Māteo 13:22 - Rapa Nui

²² »Te kona mauku pū-pū vī-viri era o te karu he nuꞌu haka roŋo i te roŋo o te ꞌAtua, ꞌe, ꞌi te pūai o te haŋa ki te meꞌe o te ao nei ꞌe ki te ꞌono he mira-mira te manaꞌu. Taꞌatoꞌa meꞌe nei he haka vavau i te vānaŋa o te ꞌAtua ꞌe ꞌina e ko haka rē mo hua ꞌi roto i a rāua.

Māteo 13:22 ပူးပေါင်းရင်းမြစ်များ

Māteo 12:32

Te ꞌAtua, paꞌi, e haka kore nō ꞌātā i te hara o te taŋata kī i te vānaŋa taꞌe tano mo te Poki o te taŋata; ꞌe, te kope kī i te vānaŋa taꞌe tano mo te Vārua Maitai, e ko haka kore e te ꞌAtua i tōꞌona hara ꞌi te ao nei ꞌe ꞌi te ao ka tuꞌu mai ena.

Māteo 13:39

ꞌE tū kope taꞌe haŋa era ki te taŋata era ōꞌona te henua, pī era i te mauku rake-rake ko Rukifero. Te hora era o te hore he paꞌo o te ao, ꞌe te nuꞌu aŋa he merahi.

Māteo 13:40

»Pa he mauku rake-rake hoa mo tutu ꞌi roto i te ahi, pē ira takoꞌa ka topa ena ꞌi te paꞌo iŋa o te ao.

Māteo 13:7

»I ai rō te karu i marere a te kona mauku pū-pū. ꞌI te taiko o rā ŋā mauku, he ꞌapi i te karu tupu he vavau ꞌe ꞌina kai hua.

Ruka 12:15

ꞌE he kī takoꞌa: —E hāpaꞌo kōrua e te nou-nou; taꞌe, paꞌi, ꞌi te rahi o te hauhaꞌa te ora o te taŋata.

Ruka 12:21

»Pē ira e topa ena ki te taŋata haꞌaputu mōꞌona mau nō i te hauhaꞌa ꞌe ꞌina he manaꞌu ki te meꞌe haŋa o te ꞌAtua».

Ruka 21:34

»E uꞌi kōrua ꞌo haka rehe-rehe ki te meꞌe taꞌe au, ki te ꞌava unu ꞌe ki te manaꞌu ki te meꞌe o te ao nei, ꞌo tuꞌu rō mai te mahana o te ture hopeꞌa

Ruka 8:14

»Te kona mauku pū-pū era he tētahi nuꞌu haka roŋo i te roŋo riva-riva o te ꞌAtua. Te ꞌino nō, ꞌi te taiko o te mauku pū-pū, te auraꞌa, ꞌi te pūai o te haŋa ki te meꞌe o te ao nei, ki te ꞌono ꞌe ki te meꞌe taꞌatoꞌa, he vavau te roŋo o te ꞌAtua ꞌe ꞌina e ko hua ꞌi roto i a rāua te meꞌe haŋa o te ꞌAtua.

Aŋa o te ꞌĀpōtoro 8:18

I takeꞌa era e Tīmona hai haka eke o te ꞌāpōtoro i te rima ki ruŋa i te taŋata he vaꞌai e te ꞌAtua i te Vārua Maitai, he haka toro i te moni ki a kuā Pētero

Rōmano 12:2

ꞌIna kōrua ko noho haka ꞌou hai manaꞌu taꞌe tano o te taŋata. E haka rē ki te ꞌAtua mo huri i te kōrua manaꞌu, ki huri ai te kōrua noho iŋa, ꞌe ki ꞌite ai e kōrua he aha te meꞌe haŋa o te ꞌAtua, te auraꞌa, he aha te meꞌe tano ki a ia, he aha te meꞌe mo koa ōꞌona, ꞌe he aha te meꞌe hopeꞌa o te riva-riva ki tōꞌona mata.

