Māteo 12:50 - Rapa Nui

⁵⁰ Te nuꞌu aŋa, paꞌi, i te meꞌe haŋa o tōꞌoku Matuꞌa o te raŋi he huaꞌai takoꞌa ōꞌoku.

Māteo 12:50 ပူးပေါင်းရင်းမြစ်များ

Māteo 12:49

He tuhi ia hai rima ki tāꞌana nuꞌu hāpī ꞌe he kī: —Ko rāua takoꞌa tōꞌoku matuꞌa vahine ꞌe tōꞌoku taina.

Māteo 13:1

ꞌI rā mahana mau ꞌā, he eꞌa a Ietū mai te hare noho o rāua he oho he noho ꞌi te taha-taha o te vai.

Māteo 17:5

E vānaŋa nō ꞌana a Pētero, i noho ai ꞌi ruŋa i a rāua te raŋi tea-tea ꞌuira e tahi, ꞌe mai roto i eꞌa ai e tahi reꞌo e kī era: «He Poki nā ꞌāꞌaku, Poki haŋa rahi; ꞌi ruŋa i a ia tōꞌoku koa. E haꞌatura kōrua ki a ia».

Māteo 25:40

»E pāhono rō e te ꞌAriki: “Te parautiꞌa, te meꞌe taꞌatoꞌa aŋa e kōrua mo te tētahi o tōꞌoku taina hopeꞌa o te taꞌe hōnui e aŋa ꞌā e kōrua mōꞌoku”.

Māteo 25:45

»E pāhono rō e te ꞌAriki: “Te parautiꞌa, te meꞌe taꞌe aŋa e kōrua mo te tētahi o tōꞌoku taina hopeꞌa o te taꞌe hōnui e taꞌe aŋa ꞌā e kōrua mōꞌoku”.

Māteo 28:10

He kī e Ietū: «ꞌIna kōrua ko riꞌa-riꞌa. Ka oho ka kī ki tōꞌoku ŋā taina era: “Ka oho ki Karirea; ꞌi ira a mātou ana piri”».

Marko 3:35

Te nuꞌu aŋa, paꞌi, i te meꞌe haŋa o te ꞌAtua he huaꞌai takoꞌa ōꞌoku.

Ruka 8:21

He kī e Ietū: —Te nuꞌu haka roŋo ꞌe haka tere i a rāua hai vānaŋa o te ꞌAtua he huaꞌai takoꞌa ōꞌoku.

Iovani 15:14

Mo aŋa kōrua i tāꞌaku meꞌe nei e kī atu ena, he repahoa parautiꞌa mau ꞌā kōrua ōꞌoku.

Iovani 20:17

He kī e Ietū: —Ē, ꞌina koe ko haka noho mai i a au. Kai iri ꞌana, paꞌi, a au ki tōꞌoku Matuꞌa. Ka oho ka kī ki te tētahi nuꞌu ꞌāꞌaku: «He iri a au ki tōꞌoku Matuꞌa, Matuꞌa takoꞌa o kōrua, ki tōꞌoku ꞌAtua, ꞌAtua takoꞌa o kōrua».

Iovani 6:29

He pāhono e Ietū: —Te meꞌe haŋa nō o te ꞌAtua he haka moe o kōrua i te manaꞌu ꞌi ruŋa i te kope uŋa mai e ia.

Iovani 6:40

Te haŋa o tōꞌoku Matuꞌa: he ai o te ora ꞌāpī ꞌina he hopeꞌa raꞌa i te nuꞌu taꞌatoꞌa ꞌite ko ai te Poki nei o te ꞌAtua ꞌe haka moe i te manaꞌu ꞌi ruŋa i a ia; ꞌe he haka ora tahi e au ꞌi te mahana o te ture hopeꞌa.

Aŋa o te ꞌĀpōtoro 17:30

Ko haka rehu ꞌā e te ꞌAtua te meꞌe aŋa e te taŋata ꞌi muꞌa ꞌā, he taꞌe aŋi-aŋi e rāua. ꞌE, hora nei, ꞌī e haka ꞌite ꞌā i tāꞌana roŋo ki te taŋata ꞌi te kona taꞌatoꞌa mo huri o te manaꞌu ki a ia ꞌe mo haka rē i te rāua ara taꞌe tano.

Aŋa o te ꞌĀpōtoro 26:20

ꞌI raꞌe a au i haka ꞌite ai i te ⌊roŋo riva-riva o te ꞌAtua⌋ ki te nuꞌu o Rāmako, ki oti ki te nuꞌu o Hērutarema ꞌe o te kona taꞌatoꞌa o Hūrea, ꞌe, takoꞌa, ki te nuꞌu taꞌe he hūrio. He kī e au mo haka tapa mai roto i te meꞌe taꞌe tano, mo huri o te manaꞌu ki te ꞌAtua, ꞌe mo aŋa i te meꞌe mo takeꞌa e te nuꞌu he aŋi mau ꞌā ko ⌊huri ꞌana te rāua manaꞌu ki a ia⌋.

