Māteo 12:30 - Rapa Nui

³⁰ »Te kope taꞌe peꞌe mai ꞌina he haŋa mai; ꞌe te kope taꞌe hāꞌūꞌū mai mo haka taka-taka i te taŋata mo te ꞌAtua e haka mira-mira ꞌā i tāꞌaku aŋa.

Māteo 12:30 ပူးပေါင်းရင်းမြစ်များ

Māteo 12:29

»¿Pē hē te kope e tahi ana uru ana toꞌo i te meꞌe o roto i te hare o te ꞌaito, mo taꞌe here-here ꞌi raꞌe i rā ꞌaito? Pē ira mau nō, paꞌi, ana ravaꞌa i te meꞌe o roto i rā hare.

Māteo 6:24

»ꞌIna e tahi kope mo ravaꞌa mo tāvini, ꞌi tū hora ꞌā, ki te ŋāŋata hoko rua. Mo aŋa pē ira, ki te kope e tahi ka haŋa era ꞌe ki te rua ꞌina. He haꞌatura ki te taŋata e tahi ꞌe ki te rua ka taꞌe haka au era. Te auraꞌa: e ko tano koe mo aŋa ki te ꞌAtua ꞌe ki te hauhaꞌa ꞌi tū hora ꞌā.

Marko 9:40

Te kope ꞌina i a ia te haŋa mo haka hape i te tātou aŋa e hāꞌūꞌū mai ꞌana.

Ruka 11:23

»ꞌĪ a au he kī atu: te kope taꞌe ⌊haka moe i te manaꞌu⌋ ꞌi ruŋa i a au ꞌina he haŋa mai, ꞌe te kope taꞌe hāꞌūꞌū mai mo aŋa i tāꞌaku aŋa e haka hape ꞌā i tāꞌaku aŋa.

Ruka 9:50

He pāhono e Ietū: —E haka rē nō kōrua i a ia. Te kope ꞌina i a ia te haŋa mo haka hape i te tātou aŋa e hāꞌūꞌū mai ꞌana.

Iovani 11:52

ꞌE taꞌe mo te hūrio nō ka mate era, takoꞌa mo haka taka-taka tahi i te ŋā poki o te ꞌAtua ꞌi te henua taꞌatoꞌa.

1 Iovani 2:19

A rāua mai roto i a tātou i eꞌa ai, ꞌe, ka ai atu pē ira, taꞌe a rāua o tātou. ꞌĀhani, paꞌi, o tātou ko noho mai ꞌana. Te meꞌe nei i topa ai mo takeꞌa riva-riva: taꞌe taꞌatoꞌa nuꞌu o roto i a tātou he nuꞌu o tātou.