Māteo 14:5 - Rapa Nui

⁵ A ꞌErore e haŋa rō ꞌā mo tiŋaꞌi i a Iovani. Te meꞌe nō, e riꞌa-riꞌa rō ꞌā ꞌi te nuꞌu; taꞌatoꞌa nō, paꞌi, e manaꞌu era a Iovani he perofeta.

Māteo 14:5 ပူးပေါင်းရင်းမြစ်များ

Māteo 11:9

I hopeꞌa ai, ¿he aha tū taŋata oho uꞌi era e kōrua? ¿He perofeta? He aŋi ꞌā, he perofeta; ꞌe, takoꞌa, ꞌata hau atu ki te perofeta.

Māteo 21:26

ꞌE, e ko tano tātou mo kī: “O te taŋata i uŋa mai”. E riꞌa-riꞌa rō ꞌana, paꞌi, a tātou ꞌi te nuꞌu; a rāua taꞌatoꞌa e manaꞌu ena a Iovani he perofeta».

Māteo 21:32

A Iovani Papatito, paꞌi, i oho mai ai mo hāpī atu pē hē kōrua ana tano ki te mata o te ꞌAtua ꞌe ꞌina e kōrua kai haka roŋo. O te nuꞌu haka ꞌauhau i te taŋata hai moni mo te rōmano ꞌe o te ŋā viꞌe taiꞌo i haka roŋo ꞌe i haꞌatura. ꞌE, ka ai atu i takeꞌa rō e kōrua i te meꞌe taꞌatoꞌa nei, ꞌina kōrua kai huri te manaꞌu ki ruŋa i te ꞌAtua, ꞌe mo kōrua te meꞌe kī e Iovani taꞌe he parautiꞌa.

Ruka 20:6

ꞌE, e ko tano mo kī o tātou: “O te taŋata i uŋa mai”, ꞌo tamaꞌi mai e te nuꞌu hai māꞌea ki te mate. Ki te rāua manaꞌu, paꞌi, a Iovani he perofeta».

Aŋa o te ꞌĀpōtoro 4:21

ꞌE, ꞌi te taꞌe ꞌite o tū nuꞌu ra-rahi era pē hē a rāua ana haka ūtuꞌa i a kuā Pētero ꞌo riri te nuꞌu, he haka riꞌa-riꞌa haka ꞌou ꞌe ꞌai ka haka eꞌa. Te taŋata taꞌatoꞌa, paꞌi, e haꞌahana-hana ꞌana ki te ꞌAtua o ruŋa o tū meꞌe topa era, ꞌo ira te nuꞌu ra-rahi e riꞌa-riꞌa era.

Aŋa o te ꞌĀpōtoro 5:26

He eꞌa ia te kape o te mūtoꞌi ananake ko tāꞌana vaꞌehau, he oho he ꞌa-ꞌaru i rā nuꞌu. Kai tōtōā ꞌi te riꞌa-riꞌa ꞌo tamaꞌi rō e te taŋata i a rāua hai māꞌea.