Māteo 13:44 - Rapa Nui

⁴⁴ »Te haka tere iŋa ꞌāpī o te ꞌAtua pa he hauhaꞌa o roto i te henua e tahi. He tuꞌu e tahi kope he ravaꞌa, ꞌe he naꞌa haka ꞌou ꞌi rā kona mau ꞌā. Ko koa atu ꞌana, he oho he hoꞌo i tōꞌona meꞌe taꞌatoꞌa ki te nuꞌu, ꞌe he hoꞌo i rā henua mōꞌona.

Māteo 13:44 ပူးပေါင်းရင်းမြစ်များ

Māteo 13:24

He ꞌaꞌamu takoꞌa e Ietū i te ꞌaꞌamu haꞌaauraꞌa nei: «Te meꞌe topa ꞌi te haka tere iŋa ꞌāpī o te ꞌAtua e tuꞌu rō ꞌā pa he meꞌe topa ki te taŋata pī i te karu tariko ꞌi roto i tōꞌona henua.

Māteo 13:46

I ravaꞌa era i te poe hopeꞌa o te hauhaꞌa, he oho he hoꞌo tahi i tāꞌana meꞌe, ꞌe he hoꞌo i rā poe mōꞌona.

Māteo 13:47

»Te haka tere iŋa ꞌāpī o te ꞌAtua pa he kūpeŋa hoa ki roto i te vaikava ꞌe toꞌo meꞌe rahi nō atu huru o te ika.

Māteo 19:21

He pāhono e Ietū: —Mo haŋa ōꞌou mo riro he taŋata ꞌina e tahi hape, ka oho ka hoꞌo tahi tuꞌu hauhaꞌa ꞌe ꞌai ka vaꞌai rō te moni mo te nuꞌu veve. Pē ira he ai tuꞌu hauhaꞌa ꞌi te raŋi. ꞌE ꞌai koe ka oho iho mai ꞌi muri i a au mo taŋata hāpī ꞌāꞌaku.

Māteo 19:27

He kī ia e Pētero: —A mātou ko haka rē tahi ꞌana i te mātou meꞌe mo nuꞌu hāpī ꞌāꞌau. ¿He aha ia te mātou meꞌe mo ravaꞌa?

Māteo 19:29

ꞌE te nuꞌu taꞌatoꞌa haka rē hai au i te rāua hare, i te rāua taina tane, taina vahine, i te rāua matuꞌa tane, matuꞌa vahine, i te rāua ŋā poki, ꞌe i te rāua henua, he vaꞌai e te ꞌAtua e tahi hānere haka ꞌou o te meꞌe, ꞌe i te ora ꞌāpī ꞌina he hopeꞌa raꞌa.

Māteo 6:21

ꞌI te kona ꞌi ira, paꞌi, tuꞌu hauhaꞌa, ꞌi ira takoꞌa tuꞌu māhatu.

Ruka 14:33

»Ko tū meꞌe ꞌā mo kōrua. Mo haŋa o kōrua mo riro he nuꞌu hāpī ꞌāꞌaku, e manaꞌu, ꞌi raꞌe, ana tano kōrua mo ꞌamo i te paŋahaꞌa. Kope nō ena o roto i a kōrua mo taꞌe haka rē i tāꞌana meꞌe haŋa taꞌatoꞌa, e ko tano mo taŋata hāpī ꞌāꞌaku.

Iovani 6:35

He kī e Ietū: —Ko au te haraoa vaꞌai i te ora. Te kope oho mai ki a au e ko maruaki haka ꞌou; ꞌe te kope haka moe i tōꞌona manaꞌu ꞌi ruŋa i a au e ko pohe haka ꞌou ki te vai.

Rōmano 15:4

Te meꞌe taꞌatoꞌa pāpaꞌi ꞌi muꞌa ꞌā ꞌi ruŋa i te Pāpaꞌi Moꞌa i pāpaꞌi ai mo ꞌite o tātou i te haꞌaoromaꞌi i te ꞌati topa mai, ꞌe mo haka pūai i te manaꞌu mo aŋi-aŋi riva-riva pē nei ē: e ko taꞌe aŋa e te ꞌAtua i te meꞌe taꞌatoꞌa hōrea mai e ia.

Kōrosa 2:3

Māꞌana mau nō e hāꞌūꞌū mai mo aŋi-aŋi riva-riva i te roŋo nui-nui nei.

Kōrosa 3:16

E te taina, e maꞌu te roŋo ꞌa Ietū Kiritō ꞌi roto i te kōrua māhatu, ki haka tika ai nei roŋo i te kōrua manaꞌu ꞌe i te kōrua meꞌe aŋa. E hāpī ꞌe e hatu ki te rua, hai mārama-rama, mo haꞌatura o rāua ki te ꞌAtua. E hīmene kōrua i te vānaŋa o te ꞌAtua aŋa mo hīmene, i te tētahi hīmene haꞌahana-hana mo te ꞌAtua, ꞌe i te meꞌe haka hīmene e te ⌊Vārua Maitai⌋ koia ko māuru-uru ki te ꞌAtua hai māhatu.

ꞌEvereo 10:34

I haka ꞌaroha rō kōrua mo te nuꞌu puru ꞌi roto i te hare maꞌuꞌaurī, ꞌe ꞌātā hai koa e haka rē era e kōrua mo toꞌo e te nuꞌu i te kōrua hauhaꞌa, he ꞌite o kōrua: ꞌi te raŋi e ai rō ꞌā te meꞌe ꞌata hau rō atu e ko pau ki te hora hopeꞌa.

Meꞌe Haka Takeꞌa 3:18

ꞌO ira, mo haŋa ōꞌou mo ꞌono parautiꞌa, e hoꞌo, mai i a au, i te piru riva-riva tunu hai ahi; ꞌe e hoꞌo takoꞌa, mai i a au, i te kahu tea-tea mo uru mo ꞌapi i te haꞌamā o tuꞌu kahu kore, ꞌe i te rāꞌau mo paru o te mata mo takeꞌa.