Rōmano 8:29

Te manaꞌu, paꞌi, ōꞌona mo rāua mai muꞌa ꞌā: mo ai o te māhatu pa he māhatu o tāꞌana Poki, ki ai ai rā Poki he ꞌatariki o te meꞌe rahi nō atu taina.

1 Kōrinto 9:5

ꞌe mo maꞌu ꞌi muri i a rāua i te rāua viꞌe ⌊kiritiano⌋, pa he meꞌe aŋa e Tefa, e te ŋā taina era o Ietū ꞌe e te tētahi ꞌāpōtoro.

2 Kōrinto 11:2

ꞌIna kōrua ko rehu: e haŋa rō atu ꞌana a au ki a kōrua pa he haŋa iŋa ena ꞌā o te ꞌAtua ki tōꞌona taŋata. A kōrua ko haka haꞌamoꞌa-moꞌa era ꞌana e au mo hāipo-ipo ki te kenu mau nō e tahi, he ⌊Kiritō⌋, ꞌe ko haŋa ꞌana a au mo maꞌu i a kōrua ki muꞌa i a ia pa he viꞌe ꞌina kai noho ꞌā ki te taŋata ꞌe hāpaꞌo i a ia mo tāꞌana kenu mau nō.

Karatia 5:6

ꞌE, ꞌi te ai o tātou ꞌa Ietū Kiritō, te ꞌAtua e taꞌe tapa haka ꞌou ena hoki ko hore ꞌā te kiri o te hua ꞌo ꞌina kai hore. Te meꞌe hauhaꞌa mau he haka moe i te manaꞌu ꞌi ruŋa i a Ietū, he meꞌe e takeꞌa ena hai haŋa ki te rua.

Karatia 6:15

ꞌE, ki te mata o te ꞌAtua, ꞌina e tahi hauhaꞌa o te meꞌe he hore ꞌo he taꞌe hore o te kiri o te kinoŋa. Te meꞌe hauhaꞌa mōꞌona he haka ꞌāpī atu i a koe e te Vārua Maitai.

Kōrosa 3:11

ꞌI te noho iŋa ꞌāpī nei, ꞌina te ꞌAtua he tapa atu hoki a koe he ⌊hūrio⌋ ꞌo taꞌe he hūrio, he kope hore i te kiri o te kinoŋa ꞌo taꞌe hore, he taŋata o te rua henua, ꞌo he kope hāpī kore, he ꞌekaravo ꞌo taꞌe he ꞌekaravo. Te meꞌe hauhaꞌa mau nō ko Ietū, ꞌe a ia ꞌi roto i te nuꞌu taꞌatoꞌa ⌊haka moe i te manaꞌu⌋ ꞌi ruŋa i a ia.

1 Timoteo 5:2

Ki te ŋā viꞌe paꞌari e moꞌa koe pa he matuꞌa vahine ōꞌou; ꞌe ki te ŋā viꞌe ꞌāpī e moꞌa ꞌe e haŋa pa he taina vahine ōꞌou.

ꞌEvereo 5:9

ꞌE ꞌi te haꞌatura ōꞌona ꞌe ꞌi te aŋa i te meꞌe taꞌatoꞌa kī e te ꞌAtua mo aŋa, i riro ai he kope haka eꞌa i te taŋata mai roto i te ūtuꞌa o te hara ꞌe vaꞌai i te ora ꞌāpī ꞌina he hopeꞌa raꞌa mo te nuꞌu taꞌatoꞌa haꞌatura ki a ia.

1 Pētero 4:2

ꞌe te meꞌe haŋa nō ꞌāꞌana mo te hora toe ōꞌona ꞌi te ao nei he haka tere i a ia e te meꞌe haŋa e te ꞌAtua, ꞌe taꞌe ꞌō e te meꞌe taꞌe tano pohe e te hakari.

1 Iovani 2:17

ꞌE te ao haka tere hai manaꞌu taŋata nā e kore e oho ena koia ko tāꞌana meꞌe taꞌatoꞌa taꞌe tano. ꞌE te kope aŋa i te meꞌe haŋa e te ꞌAtua, i a ia te ora ꞌāpī ꞌina he hopeꞌa raꞌa.

Meꞌe Haka Takeꞌa 22:14

»Ko te koa i te nuꞌu tata i te rāua kahu, te auraꞌa, te nuꞌu haka rē mo haka kore e te ꞌAtua i te rāua hara, ki tano ai mo oꞌo ki roto ꞌi te kona moꞌa era ko Hērutarema ꞌāpī ꞌe mo kai mai ruŋa i te tumu vaꞌai i te ora ꞌāpī ꞌina he hopeꞌa raꞌa.