Māteo 13:36 - Rapa Nui

³⁶ He haka marere ia e Ietū i te taŋata ꞌe he oho he uru ki roto i te hare. He haka hāhine tāꞌana nuꞌu hāpī ꞌe he ani mo haka aŋi-aŋi i tū ꞌaꞌamu haꞌaauraꞌa era o te mauku rake-rake.

Māteo 13:36 ပူးပေါင်းရင်းမြစ်များ

Māteo 13:1

ꞌI rā mahana mau ꞌā, he eꞌa a Ietū mai te hare noho o rāua he oho he noho ꞌi te taha-taha o te vai.

Māteo 13:11

He pāhono e Ietū: «Ki a kōrua te ꞌAtua e haka ꞌite atu ena i te meꞌe taꞌe ꞌite e te taŋata o ruŋa o te haka tere iŋa ꞌāpī ꞌāꞌana, ꞌe ki a rāua ꞌina he haka ꞌite.

Māteo 13:18

»Ka haka roŋo mai. Te auraꞌa o tū ꞌaꞌamu era o te taŋata ꞌoka kai ko te meꞌe nei:

Māteo 13:25

E haꞌuru nō ꞌā rā taŋata ꞌe te nuꞌu taꞌatoꞌa o tōꞌona hare, he tuꞌu e tahi kope taꞌe haŋa ki rā taŋata, he pī takoꞌa ꞌi rā kona hai mauku rake-rake ꞌe he eꞌa he oho.

Māteo 14:22

I oti era te meꞌe nei, he kī e Ietū ki tāꞌana nuꞌu hāpī mo eke ki ruŋa i te vaka mo oho ꞌi raꞌe ki a ia ki te rua pāꞌiŋa o te vai; ko ia mo noho mo haka oho i te taŋata.

Māteo 15:39

I oti era he haka oho e Ietū i te nuꞌu ki te rāua hare, he eke ki ruŋa i te vaka ꞌe he oho ki te kona ko Makarana.

Māteo 9:28

I tuꞌu era a Ietū ki te hare ki ira e oho era, he uru ki roto. He haka hāhine tū ŋāŋata era ꞌe he ꞌui e Ietū: —Ki te kōrua manaꞌu, ¿i a au te parau mo aŋa i te meꞌe ena? —ꞌĒ-ē, e Ietū ē —i pāhono ai.

Marko 4:34

ꞌIna e tahi meꞌe i hāpī e Ietū i taꞌe ai hai ꞌaꞌamu haꞌaauraꞌa, ꞌe ki topa ananake ko tāꞌana nuꞌu hāpī, e haka ꞌite tahi era e ia i te auraꞌa o rā ŋā ꞌaꞌamu.

Marko 6:45

I oti era te meꞌe nei he kī e Ietū ki tāꞌana nuꞌu hāpī mo eke ki ruŋa i te vaka ꞌe mo oho ꞌi raꞌe ki a ia ki Vetetaira; ko ia mo noho mo haka oho i te nuꞌu.

Marko 7:17

I haka rē era a Ietū i te taŋata ꞌe i uru era ki roto i te hare, he ꞌui e tāꞌana nuꞌu hāpī i te auraꞌa o rā vānaŋa.

Marko 8:9

Te rahi i kai ai pa he meꞌe ena ē: e maha taꞌutini. I oti era he haka hoki i rā nuꞌu ki te rāua hare.