Māteo 13:23 - Rapa Nui

²³ »ꞌE te kona ꞌōꞌone riva-riva vī-viri era o te karu he nuꞌu haka roŋo ꞌe aŋi-aŋi i te roŋo o te ꞌAtua. Mai i a rāua he hua meꞌe rahi nō atu meꞌe haŋa e te ꞌAtua, pa he ŋā karu ena ꞌā mai ruŋa i hua ai e hoꞌe hānere, e ono ꞌahuru ꞌe e toru ꞌahuru karu».

Māteo 13:23 ပူးပေါင်းရင်းမြစ်များ

Māteo 12:33

»Mo riva-riva o te tumu, he hua te meꞌe riva-riva; ꞌe mo rake-rake, meꞌe rake-rake. Te huru o te tumu e aŋi-aŋi ena hai huru o tāꞌana meꞌe hua.

Māteo 13:8

»I ai takoꞌa rō te karu i marere a te kona ꞌōꞌone riva-riva. I tupu era he taiko. Mai rā ŋā karu i hua ꞌe i puŋa ai e hoꞌe hānere, e ono ꞌahuru ꞌe e toru ꞌahuru karu mai te karu nō e tahi.

Māteo 3:10

Te ꞌōhio nā ko rito era ꞌā mo paꞌo i te tumu mai tōꞌona aka. Te tumu taꞌatoꞌa taꞌe hua o te meꞌe riva-riva he paꞌo ꞌe he hoa ki roto i te ahi.

Māteo 3:8

Ka haka tī-tika te kōrua noho iŋa ki takeꞌa ai he parautiꞌa mau ꞌā ko huri ꞌana te kōrua manaꞌu ki te ꞌAtua.

Marko 10:15

ꞌĪ a au he kī atu: te kope taꞌe haka rē mo haka tika i a ia e te ꞌAtua, pa he haka rē iŋa o te ŋā poki mo haka tika i a rāua e te rua, e ko oꞌo ki roto i te haka tere iŋa ꞌāpī ꞌāꞌana».

Marko 4:20

»ꞌE nā e ai rō ꞌana te nuꞌu pē rā kona ꞌōꞌone riva-riva era: e haka roŋo rō ꞌā ꞌe e hāpaꞌo rō ꞌana i te vānaŋa o te ꞌAtua ꞌi roto i te rāua māhatu, ꞌe mai i a rāua e hua ena meꞌe rahi meꞌe haŋa e te ꞌAtua, pa he ŋā karu era ꞌā mai ruŋa i hua ai e toru ꞌahuru, e ono ꞌahuru, ꞌe ꞌātā e hoꞌe hānere karu mai te karu mau nō e tahi».

Ruka 13:9

Pē ira pēaha ana hua; ꞌe mo taꞌe hua, ꞌi rā hora ana paꞌo iho”».

Ruka 8:15

»Te kona ꞌōꞌone riva-riva era he nuꞌu haka roŋo ꞌe haꞌatura hai māhatu ki te roŋo o te ꞌAtua, ꞌe maꞌu hio-hio ꞌi roto i a rāua. Mai roto i a rāua e eꞌa ena meꞌe rahi meꞌe riva-riva, pa he karu hua era meꞌe rahi karu haka ꞌou mai ruŋa.

Ruka 8:8

»ꞌE tētahi atu i vī-viri a te kona ꞌōꞌone riva-riva. He tupu he nui-nui ꞌe mai te karu e tahi i hua ai ꞌātā e hoꞌe hānere karu». He meꞌe nei te meꞌe i ꞌaꞌamu e Ietū. ꞌE he kī haka ꞌou i haka pūai te reꞌo: «¡Te nuꞌu haŋa mo aŋi-aŋi ka haka topa te manaꞌu!».

Iovani 15:16

»Taꞌe hai haŋa o kōrua i ai ena he nuꞌu hāpī ꞌāꞌaku. ꞌĀꞌaku kōrua i haꞌataꞌa ꞌe ko uŋa ꞌā mo ꞌata rahi te kōrua hua iŋa, te auraꞌa, mo ꞌata rahi te kōrua meꞌe riva-riva aŋa, ꞌe mo taꞌe ŋaro nā meꞌe ki te hora hopeꞌa. ꞌE te meꞌe no-noꞌi e kōrua hai ꞌīŋoa ōꞌoku he vaꞌai atu e te Matuꞌa.

Iovani 8:47

Te ŋā poki o te ꞌAtua e haka roŋo rō ꞌana ki te vānaŋa o te ꞌAtua. ꞌE, ꞌi te meꞌe era taꞌe a kōrua o te ꞌAtua, ꞌina he haka roŋo mai.

Aŋa o te ꞌĀpōtoro 16:14

E tahi o rā ŋā viꞌe te ꞌīŋoa ko Riria o te kona ko Tiatira; tāꞌana aŋa he hoꞌo kahu hopeꞌa o te riva-riva kōrore moana ꞌapa mea. Te viꞌe nei viꞌe haꞌamuri ki te ꞌAtua. E haka roŋo nō ꞌā rā viꞌe ki a Pauro, i haka māꞌeha ai e te ꞌAtua i tōꞌona manaꞌu mo aŋi-aŋi i te auraꞌa o rā vānaŋa ꞌe mo haka moe i te manaꞌu ꞌi ruŋa i a Ietū.

