Māteo 12:41 - Rapa Nui

⁴¹ ꞌI te mahana o te ture hopeꞌa, hora ture i te nuꞌu taꞌatoꞌa, he eꞌa te nuꞌu o Nīnive, ꞌe hai rāua ka takeꞌa ena te hape o te nuꞌu o te hora nei. Te nuꞌu o ira, paꞌi, i ŋaroꞌa era i te vānaŋa ꞌa Hōnā, he haka moe tahi i te manaꞌu ꞌi ruŋa i te ꞌAtua. ꞌE ꞌi te kona nei te kope ꞌata hau ki a Hōnā.

Māteo 12:41 ပူးပေါင်းရင်းမြစ်များ

Māteo 12:39

He kī a Ietū: —A kōrua, te nuꞌu manaꞌu taꞌe tano haka tapa mai te ara parautiꞌa o te ꞌAtua e haŋa ꞌā mo aŋa ōꞌoku i te mana; ꞌe te meꞌe mau nō mo takeꞌa e kōrua he tāpaꞌo tuꞌu pa he meꞌe topa ki te perofeta era ko ⌊Hōnā⌋.

Māteo 12:42

»Pē ira takoꞌa te ꞌariki vahine o Tāvā ka eꞌa ena ꞌi te mahana o te haka ūtuꞌa ꞌe hai ia ka takeꞌa ena te hape o kōrua; i oho nō mai, paꞌi, mai te henua hopeꞌa o te roa mo haka roŋo i te vānaŋa mārama-rama o te ꞌariki era ko ⌊Toromono⌋. ꞌE ꞌi te kona nei te kope ꞌata hau ki a Toromono.

Māteo 12:45

He oho rā tātane he tari ki ira e hitu tātane ꞌata hau ꞌi te taparahi-taꞌata ki a ia, he uru he noho tahi ꞌi roto i tū taŋata era, ꞌe he ꞌata ꞌati rā taŋata ki te hora raꞌe era. Pē ira ka topa takoꞌa ena ki te nuꞌu o te hora nei, he nuꞌu aŋa i te meꞌe taꞌe tano.

Māteo 12:6

ꞌĪ a au he kī atu: ꞌi nei te meꞌe ꞌata hau rō atu ꞌi te hauhaꞌa ki te Kona Haꞌamuri ꞌAtua.

Māteo 16:4

A kōrua, te nuꞌu manaꞌu taꞌe tano haka tapa mai te ara parautiꞌa o te ꞌAtua, e haŋa ꞌā mo aŋa ōꞌoku i te mana, ꞌe, te meꞌe mau nō mo takeꞌa e kōrua he tāpaꞌo tuꞌu pa he meꞌe topa ki te perofeta era ko Hōnā». He haka rē ia a Ietū i rā nuꞌu ꞌe he eꞌa he oho mai ira.

Māteo 17:17

He kī e Ietū: —¡E te nuꞌu pūꞌoko hio-hio manaꞌu taꞌe tano ꞌe taꞌe ⌊haka moe i te manaꞌu⌋ ꞌi ruŋa i te ꞌAtua ē! ¡Pa he meꞌe ena: ka ai ka oho nō atu a au ꞌi muri i a kōrua ꞌātā ki te paꞌo iŋa o te ao, ko te taꞌe haka moe iŋa mai ꞌā kōrua i te manaꞌu ꞌi ruŋa i a au! ¿ꞌĀtā ki hē rā nei ka haꞌaoromaꞌi ka oho nō nei i a kōrua? Ka maꞌu mai te poki.

Māteo 23:36

ꞌĪ a au he kī atu: te ūtuꞌa o te aŋa i te meꞌe taꞌatoꞌa nei ka topa ena ꞌi ruŋa i te nuꞌu o te hora nei.

Ruka 11:32

»Pē ira takoꞌa, te nuꞌu o Nīnive ka eꞌa ena ꞌi te mahana o te haka ūtuꞌa, ꞌe hai rāua ka takeꞌa ena te hape o kōrua; te nuꞌu o ira, paꞌi, i ŋaroꞌa era i te vānaŋa ꞌa Hōnā, he haka moe tahi i te manaꞌu ꞌi ruŋa i te ꞌAtua. ꞌE ꞌi te kona nei te kope ꞌata hau ki a Hōnā.

Iovani 3:31

»Te kope turu mai mai te raŋi ꞌata hau rō atu ki te taŋata taꞌatoꞌa. Te taŋata o te ao nei o te ao mau nei ꞌā, ꞌe te meꞌe vānaŋa he meꞌe o te ao nō nei. ꞌE te kope turu mai mai te raŋi ꞌata hau rō atu ki te taꞌatoꞌa

Iovani 4:12

Te mātou tupuna ko Hākovo ko haka rē mai ꞌana ki a mātou i te pū vai nei. ꞌI nei e unu era i te vai, pē ira takoꞌa ꞌana tāꞌana ŋā poki ꞌe tāꞌana ꞌanimare. ¿ꞌAta hau ꞌō koe ki a ia?

Rōmano 2:27

Hai noho iŋa tano o te kope taꞌe he hūrio haꞌatura i te haka tere iŋa ꞌa Mōtē e tuhi ena i te hape o te nuꞌu hūrio ꞌite o ruŋa i rā haka tere iŋa ꞌe ꞌina he haꞌatura, ka ai atu ko hore ꞌana te kiri o te kinoŋa.

ꞌEvereo 11:7

He haka moe o Nōē i te manaꞌu ꞌi ruŋa i te ꞌAtua i aŋa ai i te pahī ꞌo mate tāꞌana huaꞌai hora kī era e te ꞌAtua e topa rō te meꞌe kai takeꞌa hia ꞌā e te mata o te taŋata. ꞌE ꞌi tōꞌona haꞌatura ki te ꞌAtua i takeꞌa ai: te taŋata taꞌatoꞌa o rā hora e aŋa rō ꞌana i te meꞌe taꞌe tano, ꞌe e tano rō ꞌana mo haka ūtuꞌa e te ꞌAtua. ꞌE a Nōē i tano ai ki te mata o te ꞌAtua ꞌo te haka moe i tōꞌona manaꞌu ꞌi ruŋa i a ia.