Māteo 13:25 - Rapa Nui

²⁵ E haꞌuru nō ꞌā rā taŋata ꞌe te nuꞌu taꞌatoꞌa o tōꞌona hare, he tuꞌu e tahi kope taꞌe haŋa ki rā taŋata, he pī takoꞌa ꞌi rā kona hai mauku rake-rake ꞌe he eꞌa he oho.

Māteo 13:25 ပူးပေါင်းရင်းမြစ်များ

Māteo 13:24

He ꞌaꞌamu takoꞌa e Ietū i te ꞌaꞌamu haꞌaauraꞌa nei: «Te meꞌe topa ꞌi te haka tere iŋa ꞌāpī o te ꞌAtua e tuꞌu rō ꞌā pa he meꞌe topa ki te taŋata pī i te karu tariko ꞌi roto i tōꞌona henua.

Māteo 13:26

»I nui-nui era te tariko he hua ꞌe he tupu takoꞌa tū mauku rake-rake era.

Māteo 13:27

He oho ia he kī e te nuꞌu aŋa ki tū taŋata era ōꞌona te henua: “Ē, karu tariko taꞌa karu ꞌoka era, ¿pē hē ia i tupu mai ai te mauku rake-rake?”.

Māteo 13:29

»He kī e rā taŋata: “ꞌIna, ꞌo oꞌi-oꞌi rō kōrua i te tariko hora ena o kōrua ka oꞌi ena i te mauku.

Māteo 13:30

Ka haka rē nō pē nā. Ki tuꞌu te ꞌāvaꞌe mo hore i te tariko, he uŋa a au, ꞌi raꞌe, i te nuꞌu he haka here-here hai ruru i rā mauku mo tutu. Ki oti he hāpaꞌo i te tariko ꞌi roto i te hare haꞌaputu tariko”».

Māteo 13:39

ꞌE tū kope taꞌe haŋa era ki te taŋata era ōꞌona te henua, pī era i te mauku rake-rake ko Rukifero. Te hora era o te hore he paꞌo o te ao, ꞌe te nuꞌu aŋa he merahi.

Māteo 25:5

»ꞌI te taꞌe tuꞌu hōrou o te kope era mo hāipo-ipo, he pohe rā ŋā uka mo haꞌuru ꞌe he hāꞌuru.

Karatia 2:4

Ka ai atu pē ira, i ai rō ꞌi ira te nuꞌu haka tuꞌu i a rāua pa he nuꞌu ⌊haka moe i te manaꞌu⌋ ꞌi ruŋa i a Ietū, te haŋa mo uꞌi hoki ko te maꞌu iŋa ꞌana a mātou i te ⌊haka tere iŋa ꞌa Mōtē⌋ ꞌe, mo taꞌe ai pē ira, mo haka ꞌamo haka ꞌou mai i rā haka tere iŋa. ꞌE te parautiꞌa, ꞌina he pūai toe o te haka tere iŋa ꞌa Mōtē ꞌi ruŋa i a tātou ꞌo te ai o tātou ꞌa Ietū Kiritō.

ꞌEvereo 12:15

E uꞌi takoꞌa ꞌo hārui e tahi o kōrua i te riva rahi o te ꞌAtua hai tuaꞌivi, ꞌo tuꞌu rō pa he tumu hua o te meꞌe maŋeo. Te kope pē ira he haka tupu i te manaꞌu taꞌe tano ꞌi roto i te tētahi nuꞌu.

1 Pētero 5:8

E veveri e ꞌara kōrua; te kope taꞌe haŋa atu ena ko Rukifero, nā e kimi e oho ꞌana, pa he reone maruaki, ki te taŋata mo kai.

2 Pētero 2:1

I ai rō te perofeta reo-reo ꞌi roto i te itaraera. Pē ira takoꞌa ꞌana ka ai ena te maꞌori reo-reo ꞌi roto i a kōrua. ꞌĒ-ē, e oꞌo rō atu ki roto i a kōrua, mā te taꞌe ꞌite e kōrua, ꞌe e hāpī e oho rō i te hāpī taꞌe parautiꞌa maꞌu i te taina mo haka tapa mai te ara parautiꞌa o te ꞌAtua. ꞌE te ŋā maꞌori reo-reo nei ꞌātā e hārui rō hai tuaꞌivi i te tātou Pūꞌoko Haka Tere ko Ietū Kiritō, kope ꞌauhau hai toto era ōꞌona mo haka eꞌa i a tātou mai roto i te hara. ꞌE, ꞌi te aŋa pē ira, e ko roa hia ka ravaꞌa ena e rāua i te ūtuꞌa o te ꞌAtua.

Meꞌe Haka Takeꞌa 12:9

He ava i rā manuꞌino ananake ko tāꞌana vaꞌehau ki ruŋa i te henua. Rā manuꞌino ko te kōreha era o te noho iŋa tuai era ko Rukifero, he kope reo-reo ki te taŋata o te henua taꞌatoꞌa.

Meꞌe Haka Takeꞌa 13:14

Hai ŋā mana nei, mana haꞌatiꞌa era mo aŋa e ia hai ꞌīŋoa o tū manuꞌino eꞌa era mai roto i te vaikava, i reo-reo ai ki te taŋata. He uŋa ia i te nuꞌu nei he haka aŋa i te ꞌītoro pē rā manuꞌino mau ꞌā, manuꞌino taꞌe mate era ka ai atu i more rō ꞌi te more taparahi-taꞌata ꞌi te hoe.

Meꞌe Haka Takeꞌa 2:20

’Ka ai atu pē ira, e ai rō ꞌana tāꞌaku ture māꞌau: he haꞌaoromaꞌi ōꞌou i te viꞌe ko Hētāvere, viꞌe kī i a ia mau ꞌā he perofeta. Te viꞌe nei hai hāpī reo-reo ꞌāꞌana e haka haŋu ena i tōꞌoku tāvini mo moe i te viꞌe i te taŋata taꞌe he viꞌe ꞌo he kenu ꞌāꞌana ꞌe mo kai i te kai tūtia ki te ꞌītoro.