Aŋa o te ꞌĀpōtoro 17:11

Te hūrio o te kona nei ꞌata hau te riva-riva o te manaꞌu ki te nuꞌu hūrio o Tētārōnika. A rāua, paꞌi, e haka roŋo rō ꞌā hai māhatu i te vānaŋa o te ꞌAtua, ꞌe e taiꞌo rō ꞌā paurō te mahana i te Pāpaꞌi Moꞌa mo uꞌi hoki he parautiꞌa te meꞌe kī e kuā Pauro.

2 Kōrinto 9:10

O te ꞌAtua te vaꞌai i te karu ki te nuꞌu ꞌoka, ꞌe i te kai ki te taŋata. ꞌĀꞌana takoꞌa te vaꞌai ꞌe te haka rahi i te meꞌe ai o kōrua, mo ꞌata rahi o te kōrua hāꞌūꞌū ki te rua.

Fīripo 1:11

ꞌE pē ira takoꞌa he poreko mai roto i a kōrua meꞌe rahi te meꞌe riva-riva hai pūai o Ietū Kiritō, ꞌe he haꞌahana-hana ia te taŋata i te ꞌAtua.

Fīripo 4:17

Te meꞌe nei e au e kī atu ena taꞌe ꞌō he haŋa ōꞌoku mo hāꞌūꞌū mai; tōꞌoku haŋa mo ꞌata haꞌamaitai atu e te ꞌAtua ꞌo te hāꞌūꞌū mai o kōrua i a au.

Kōrosa 1:10

Pē ira te kōrua noho iŋa ka ai ena noho iŋa tano o te nuꞌu ꞌa Ietū Kiritō, ꞌe ka aŋa ka oho mau nō ena kōrua i te meꞌe mo koa ōꞌona ꞌe i te meꞌe riva-riva mo hāꞌūꞌū ki te rua. ꞌE pē ira takoꞌa ka ꞌata māhani ka oho ena kōrua i te ꞌAtua.

Kōrosa 1:6

tuꞌu atu era ki a kōrua. Te roŋo riva-riva nei o ruŋa i a Ietū nā ko ꞌite ko oho ꞌana ꞌi te kona taꞌatoꞌa o te ao koia ko te haka ꞌāpī ko te oho i te noho iŋa o te nuꞌu haka moe i te manaꞌu ꞌi ruŋa i a ia, pa he meꞌe topa atu ki a kōrua hora aŋi-aŋi era he parautiꞌa mau ꞌā te vānaŋa ŋaroꞌa e kōrua o ruŋa i te riva rahi o te ꞌAtua mo te taŋata.

1 Tētārōnika 4:1

E te taina, ko haka ꞌite atu era ꞌā e mātou pē hē ana tano te kōrua noho iŋa ki te mata o te ꞌAtua, ꞌe ko ꞌite ꞌā e mātou, nā kōrua e noho mai ena pē ira. Ka ai atu pē ira, he ani atu a mātou hai ꞌīŋoa o te tātou Pūꞌoko Haka Tere ko Ietū: ka ꞌata haka tano ka oho nō te kōrua noho iŋa pē ira mo koa o te ꞌAtua.

2 Tētārōnika 2:10

Hai rauhuru nō atu meꞌe taꞌe tano ka reo-reo ena ki te nuꞌu ꞌi ruŋa i a rāua te ūtuꞌa o te ꞌAtua ꞌo te taꞌe haŋa mo haka moe i te rāua manaꞌu ꞌi ruŋa i te parautiꞌa o ruŋa i a Ietū Kiritō, mo eꞌa mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa.

ꞌEvereo 4:2

Te roŋo riva-riva nei ko haka ꞌite mai ꞌana ki a tātou ꞌe pē ira takoꞌa ꞌana ki te tātou tupuna. I hopeꞌa ai kai ai pa he meꞌe riva-riva mo rāua, he taꞌe ⌊haka moe i te manaꞌu⌋ ꞌi ruŋa i te ꞌAtua ꞌe ꞌi ruŋa i tāꞌana roŋo.

ꞌEvereo 6:7

Te kope ki a ia e hāpī ena o ruŋa i te ꞌAtua pa he henua topa rahi e te ꞌua. Mo riva-riva o te kai ka hua ena ꞌi rā henua, he haꞌamaitai e te ꞌAtua.

ꞌEvereo 8:10

Te haka tere iŋa ꞌāpī ka aŋa ena e au ananake ko te itaraera ꞌi rā mahana, ko te meꞌe nei: He ha-haꞌo e au i tāꞌaku roŋo ꞌi roto i te rāua manaꞌu, ꞌe he pāpaꞌi ꞌi roto i te rāua māhatu. He riro a au he ꞌAtua o rāua, ꞌe a rāua he taŋata ꞌāꞌaku.

2 Pētero 3:18

Te meꞌe mau o kōrua mo aŋa he uꞌi mo māhani riva-riva ki te tātou Pūꞌoko Haka Tere ko Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa, ꞌe ꞌai kōrua ka noho ka oho rō ꞌi roto i tōꞌona haŋa. ¡Ki haꞌahana-hana tātou ki a ia ꞌi te hora nei ꞌe ꞌi te hora taꞌatoꞌa! Ka ai pē ira.

1 Iovani 5:20

ꞌE, ko ꞌite takoꞌa ꞌā e tātou: ko tuꞌu mai ꞌana te Poki o te ꞌAtua, ꞌe ko vaꞌai mai ꞌā i te mārama-rama mo aŋi-aŋi ko ai te ꞌAtua parautiꞌa. ꞌE hora nei, ananake tātou ko nei ꞌAtua ꞌo te ai a tātou o tāꞌana Poki ko Ietū Kiritō. A ia he ꞌAtua parautiꞌa vaꞌai i te ora ꞌāpī ꞌina he hopeꞌa raꞌa.