Māteo 12:36 - Rapa Nui

³⁶ ꞌĪ a au he kī atu: ꞌi te mahana o te ture hopeꞌa, e tahi e tahi ka kī ena ki te ꞌAtua i te tumu o tāꞌana vānaŋa taꞌe tano kī.

Māteo 12:36 ပူးပေါင်းရင်းမြစ်များ

Māteo 10:15

ꞌĪ a au he kī atu: ꞌi te mahana o te ture hopeꞌa, te ūtuꞌa mo te nuꞌu o rā kona ꞌata hau rō atu ki te ūtuꞌa topa ꞌi ruŋa i te nuꞌu hara o ⌊Tōroma⌋ ꞌe o ⌊Kōmora⌋.

Māteo 11:22

ꞌĪ ia a au he kī atu: ꞌi te mahana o te ture hopeꞌa o te ꞌAtua, te ūtuꞌa mo kōrua ꞌata hau rō atu ki te ūtuꞌa mo te nuꞌu o Tiro ꞌe o Tīrone.

Māteo 12:37

Hai taꞌa vānaŋa mau ꞌā ka ture atu ena pē nei ē: ko hape ꞌana koe ꞌo ꞌina koe kai hape».

Rōmano 14:12

Pē ira, e tahi e tahi o tātou ka kī ena i tāꞌana meꞌe i aŋa ki te ꞌAtua.

Rōmano 2:16

ꞌi te mahana ture e te ꞌAtua hai Ietū Kiritō i te taꞌatoꞌa meꞌe aŋa ꞌe manaꞌu e te taŋata, ꞌātā i te meꞌe taꞌe ꞌite e te rua. He meꞌe nei te meꞌe haka ꞌite ꞌi ruŋa i te ⌊roŋo riva-riva o te ꞌAtua⌋ hāpī e au.

Tanatiako 3:6

ꞌE te ꞌarero pa he ahi ꞌā. He kona o te tātou hakari mai ira e poreko ena te meꞌe rake-rake haka ꞌōꞌone tahi i a tātou hai hara. Te ꞌarero e ura ena hai ahi mau era ꞌā o te pōꞌauahi koia ko te tutu ko te oho i te tātou noho iŋa ꞌi te ao nei.

Meꞌe Haka Takeꞌa 20:12

He uꞌi atu ia a au i te nuꞌu mate, ka hōnui ꞌe ka taꞌe hōnui, e māroa rō ꞌana ꞌi muꞌa o tū pepe noho ꞌariki era. I oho era he mātaki-taki i te puka ꞌe i te puka takoꞌa era ꞌi ruŋa e pāpaꞌi rō ꞌā te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa. He ture ia i te nuꞌu mate tano ki te rāua meꞌe i aŋa pāpaꞌi ꞌi ruŋa i rā ŋā puka.