Māteo 13:20 - Rapa Nui

²⁰ »E ai takoꞌa rō ꞌā te nuꞌu pa he kona papa ꞌōꞌone taꞌe rahi vī-viri era o te karu: e haka roŋo ena i te roŋo o te ꞌAtua he toꞌo mo rāua hai koa.

Māteo 13:20 ပူးပေါင်းရင်းမြစ်များ

Māteo 13:19

E ai rō ꞌā te nuꞌu pa he kona ara era ꞌā a ira i vī-viri ai te karu: e haka roŋo ena i te roŋo o ruŋa i te ⌊haka tere iŋa ꞌāpī o te ꞌAtua⌋ ꞌina he aŋi-aŋi; he tuꞌu ia e Rukifero he toꞌo i rā roŋo ꞌo tupu ꞌi roto i te rāua māhatu.

Māteo 13:21

Te meꞌe ꞌino nō, he haka moe i te rāua manaꞌu ꞌi ruŋa i rā roŋo mo te hora nō e tahi; ka riri era te nuꞌu mo rāua o ruŋa o te vānaŋa o te ꞌAtua ꞌo ka topa rō era te ꞌati ꞌi te hora haka ꞌatu i a rāua, he rehu rā roŋo, pa he taꞌe hio-hio iŋa o te aka ꞌi te kona ꞌōꞌone taꞌe rahi.

Māteo 7:8

Ki te kope no-noꞌi, paꞌi, he vaꞌai; ki te kope kimi, he haka takeꞌa; ꞌe ki te kope pātōtō, he mātaki ki a ia.

Marko 6:20

A ꞌErore e riꞌa-riꞌa rō ꞌana i a Iovani. Ko ꞌite ꞌana he taŋata moꞌa ꞌe aŋa i te meꞌe tī-tika ki te mata o te ꞌAtua. ꞌO ira e hāpaꞌo era. He mira-mira nō te manaꞌu o ꞌErore e ŋaroꞌa era i te vānaŋa ꞌa Iovani. ꞌE, ka ai atu pē ira, ko te haka roŋo iŋa ꞌā hai māhatu.

Iovani 5:35

»Te meꞌe hāpī e Iovani pa he hakariꞌi haka māꞌeha i te kōrua manaꞌu, ꞌe i koa rō kōrua ꞌi rā hāpī ꞌi te ŋā mahana haka ꞌite atu era.

Aŋa o te ꞌĀpōtoro 8:13

Rā taŋata era ko Tīmona i haka moe takoꞌa rō i tōꞌona manaꞌu ꞌi ruŋa i a Ietū, i haka papatito rō i a ia ꞌe i oho rō ꞌi muri i a Feripe koia ko māere ꞌi te mana takeꞌa e ia.