Māteo 11:26 - Rapa Nui

²⁶ ꞌĒ-ē, pē ira mau ꞌā a koe i haŋa ai, e Koro ē».

Māteo 11:26 ပူးပေါင်းရင်းမြစ်များ

Ruka 10:21

ꞌI rā hora, ꞌi te ꞌī o Ietū e te ⌊Vārua Maitai⌋, he toꞌo rō atu ꞌai te koa ꞌe he kī: «He haꞌahana-hana atu a au ki a koe, e Koro, e te ꞌAtua o te raŋi ꞌe o te henua ē, ꞌo te taꞌe haka takeꞌa ōꞌou i taꞌa meꞌe naꞌa ki te nuꞌu manaꞌu ko rāua mau nō te nuꞌu ꞌite ꞌe mārama-rama, ꞌe ki te nuꞌu pa he ŋā poki a koe i haka takeꞌa ai. ꞌĒ-ē, pē ira mau ꞌā koe i haŋa ai, e Koro ē».

Ruka 22:42

He kī: «E Koro, mo haŋa ōꞌou, ka toꞌo te ꞌati nei mai ruŋa i a au. ꞌE, ka ai atu pē nei tōꞌoku manaꞌu, ka aŋa koe hai meꞌe nō ena ꞌāꞌau i haŋa ꞌe taꞌe hai meꞌe haŋa ꞌāꞌaku». [

Ruka 23:34

He kī a Ietū: «E Koro, ka haka rehu koe i te meꞌe aŋa mai e te nuꞌu nei; kai ꞌite e aha ꞌā a rāua».] Te vaꞌehau ia ko no-noho ko pere ꞌā i te kahu o Ietū mo uꞌi ki a ai ki a ai ana topa.

Iovani 11:41

He ketu ia e te nuꞌu i rā māꞌea. He uꞌi a Ietū a te raŋi ꞌe he kī: «E Koro ōꞌoku ē, he māuru-uru atu a au ꞌo tuꞌu haka roŋo mai.

Iovani 12:27

»¡Ko ŋaroꞌa mai ꞌana ꞌō e au i te māui-ui hopeꞌa o te nui-nui ꞌi roto i tōꞌoku māhatu! ¿Pē hē ia a au ana kī: “E Koro, ka haka kore atu koe i te ꞌati ena ꞌo topa mai ki ruŋa i a au”? E ko tano a au mo kī pē ira. I oho mai ai, paꞌi, a au mo te meꞌe mau nei ꞌā.

Iovani 12:28

Te meꞌe mau ꞌāꞌaku mo kī: “E Koro, ka haka takeꞌa tuꞌu pūai ki te taŋata ki haꞌamuri atu ai ki a koe”». He ŋaroꞌa ia i te reꞌo e tahi mai te raŋi e kī ꞌana: «Ko haka takeꞌa era ꞌana e au, ꞌe ꞌī a au he haka takeꞌa haka ꞌou».

Rōmano 9:18

Hai meꞌe nei e ꞌite ena e tātou: te nuꞌu haŋa e te ꞌAtua mo haka ꞌaroha, he haka ꞌaroha, ꞌe te nuꞌu haŋa mo haka hio-hio i te manaꞌu, he haka hio-hio e ia i te manaꞌu.

Ēfeto 1:11

I haꞌataꞌa ai i a tātou, ꞌi muꞌa ꞌā, e te ꞌAtua mo nuꞌu ꞌāꞌana hai Ietū Kiritō, he meꞌe i manaꞌu e ia mo aŋa. Te ꞌAtua, paꞌi, e haka tano tahi rō ꞌana i tāꞌana meꞌe haŋa ꞌe i tāꞌana meꞌe manaꞌu.

Ēfeto 1:9

Ko haka ꞌite mai ꞌana, paꞌi, i tāꞌana meꞌe manaꞌu era mo aŋa taꞌe haka ꞌite era e ia ꞌi muꞌa ꞌā. ꞌE, ꞌi tōꞌona riva rahi, i manaꞌu ai mo aŋa i te meꞌe nei hai Ietū Kiritō

Ēfeto 3:11

Ko manaꞌu era ꞌā e te ꞌAtua mo aŋa i te meꞌe nei mai muꞌa ꞌā, mai te hora kai aŋa ꞌana i te ao, ꞌe ko aŋa ꞌana hai meꞌe i aŋa e Ietū Kiritō, he Pūꞌoko Haka Tere o tātou, hora mate era ōꞌona ꞌi ruŋa i te tātaurō.

2 Timoteo 1:9

Te ꞌAtua ko haka eꞌa ꞌā i a tātou mai roto i te ūtuꞌa o te hara mo riro o tātou he nuꞌu ꞌāꞌana. I aŋa ai pē ira, taꞌe he huru riva o tātou, he haŋa mau ꞌā ōꞌona, ꞌe mai te hora era ꞌā kai aŋa ꞌana i te ao i haŋa rō ai mo haka takeꞌa mai i tōꞌona riva rahi hai Ietū Kiritō.