Māteo 12:12 - Rapa Nui

¹² ꞌE te taŋata ꞌata hauhaꞌa rō atu ki te māmoe. ꞌO ira ꞌi te mahana haka ora e haꞌatiꞌa rō ꞌā mo aŋa i te meꞌe riva-riva.

Māteo 12:12 ပူးပေါင်းရင်းမြစ်များ

Māteo 10:31

ꞌO ira, ꞌina ko riꞌa-riꞌa; a kōrua mo te ꞌAtua ꞌata hau rō atu ꞌi te hauhaꞌa ki te manu.

Māteo 6:26

»E uꞌi rā te manu: ꞌina he ꞌoka, ꞌina he kato ꞌe ꞌina he hāpaꞌo i te kai ꞌi roto i te hare haꞌaputu kai. Ka ai atu pē ira, te Matuꞌa o kōrua ꞌi te raŋi e hāŋai rō ꞌana i a rāua. ꞌE a kōrua i hau rō atu ꞌi te hauhaꞌa ki te manu.

Marko 3:4

He ꞌui ia e Ietū ki tū nuꞌu era: «¿He aha te meꞌe haꞌatiꞌa mo aŋa ꞌi te mahana haka ora: he meꞌe riva-riva ꞌo he meꞌe rake-rake? ¿He haka ora i te taŋata ꞌo he tiŋaꞌi he haka mate?». ꞌIna e tahi o rā nuꞌu i pāhono.

Ruka 12:24

»E uꞌi rā te manu: ꞌina he ꞌoka ꞌe ꞌina he kato i te kai, ꞌe ꞌina takoꞌa he karapone o rāua mo haꞌaputu ꞌe mo hāpaꞌo o te kai. Ka ai atu pē ira, e vaꞌai rō ꞌana e te ꞌAtua hai kai. ꞌE, a kōrua, mo te ꞌAtua, ꞌata hau rō atu ꞌi te hauhaꞌa ki te manu.

Ruka 14:1

ꞌI te ⌊mahana haka ora⌋ e tahi, he oho a Ietū he kai ꞌi te hare o te ⌊fariseo⌋ ra-rahi e tahi, ꞌe tētahi nuꞌu fariseo ꞌai e uꞌi era koiꞌite e aŋa rō a Ietū i te meꞌe ꞌina he tano ki te rāua haka tere iŋa.

Ruka 6:9

He kī ia e Ietū ki rā nuꞌu: «ꞌĪ a au he ꞌui atu e tahi meꞌe: “¿He aha te meꞌe tano mo aŋa ꞌi te mahana haka ora: he meꞌe riva-riva ꞌo he meꞌe rake-rake? ¿He haka ora i te taŋata ꞌo he tiŋaꞌi he haka mate?”».