Māteo 13:47 - Rapa Nui

⁴⁷ »Te haka tere iŋa ꞌāpī o te ꞌAtua pa he kūpeŋa hoa ki roto i te vaikava ꞌe toꞌo meꞌe rahi nō atu huru o te ika.

Māteo 13:47 ပူးပေါင်းရင်းမြစ်များ

Māteo 13:44

»Te haka tere iŋa ꞌāpī o te ꞌAtua pa he hauhaꞌa o roto i te henua e tahi. He tuꞌu e tahi kope he ravaꞌa, ꞌe he naꞌa haka ꞌou ꞌi rā kona mau ꞌā. Ko koa atu ꞌana, he oho he hoꞌo i tōꞌona meꞌe taꞌatoꞌa ki te nuꞌu, ꞌe he hoꞌo i rā henua mōꞌona.

Māteo 13:46

I ravaꞌa era i te poe hopeꞌa o te hauhaꞌa, he oho he hoꞌo tahi i tāꞌana meꞌe, ꞌe he hoꞌo i rā poe mōꞌona.

Māteo 13:48

Ki ꞌī te kūpeŋa, he haro ki ꞌuta, he noho he vae i te ika riva-riva he hāpaꞌo ꞌi roto i te kānato ꞌe he hoa i te ika taꞌe au mo kai.

Māteo 4:19

He kī e Ietū: «Ka oho mai kōrua ꞌi muri i a au. He haka riro a au i a kōrua he nuꞌu hī taŋata mo te ꞌAtua».

Marko 1:17

He kī e Ietū: «Ka oho mai kōrua mo nuꞌu hāpī ꞌāꞌaku. ꞌĪ a au he haka riro i a kōrua he nuꞌu hī taŋata mo te ꞌAtua».

Ruka 5:10

Pē ira ꞌana a ⌊Tanatiako⌋ ararua ko ⌊Iovani⌋, poki ꞌa Tevereo, he nuꞌu aŋa takoꞌa ananake ko kuā Tīmona. He kī ia e Ietū ki a Tīmona: —ꞌIna koe ko riꞌa-riꞌa; mai te hora nei pe muꞌa he hī taŋata mo te ꞌAtua taꞌa aŋa.

Iovani 15:2

Mo taꞌe hua e tahi maŋa ōꞌoku, he ko-koti; ꞌe mo hua, he to-tope mo ꞌata hua.

Iovani 15:6

Te kope haka topa i a ia mai muri i a au pa he maŋa ko ko-koti ko hoa ꞌā. He paka-paka, he runu ꞌe he tutu ꞌi roto i te ahi.

Aŋa o te ꞌĀpōtoro 20:30

Mai roto i a kōrua mau ꞌā ka eꞌa takoꞌa mai ena tētahi nuꞌu he hāpī i te meꞌe reo-reo, mo oho o te nuꞌu haka moe i te manaꞌu ꞌi ruŋa i a Ietū ꞌi muri i a rāua.

1 Kōrinto 11:19

¡E topa-topa kē-kē mau ꞌā pēaha kōrua ki takeꞌa ai ko ai te kope tano ki te mata o te ꞌAtua!

2 Kōrinto 11:26

ꞌI tōꞌoku ara taꞌatoꞌa i piri rō mai meꞌe rahi nō atu ꞌati: he rio ko ꞌata rahi ꞌā e te vai, he toke-toke, he haŋa o tōꞌoku taŋata he hūrio ꞌe o te nuꞌu o te rua henua mo tōtōā mai. I piri mai ai te ꞌati nei ꞌi te kona noho taŋata, ꞌi ꞌuta, ꞌi roto i te vaikava, ꞌe ꞌi muri i te nuꞌu kī e haka moe rō ꞌana a rāua i te manaꞌu ꞌi ruŋa i a Ietū ꞌe, te parautiꞌa, taꞌe pē ira.

Karatia 2:4

Ka ai atu pē ira, i ai rō ꞌi ira te nuꞌu haka tuꞌu i a rāua pa he nuꞌu ⌊haka moe i te manaꞌu⌋ ꞌi ruŋa i a Ietū, te haŋa mo uꞌi hoki ko te maꞌu iŋa ꞌana a mātou i te ⌊haka tere iŋa ꞌa Mōtē⌋ ꞌe, mo taꞌe ai pē ira, mo haka ꞌamo haka ꞌou mai i rā haka tere iŋa. ꞌE te parautiꞌa, ꞌina he pūai toe o te haka tere iŋa ꞌa Mōtē ꞌi ruŋa i a tātou ꞌo te ai o tātou ꞌa Ietū Kiritō.

Meꞌe Haka Takeꞌa 3:1

»E pāpaꞌi takoꞌa ki te merahi o te nūnaꞌa taŋata ⌊haka moe i te manaꞌu⌋ ꞌi ruŋa i a au o Tare: “Pē nei te kī o te kope i a ia te vārua e hitu o te ꞌAtua ꞌe te ŋā hetuꞌu era e hitu: ‘E ꞌite tahi rō ꞌana a au i taꞌa meꞌe aŋa, ꞌe ko ꞌite takoꞌa ꞌana a au ko mate ꞌā a koe, ka ai atu e kī ena e te tētahi nuꞌu e ora rō ꞌā.