Māteo 11:23 - Rapa Nui

²³ »ꞌE a koe, e Kaperenāū ē, ¿e manaꞌu ena koe pē nei ē: e maꞌu rō i a koe ki te raŋi? ¡Ki raro nui era o te pōꞌauahi ka ava ena i a koe! ꞌĀhani ki te nuꞌu o ⌊Tōroma⌋ i aŋa ai i te mana aŋa atu ki a koe, ko te ai iŋa ꞌā te kona era ꞌātā ki te hora nei.

Māteo 11:23 ပူးပေါင်းရင်းမြစ်များ

Māteo 10:15

ꞌĪ a au he kī atu: ꞌi te mahana o te ture hopeꞌa, te ūtuꞌa mo te nuꞌu o rā kona ꞌata hau rō atu ki te ūtuꞌa topa ꞌi ruŋa i te nuꞌu hara o ⌊Tōroma⌋ ꞌe o ⌊Kōmora⌋.

Māteo 16:18

ꞌĪ a au he kī atu: a koe ko Pētero, te haꞌaauraꞌa: «he māꞌea»; ꞌe pa he māꞌea hai ia e haꞌamata e titi ena i te hare, hai koe a au ka haꞌamata ka haka rahi ena i te nuꞌu ⌊haka moe i te manaꞌu⌋ ꞌi ruŋa i a au, ꞌe ꞌina e ko ai ꞌi ruŋa i a rāua te pūai o te mate.

Māteo 17:24

I tuꞌu era a Ietū ananake ko tāꞌana nuꞌu hāpī ki Kaperenāū, te nuꞌu haka ꞌauhau i te taŋata hai moni mo te ⌊Kona Haꞌamuri ꞌAtua⌋ he oho he uꞌi i a Pētero, ꞌe he ꞌui: —¿E ꞌauhau rō ꞌā tuꞌu maꞌori i te moni mo te Kona Haꞌamuri ꞌAtua?

Māteo 4:13

ꞌIna kai noho ꞌi Nātāreta; ꞌi Kaperenāū i noho ai, ꞌi te taha-taha o te vai, ꞌi te kona o te hakaara o Tāvūrone ꞌe o Nefetārī.

Māteo 8:5

I tuꞌu era a Ietū ki Kaperenāū, he haka hāhine e tahi taŋata he kape o te vaꞌehau rōmano,

Ruka 10:15

»ꞌE a kōrua, e te nuꞌu o Kaperenāū ē, ¿e manaꞌu ena e maꞌu rō i a kōrua ki te raŋi? ¡Ki raro nui era o te pōꞌauahi ka ava ena!».

Ruka 14:11

ꞌĪ a au he kī atu: te kope haka paka i a ia mau ꞌā e haka ka-kata ꞌe e haka haꞌamā rō; ꞌe te kope taꞌe haka paka i a ia pe muꞌa ka oho ena e haka hōnui rō».

Ruka 4:23

He kī haka ꞌou e Ietū: —Ko ꞌite ꞌana a au e kī rō mai kōrua i te vānaŋa nei: «E te taote, ka haka ora koe i a koe ꞌā». E takoꞌa: «Te meꞌe aŋa e koe ꞌi Kaperenāū ka aŋa takoꞌa ꞌi nei ꞌi tuꞌu kāiŋa».

Aŋa o te ꞌĀpōtoro 2:27

E ko haka rē koe i tōꞌoku vārua ꞌi muri i te nuꞌu mate ꞌe e ko haꞌatiꞌa koe mo piro o te hakari o tuꞌu tāvini haꞌataꞌa ꞌe haꞌatura ki a koe.

Aŋa o te ꞌĀpōtoro 2:31

ꞌE ko ꞌite takoꞌa ꞌā a ia pē nei ē: te Kiritō e ora haka ꞌou rō mai te mate. ꞌO ira a Tāvita i pāpaꞌi ai i te vānaŋa nei: e ko haka rē i tōꞌona vārua ꞌi muri i te nuꞌu mate ꞌe e ko haꞌatiꞌa mo piro o tōꞌona hakari.

Hura 1:7

ꞌE ki te nuꞌu o ⌊Tōroma⌋, o ⌊Kōmora⌋ ꞌe o te kona hāhine ki ira i haka ūtuꞌa ai ꞌi roto i te ahi ꞌina he hopeꞌa raꞌa ꞌo te vaꞌai i a rāua ki te taiꞌata, ꞌe ki te rauhuru meꞌe taꞌe tano pa he noho te taŋata ki te taŋata ꞌā, ꞌe te viꞌe ki te viꞌe ꞌā. Te nuꞌu nei koia ko rā ŋā merahi he noho rō ꞌai pa he meꞌe mo haka manaꞌu ki te taꞌatoꞌa, ꞌo aŋa i te meꞌe tuꞌu pē ira ꞌe ꞌo haka ūtuꞌa e te ꞌAtua.

Meꞌe Haka Takeꞌa 1:18

he kope e ora rō ꞌā. I mate rō a au, ꞌe, hora nei, he ora he oho mau rō ꞌai ꞌātā ki te hopeꞌa raꞌa. Te tāviri o te mate i a au.

Meꞌe Haka Takeꞌa 11:8

He haka rē i te rāua hakari ꞌi te kona taka-taka taŋata o te kona nui-nui ena ko Hērutarema, kona veo era ꞌi ruŋa i te tātaurō i te tātou Pūꞌoko Haka Tere, kona e kī takoꞌa rō ꞌana ko ⌊Tōroma⌋ ꞌo ko Ehipto he ꞌi-ꞌino o te nuꞌu o ira.

Meꞌe Haka Takeꞌa 20:13

Te nuꞌu mā-mate nei, mai roto i te vaikava ꞌe mai roto i te kona ko ꞌAre i eꞌa tahi ai, ꞌe he ture ki a rāua taꞌatoꞌa tano ki te rāua meꞌe i aŋa.

Meꞌe Haka Takeꞌa 6:8

He uꞌi atu a au he hoi tōuamāmari e tahi, ꞌe te kope eke o ruŋa te ꞌīŋoa ko Mate. ꞌI tuꞌa ōꞌona e oho era te kope e tahi o te kona ko ꞌAre te ꞌīŋoa, he kona o te nuꞌu mate. I oho era he vaꞌai ki te ŋā kope nei i te parau mo tiŋaꞌi mo haka mate e tahi ꞌapa o te ꞌapa e hā o te taŋata taꞌatoꞌa o te ao hai tamaꞌi, hai maruaki, hai māui-ui ꞌe hai manu taehae.