1 Kōrinto 1:20

¿ꞌI hē i hopeꞌa ai te nuꞌu mārama-rama, te ⌊maꞌori o te haka tere hūrio⌋ ꞌe te kope haka kē mo vānaŋa i te meꞌe o te ao nei? Ko haka ꞌite mai ꞌā e te ꞌAtua: mōꞌona ꞌina e tahi hauhaꞌa te mārama-rama o te taŋata.

1 Kōrinto 2:6

Te parautiꞌa, ꞌi roto i te nuꞌu e hio-hio rō ꞌā te rāua haka moe iŋa i te manaꞌu ꞌi ruŋa i a Ietū e hāpī nei a mātou hai vānaŋa mārama-rama, ꞌe rā mārama-rama taꞌe he mārama-rama o te taŋata ꞌo he mārama-rama o te nuꞌu pūꞌoko haka tere o te ao nei. Te pūai, paꞌi, o te rāua mārama-rama pe te ŋaro pe te oho nō.

1 Kōrinto 2:8

Rā meꞌe manaꞌu era e te ꞌAtua mo aŋa ꞌina kai aŋi-aŋi e te nuꞌu pūꞌoko haka tere o te ao nei. ꞌĀhani, paꞌi, a rāua i aŋi-aŋi, e ko veo ꞌi ruŋa i te tātaurō i te tātou Pūꞌoko Haka Tere, kope i a ia te parau o te meꞌe taꞌatoꞌa.

1 Kōrinto 3:18

E uꞌi ꞌo reo-reo ki a kōrua ꞌā hai manaꞌu ena pē nei ē: nuꞌu mārama-rama kōrua ki te mata o te taŋata o te ao nei. I hau rō atu ꞌi te tano mo riro o kōrua pa he nuꞌu taꞌe mārama-rama, ki riro iho ai kōrua mo te ꞌAtua he nuꞌu mārama-rama mau ꞌā.

2 Kōrinto 4:4

Te nuꞌu nei, ꞌi te taꞌe haka moe i te rāua manaꞌu ꞌi ruŋa i a Ietū, ko haka pōhāhā ꞌā i te rāua manaꞌu e Rukifero, ꞌatua o te ao nei, ꞌo aŋi-aŋi, ꞌo takeꞌa i te māꞌeha o te mōrī o te roŋo riva-riva o ruŋa i te pūai ꞌe i te nui-nui o te ⌊Kiritō⌋, ꞌāriŋa ora o te ꞌAtua.

Karatia 1:4

A Ietū i vaꞌai ai i a ia mo mate mo haka kore e te ꞌAtua i te tātou hara ꞌe mo haka eꞌa i a tātou mai roto i te noho iŋa taꞌe tano o te ao, ꞌi te meꞌe era ko haŋa ꞌā e te ꞌAtua, Matuꞌa o tātou.

Ēfeto 2:2

Te noho iŋa era o kōrua e haka tano era ki te noho iŋa taꞌe tano o te nuꞌu o te ao nei taꞌe haŋa ki te ꞌAtua, ꞌe e aŋa era i te meꞌe haŋa ꞌa Rukifero, he pūꞌoko haka tere o te tātane e noho mai ena ꞌi roto i te tokerau. ꞌĀꞌana te haka tere i te manaꞌu o te nuꞌu taꞌe haꞌatura ki te ꞌAtua.

1 Timoteo 6:17

Ki te nuꞌu ꞌono o te ao nei e kī: ꞌina ko manaꞌu i a rāua mau nō te tano, ꞌe ꞌina ko haka noho i te rāua manaꞌu ꞌi ruŋa i te hauhaꞌa; te hauhaꞌa, paꞌi, e ko roa he pau tahi. Te meꞌe o rāua mo aŋa he haka noho i te manaꞌu ꞌi ruŋa i te ꞌAtua. ꞌĀꞌana, paꞌi, te vaꞌai mai ki a tātou i te meꞌe taꞌatoꞌa hai mau mo koa o tātou.

2 Timoteo 4:10

A Rema, ꞌi te haŋa rahi ki te meꞌe o te ao nei, ko hoa ꞌana i a au ꞌe ko oho ꞌana ki Tētārōnika. A Keretene ꞌai Karatia, ꞌe a Tito ꞌi Raramatia.