Māteo 15:10 - Rapa Nui

¹⁰ He raŋi e Ietū ki te nuꞌu mo haka hāhine ꞌe he kī: —Ka haka roŋo tahi mai kōrua ꞌe e aŋi-aŋi tāꞌaku vānaŋa ka kī atu ena:

Māteo 15:10 ပူးပေါင်းရင်းမြစ်များ

Māteo 13:19

E ai rō ꞌā te nuꞌu pa he kona ara era ꞌā a ira i vī-viri ai te karu: e haka roŋo ena i te roŋo o ruŋa i te ⌊haka tere iŋa ꞌāpī o te ꞌAtua⌋ ꞌina he aŋi-aŋi; he tuꞌu ia e Rukifero he toꞌo i rā roŋo ꞌo tupu ꞌi roto i te rāua māhatu.

Māteo 15:11

Taꞌe hai meꞌe oꞌo a roto i te haha e haka taꞌe tano ena i te taŋata ki te mata o te ꞌAtua, hai meꞌe kī eꞌa mai roto i te haha.

Māteo 15:9

ꞌE te rāua haꞌamuri iŋa mai ꞌina e tahi hauhaꞌa; e hāpī rō ꞌana, paꞌi, i te meꞌe taŋata pa he roŋo ꞌāꞌaku”.

Māteo 24:15

»Te perofeta era ko Taniera ko pāpaꞌi ꞌana o ruŋa o te kope ko ia te meꞌe ka hano-hano ꞌe ka ꞌenemī ena e te ꞌAtua. Ka takeꞌa ena e kōrua te māroa iŋa o rā kope ꞌi te kona moꞌa, te auraꞌa, ꞌi te Kona Haꞌamuri ꞌAtua (te kope taiꞌo, ¡e aŋi-aŋi!),

Ruka 24:45

He haka aŋi-aŋi ia ki tū nuꞌu era ꞌāꞌana i te haꞌaauraꞌa o te meꞌe pāpaꞌi ꞌi ruŋa i te Pāpaꞌi Moꞌa o ruŋa i a ia,

Ēfeto 1:17

He ani nō tāꞌaku aŋa ki te ꞌAtua o te tātou Pūꞌoko Haka Tere ko Ietū Kiritō, ki te tātou Matuꞌa o te raŋi, i a ia te pūai ꞌe te nui-nui taꞌatoꞌa, mo vaꞌai atu, hai Vārua Maitai, i te mārama-rama mo aŋi-aŋi e kōrua i te parautiꞌa o ruŋa ōꞌona, ki māhani riva-riva ai kōrua ki a ia.

Kōrosa 1:9

ꞌO ira, mai te hora ꞌite era o mātou o ruŋa i a kōrua, e pure e oho nō nei ki te ꞌAtua mo vaꞌai atu e ia, hai Vārua Maitai, i te ꞌite ꞌe i te mārama-rama mo aŋi-aŋi riva-riva i tāꞌana meꞌe haŋa mo aŋa e kōrua.

Tanatiako 1:5

ꞌE mo ai ꞌi roto i a kōrua te kope kai ꞌite pē hē ana haka tere i a ia hai manaꞌu o te ꞌAtua ꞌi te hora o te ꞌati, e no-noꞌi ki te ꞌAtua, ꞌe māꞌana e haka ꞌite. Te ꞌAtua ki te taꞌatoꞌa nō kope no-noꞌi e hāꞌūꞌū ena ꞌina he hāito ꞌe ꞌina he haka ꞌati.