŋi haka ꞌou he aha te meꞌe he parautiꞌa ꞌe he aha te meꞌe he reo-reo. Mo rāua te hāpī o ruŋa i te ꞌAtua he rāveꞌa e tahi mo ꞌono.

2 Pētero 2:1

I ai rō te perofeta reo-reo ꞌi roto i te itaraera. Pē ira takoꞌa ꞌana ka ai ena te maꞌori reo-reo ꞌi roto i a kōrua. ꞌĒ-ē, e oꞌo rō atu ki roto i a kōrua, mā te taꞌe ꞌite e kōrua, ꞌe e hāpī e oho rō i te hāpī taꞌe parautiꞌa maꞌu i te taina mo haka tapa mai te ara parautiꞌa o te ꞌAtua. ꞌE te ŋā maꞌori reo-reo nei ꞌātā e hārui rō hai tuaꞌivi i te tātou Pūꞌoko Haka Tere ko Ietū Kiritō, kope ꞌauhau hai toto era ōꞌona mo haka eꞌa i a tātou mai roto i te hara. ꞌE, ꞌi te aŋa pē ira, e ko roa hia ka ravaꞌa ena e rāua i te ūtuꞌa o te ꞌAtua.

2 Pētero 2:17

Te ŋā maꞌori reo-reo ena pa he pū vai ꞌina he vai o roto, pa he raŋi ena ꞌā e puhia ena ꞌi te tokerau, ꞌe te ūtuꞌa mo rāua he noho mau rō ꞌāvai ꞌi roto i te kona hopeꞌa o te pōꞌuri.

Meꞌe Haka Takeꞌa 19:20

Te manuꞌino nei ko ꞌa-ꞌaru ꞌā, ꞌe ko ꞌa-ꞌaru takoꞌa ꞌā tū perofeta reo-reo aŋa era ꞌi muꞌa i rā manuꞌino i te mana ꞌe i te tētahi atu meꞌe mo māere o te taŋata. Hai ŋā meꞌe nei i haka rē ai te nuꞌu i a rāua mo tāpaꞌo hai tāpaꞌo o te manuꞌino, ꞌe i haꞌamuri ai i te ꞌītoro aŋa pē ia. I oho era he toꞌo mai he hoa ora i rā manuꞌino ꞌe i rā perofeta reo-reo era ki roto i te pōꞌauahi, kona ꞌi ira e ura ena te azufre.

Meꞌe Haka Takeꞌa 22:15

ꞌE te nuꞌu aŋa i te meꞌe taꞌe tano hano-hano, te nuꞌu aŋa i te tahu-tahu, te nuꞌu moe i te viꞌe i te taŋata taꞌe he viꞌe he kenu o rāua, te nuꞌu tiŋaꞌi haka mate i te rua, te nuꞌu haꞌamuri ki te ꞌītoro, ꞌe te nuꞌu taꞌatoꞌa te rāua meꞌe aŋa mau nō he reo-reo ꞌi haho ka noho ena.