Māteo 12:18 - Rapa Nui

¹⁸ «ꞌĪ tōꞌoku tāvini haꞌataꞌa e au, kope haŋa rahi ꞌāꞌaku, ꞌi ruŋa i a ia tōꞌoku koa. Ki a ia ka vaꞌai nei e au i tōꞌoku Vārua, ꞌe he haka ꞌite e ia ki te taŋata o te ao pē hē a rāua ana tano ki tōꞌoku mata.

Māteo 12:18 ပူးပေါင်းရင်းမြစ်များ

Māteo 12:17

Pē nei i tano ai te meꞌe haka ꞌite e te perofeta era ko ꞌItaia ꞌi te hora kī pē nei ē:

Māteo 17:5

E vānaŋa nō ꞌana a Pētero, i noho ai ꞌi ruŋa i a rāua te raŋi tea-tea ꞌuira e tahi, ꞌe mai roto i eꞌa ai e tahi reꞌo e kī era: «He Poki nā ꞌāꞌaku, Poki haŋa rahi; ꞌi ruŋa i a ia tōꞌoku koa. E haꞌatura kōrua ki a ia».

Marko 1:11

He ŋaroꞌa i te reꞌo mai te raŋi ka kī: «A koe he Poki ꞌāꞌaku, Poki haŋa rahi; ꞌi ruŋa i a koe tōꞌoku koa».

Marko 9:7

E no-noho nō ꞌā rā nuꞌu, i puru rō ai e te raŋi ꞌe mai roto te reꞌo i kī ai: «He Poki nā ꞌāꞌaku, Poki haŋa rahi; e haꞌatura kōrua ki a ia».

Ruka 23:35

ꞌI ira te nuꞌu e uꞌi ꞌana; ꞌe te nuꞌu ra-rahi e haka ka-kata ꞌā: «Ko haka eꞌa ꞌana i te tētahi taŋata mai roto i te rāua ꞌati. Mo ai he ⌊Kiritō⌋ mau ꞌā ꞌe o te ꞌAtua i uŋa mai, ka haka ora i a ia ꞌā ꞌi te hora nei».

Ruka 3:22

he turu te Vārua Maitai ki ruŋa i a ia tuꞌu pa he pāroma, ꞌe he ŋaroꞌa e tahi reꞌo ꞌi te raŋi e kī era: «A koe he Poki ꞌāꞌaku, Poki haŋa rahi; ꞌi ruŋa i a koe tōꞌoku koa».

Ruka 4:18

«ꞌI ruŋa i a au te Vārua o te ꞌAtua, ꞌo te ai ko haꞌataꞌa ꞌana i a au mo maꞌu i te roŋo riva-riva ꞌāꞌana ki te nuꞌu veve. Ko uŋa mai ꞌā mo haka ꞌite ki te nuꞌu puru e ai rō ꞌā te rāveꞌa mo eꞌa o rāua mai roto i te ꞌati. Ko uŋa takoꞌa mai ꞌana i a au mo haka māꞌeha i te mata o te nuꞌu matapō, mo haka eꞌa i te nuꞌu mai te rima o te nuꞌu tōtōā i a rāua,

Ruka 9:35

ꞌE mai roto te reꞌo i kī ai: «He Poki nā ꞌāꞌaku, ko tāmoe-moe era ꞌā e au mo tāꞌaku aŋa. E haꞌatura kōrua ki a ia».

Iovani 3:34

Te kope uŋa mai e te ꞌAtua e haka ꞌite ꞌana i te vānaŋa o te ꞌAtua; i a ia, paꞌi, te pūai o te Vārua Maitai i vaꞌai ai e te ꞌAtua.

Aŋa o te ꞌĀpōtoro 10:38

Ko ꞌite takoꞌa ꞌana a kōrua pē hē te ꞌAtua i vaꞌai ai i te Vārua Maitai ꞌe i te pūai ki a Ietū era o Nātāreta, ꞌe pē hē e aŋa e oho era i te meꞌe riva-riva, e haka ora e oho era i te nuꞌu taꞌatoꞌa māui-ui ꞌi a Rukifero. Te meꞌe nei i aŋa ai e Ietū ꞌi te meꞌe era ꞌi muri i a ia te ꞌAtua.

Aŋa o te ꞌĀpōtoro 11:18

I ŋaroꞌa era e te taina taꞌatoꞌa o Hērutarema i te ŋā meꞌe nei, ꞌina kai ai haka ꞌou te vānaŋa mo kī ꞌe he haꞌamata he haka nui-nui i te ꞌAtua e kī era: «¡Ko te riva i te ꞌAtua i vaꞌai takoꞌa ai ki te nuꞌu taꞌe he hūrio i te rāveꞌa mo huri o te manaꞌu ki a ia ꞌe mo ravaꞌa e rāua i te ora ꞌāpī ꞌina he hopeꞌa raꞌa!».

Aŋa o te ꞌĀpōtoro 14:27

I tuꞌu era a Pauro ararua ko Verenāvē ki Antiokia, he haka taka-taka i te nuꞌu haka moe i te manaꞌu ꞌi ruŋa i a Ietū ꞌe he ꞌaꞌamu i tū meꞌe taꞌatoꞌa aŋa era e te ꞌAtua hai rāua, ꞌe pē hē te ꞌAtua i mātaki ai i te ꞌōpani mo haka moe takoꞌa o te nuꞌu taꞌe he hūrio i te rāua manaꞌu ꞌi ruŋa i a Ietū.

Ēfeto 1:6

ꞌO ira, ki haꞌahana-hana ki te ꞌAtua ꞌi tōꞌona riva rahi haka takeꞌa mai ꞌo te ai o tātou ꞌa Ietū Kiritō, he Poki haŋa rahi ꞌāꞌana.

Kōrosa 1:1

A au, a Pauro, ⌊ꞌāpōtoro⌋ ꞌa Ietū Kiritō hai haŋa o te ꞌAtua, ꞌe te tātou taina ko Timoteo,

Kōrosa 1:13

O te ꞌAtua, paꞌi, i haka eꞌa i a tātou mai te rima o te kope te haka tere iŋa ꞌi roto i te pōhāhā, ꞌe he haka noho i a tātou ꞌi roto i te haka tere iŋa o tāꞌana Poki haŋa rahi ko Ietū Kiritō,

1 Pētero 2:4

E haka hāhine kōrua ki a ia, he māꞌea ora taꞌe haŋa era e te taŋata, māꞌea haꞌataꞌa e te ꞌAtua, ꞌe māꞌea hauhaꞌa rahi.

2 Pētero 1:17

I takeꞌa rō, paꞌi, e mātou i te pūai ꞌana-ꞌana ōꞌona hora haka paka era e te ꞌAtua Matuꞌa mai te raŋi pē nei ē: «A ia he poki haŋa rahi ꞌāꞌaku, ꞌi ruŋa i a ia tōꞌoku koa».