Māteo 15:11 - Rapa Nui

¹¹ Taꞌe hai meꞌe oꞌo a roto i te haha e haka taꞌe tano ena i te taŋata ki te mata o te ꞌAtua, hai meꞌe kī eꞌa mai roto i te haha.

Māteo 15:11 ပူးပေါင်းရင်းမြစ်များ

Māteo 15:10

He raŋi e Ietū ki te nuꞌu mo haka hāhine ꞌe he kī: —Ka haka roŋo tahi mai kōrua ꞌe e aŋi-aŋi tāꞌaku vānaŋa ka kī atu ena:

Māteo 15:12

He haka hāhine ia ki a Ietū tāꞌana nuꞌu hāpī he ꞌui: —¿Ko ꞌite ꞌana rō koe: te fariseo ko taꞌe au ꞌā mo taꞌa vānaŋa ena?

Marko 7:15

ꞌIna e tahi meꞌe mo kai e te taŋata mo haka taꞌe tano i a ia ki te mata o te ꞌAtua. Te meꞌe mo haka taꞌe tano i a ia he meꞌe rake-rake eꞌa mai roto i te māhatu. [

Rōmano 14:14

Ko ꞌite riva-riva ꞌana a au, pa he taŋata haka moe i te manaꞌu ꞌi ruŋa i a Ietū, taꞌatoꞌa meꞌe ai mo kai e haꞌatiꞌa rō ꞌana e te ꞌAtua mo kai. Ka ai atu pē ira, mo manaꞌu e tahi kope e ai rō ꞌana te meꞌe taꞌe haꞌatiꞌa mo kai, mōꞌona ia he meꞌe taꞌe haꞌatiꞌa mau ꞌā.

Rōmano 14:17

Taꞌe, paꞌi, o ruŋa o te kai ꞌe o ruŋa i te meꞌe mo unu te haka tere iŋa o te ꞌAtua; o ruŋa i te meꞌe he tano o te taŋata ꞌe o te rāua noho iŋa ki tōꞌona mata hai koa ꞌe hai haumārū o te ⌊Vārua Maitai⌋.

Rōmano 14:20

ꞌIna ko ai o ruŋa i te kai ana haka mira-mira koe i te aŋa o te ꞌAtua ꞌi roto i te māhatu o tuꞌu taina. Te parautiꞌa mau, ꞌina he kai taꞌe haꞌatiꞌa e te ꞌAtua mo kai. Te meꞌe taꞌe tano nō: hai kai ōꞌou i te meꞌe manaꞌu e tuꞌu taina he meꞌe taꞌe haꞌatiꞌa e te ꞌAtua, he ꞌaka-ꞌaka tōꞌona manaꞌu ꞌi ruŋa i a Ietū.

1 Timoteo 4:3

Te nuꞌu nei ꞌina he haꞌatiꞌa i te taŋata mo ⌊hāipo-ipo⌋ ꞌe mo kai i te tētahi kai aŋa e te ꞌAtua. Te nuꞌu ꞌite i te parautiꞌa ⌊haka moe i te manaꞌu⌋ ꞌi ruŋa i a Ietū ko aŋi-aŋi ꞌana pē nei ē: taꞌatoꞌa kai māuru-uru ki te ꞌAtua e tano nō mo kai.

Tito 1:15

Mo te nuꞌu manaꞌu maꞌitaki, taꞌatoꞌa meꞌe meꞌe maꞌitaki; ꞌe mo te nuꞌu manaꞌu taꞌe maꞌitaki ꞌe taꞌe haŋa mo haka moe i te manaꞌu ꞌi ruŋa i a Ietū, taꞌatoꞌa meꞌe meꞌe taꞌe maꞌitaki, ꞌo te ai te rāua manaꞌu manaꞌu rake-rake ꞌe ꞌina he aŋi-aŋi haka ꞌou he aha te meꞌe riva-riva ꞌe he aha te meꞌe rake-rake.

ꞌEvereo 13:9

ꞌO ira, ꞌina ko haka roŋo ꞌe ꞌina ko maꞌu i te hāpī kē, taꞌe he hāpī parautiꞌa haka ꞌite atu era. E haka pūai e oho te tātou māhatu hai riva rahi o te ꞌAtua, ꞌe taꞌe ꞌō hai haꞌatura o tātou ki te ⌊haka tere iŋa era ꞌa Mōtē⌋ o ruŋa i te kai, he meꞌe ꞌina e tahi hauhaꞌa mo te nuꞌu maꞌu i rā haka tere iŋa.

2 Pētero 2:18

He teꞌo-teꞌo te aŋa o ruŋa i a rāua hai vānaŋa ꞌina e tahi auraꞌa. Hai meꞌe rake-rake mo te hakari ꞌe hai meꞌe taꞌe tano pohe nō o te hakari e aŋa ena mo haka huri i te manaꞌu o te nuꞌu aŋa riꞌa-riꞌa i eꞌa ai mai roto i te meꞌe taꞌe tano.