Māteo 11:28 - Rapa Nui

²⁸ »Te nuꞌu taꞌatoꞌa rohi-rohi ꞌo te ꞌamo i te meꞌe paŋahaꞌa e oho mai ki a au; māꞌaku e haka kore i te rohi-rohi.

Māteo 11:28 ပူးပေါင်းရင်းမြစ်များ

Māteo 11:29

E aŋa tāꞌaku meꞌe kī atu ꞌe e riro kōrua he nuꞌu hāpī ꞌāꞌaku. A au, paꞌi, he kope riva, taꞌe riri-riri tahaŋa ꞌe taꞌe manaꞌu i hau rō atu ki te rua. Pē ira he ŋaroꞌa e kōrua te ora.

Māteo 23:4

»Te aŋa o te nuꞌu nei he ꞌata vaꞌai i te roŋo mo haꞌatura e te taŋata, he meꞌe e ko ravaꞌa mo ꞌamo ꞌi te paŋahaꞌa, ꞌe a rāua mau ꞌā ꞌina he aŋa e tahi meꞌe mo haka rehe ꞌiti i te paŋahaꞌa.

Iovani 6:37

Te taŋata taꞌatoꞌa vaꞌai mai e tōꞌoku Matuꞌa he oho tahi mai ki a au. ꞌE te kope oho mai e ko haka tapa e au mai muri i a au.

Iovani 7:37

Te mahana hopeꞌa o tū ŋoŋoro era, he mahana ꞌata hau o te nui-nui. ꞌI rā mahana he māroa a Ietū he kī pūai: «Te kope pohe ki te vai e oho mai ki a au, ꞌe te kope haka moe i tōꞌona manaꞌu ꞌi ruŋa i a au e unu. Pa he meꞌe kī ꞌi ruŋa i te ⌊Pāpaꞌi Moꞌa⌋: mai roto i rā kope ka tehe ena pa he rio te vai vaꞌai i te ora ꞌāpī ꞌina he hopeꞌa raꞌa o te ꞌAtua».

Aŋa o te ꞌĀpōtoro 15:10

»Mo ai pē ira, ¿he aha ia a kōrua e haŋa ena mo haka riri i te ꞌAtua hai haka ꞌamo ki te nuꞌu era i te haka tere iŋa ꞌa Mōtē, he meꞌe kai ꞌite mo ꞌamo e tātou ꞌe e te tātou tupuna?

Aŋa o te ꞌĀpōtoro 20:35

Hai haka tere iŋa nei ōꞌoku e haka ꞌite atu era pē hē tātou ana aŋa mo ravaꞌa mai o te meꞌe, ki riva ai a tātou mo hāꞌūꞌū ki te nuꞌu ꞌina e tahi rāveꞌa. E haka topa te kōrua manaꞌu ki te vānaŋa kī e Ietū: “I hau te rahi o te koa mo vaꞌai ōꞌou ki te rua ki te toꞌo mai ana vaꞌai atu”».

Karatia 5:1

A Ietū Kiritō i haka eꞌa i a tātou mai te meꞌe ena he ꞌamo i te haka tere iŋa ꞌa Mōtē mo tano ki te mata o te ꞌAtua. ꞌO ira, e uꞌi kōrua ꞌo haka ꞌamo haka ꞌou rō atu i te haka tere iŋa era, ꞌo ꞌekaravo haka ꞌou kōrua o rā haka tere iŋa.

2 Tētārōnika 1:7

ꞌe e vaꞌai rō mai i te ora ki a tātou, ki te nuꞌu ꞌamo i te ꞌati. Te meꞌe nei ka topa ena ꞌi te mahana o te hoki iŋa mai o te tātou Pūꞌoko Haka Tere ko Ietū Kiritō ananake ko tāꞌana merahi pūai mai te raŋi e haka vari tahi rō ꞌā e te ura o te ahi.

ꞌEvereo 4:1

ꞌE hora nei, hora e ai nō ꞌā mo tātou te meꞌe hōrea mai e te ꞌAtua pē nei ē: he oꞌo ki te kona haka riva-riva e ia mo haka ora, e uꞌi ꞌo taꞌe ravaꞌa rō mo oꞌo e tahi o tātou.

Meꞌe Haka Takeꞌa 22:17

Te ⌊Vārua Maitai⌋ ꞌe te viꞌe hāipo-ipo o te Māmoe pē nei e kī ena: «¡Ka oho mai!». ꞌE te kope ŋaroꞌa i te meꞌe nei, ka kī: «¡Ka oho mai!». ꞌE te kope pohe ki te vai ꞌe haŋa mo unu, ka oho mai ka unu i te vai taꞌe e ꞌauhau vaꞌai i te ora ꞌāpī ꞌina he hopeꞌa raꞌa.