Māteo 11:21 - Rapa Nui

²¹ «¡Ko te ꞌaroha i a kōrua, e Koratini ꞌe e Vetetaira ē! ꞌĀhani ꞌi Tiro ꞌe ꞌi Tīrone i aŋa ai i te mana aŋa atu ki a kōrua, ko ⌊huri nō era ꞌana te nuꞌu o ira i te rāua manaꞌu ki te ꞌAtua⌋ ꞌe ko haka takeꞌa nō mai era ꞌā hai uru i te kahu aŋa hai pūtē tore ꞌe hai pī-pī i te ꞌeo-ꞌeo a ruŋa i te rāua pūꞌoko.

Māteo 11:21 ပူးပေါင်းရင်းမြစ်များ

Māteo 11:22

ꞌĪ ia a au he kī atu: ꞌi te mahana o te ture hopeꞌa o te ꞌAtua, te ūtuꞌa mo kōrua ꞌata hau rō atu ki te ūtuꞌa mo te nuꞌu o Tiro ꞌe o Tīrone.

Māteo 15:21

He eꞌa ia a Ietū mai ira he oho ki te kona hāhine ki Tiro ꞌe ki Tīrone.

Māteo 18:7

»He ꞌati e tahi mo te nuꞌu o te ao te ai meꞌe rahi nō atu meꞌe uŋa i te taŋata ki roto i te hara. Rā ŋā meꞌe ꞌina e ko taꞌe ai. Ka ai atu pē ira, ¡ko te ꞌaroha ꞌi te kope haka hara i te rua!

Māteo 26:24

ꞌĪ a au he kī atu: te meꞌe taꞌatoꞌa hāꞌaki ꞌi ruŋa i te ⌊Pāpaꞌi Moꞌa⌋ mo topa ki te Poki o te taŋata e ko taꞌe topa; ꞌe, ¡ko te ꞌaroha i te kope māꞌana e vaꞌai ki te nuꞌu! I hau ꞌi te riva mōꞌona ꞌāhani i taꞌe poreko.

Marko 3:8

I ꞌite era e te nuꞌu o ruŋa i te mana taꞌatoꞌa aŋa e Ietū, he pae takoꞌa mai Hūrea, mai Hērutarema, mai Irumea, mai te rua pāꞌiŋa o te rio era ko Horotana, mai Tiro ꞌe mai Tīrone.

Marko 6:45

I oti era te meꞌe nei he kī e Ietū ki tāꞌana nuꞌu hāpī mo eke ki ruŋa i te vaka ꞌe mo oho ꞌi raꞌe ki a ia ki Vetetaira; ko ia mo noho mo haka oho i te nuꞌu.

Marko 7:24

Mai ira i oho ai a Ietū ki Tiro. He uru ki roto i te hare e tahi ꞌe ꞌina he haŋa mo ꞌite e te taŋata ꞌi ira a ia. Ka ai atu pē ira, i ꞌite nō.

Marko 7:31

He eꞌa ia a Ietū mai Tiro, he oho ki Tīrone, ꞌe mai ira i oho ai ki te kona vai o Karirea, ki te pāꞌiŋa o Rēkāpori.

Marko 8:22

He tuꞌu ia a kuā Ietū ki Vetetaira. ꞌI ira i maꞌu ai e te nuꞌu i te taŋata matapō ki a Ietū, he ani mo haka puā hai rima mo ora o tōꞌona mata.

Ruka 4:26

ꞌE ꞌina he ꞌAtua kai uŋa i a ꞌĒria mo hāꞌūꞌū ki rā ŋā viꞌe; i haka oho ai ki te viꞌe hove taꞌe he hūrio o te kona era ko Tarapeta, he kona hāhine ki Tīrone.

Ruka 6:17

He turu a Ietū mai ruŋa i te maꞌuŋa ananake ko tū nuꞌu era. I topa era he no-noho ꞌi te kona pararaha e tahi. Ko taka-taka era ꞌā ꞌi rā kona meꞌe rahi nuꞌu hāpī haka ꞌou ꞌāꞌana ꞌe meꞌe rahi nuꞌu o te kona taꞌatoꞌa o Hūrea, o Hērutarema, o Tiro ꞌe o Tīrone.

Ruka 9:10

I hoki tahi era te ⌊ꞌāpōtoro⌋ uŋa e Ietū, he ꞌaꞌamu ki a ia i te rāua meꞌe taꞌatoꞌa i aŋa. He toꞌo e Ietū i rā nuꞌu ꞌe he oho ananake ki te kona hāhine ki Vetetaira mo noho ko rāua nō.

Iovani 1:44

A Feripe o te kona e tahi o Karirea te ꞌīŋoa ko Vetetaira, he kona takoꞌa o Pētero ararua ko Antarea.

Iovani 12:21

He haka hāhine rā nuꞌu ki a Feripe, he kope o Vetetaira, kona o Karirea, he ani: «Ē, e haŋa rō ꞌana a mātou mo māhani ki a Ietū».

Aŋa o te ꞌĀpōtoro 12:20

Te ꞌariki ko ꞌErore e riri rō ꞌā mo te nuꞌu o Tiro ꞌe o Tīrone, ꞌe te nuꞌu o rā ŋā kona he uꞌi nō te aŋa i te rāveꞌa mo haka kore i te riri; mai te henua o rā ꞌariki, paꞌi, e ravaꞌa era e rāua i te meꞌe mo kai. He haka māhani ia rā nuꞌu i a rāua ki te taŋata ra-rahi aŋa ki rā ꞌariki te ꞌīŋoa ko Vāratu ki riva ai mo hāꞌūꞌū ki a rāua. Pē ira a Vāratu i vānaŋa ai ki te ꞌariki o ruŋa i rā nuꞌu ꞌe he ani hai mahana mo taka-taka ananake.

Aŋa o te ꞌĀpōtoro 27:3

ꞌI te rua mahana i tuꞌu ai a mātou ki te ꞌuahu o Tīrone, he kona ꞌi ira i haꞌatiꞌa ai e Hurio i a Pauro mo oho mo uꞌi i tōꞌona nuꞌu repahoa ꞌe mo hāꞌūꞌū e rā nuꞌu ki a ia.

Hura 1:11

¡ꞌAu-auē te nuꞌu ena! Ko oho ꞌana a te ara taꞌe tano pē ⌊Kāiŋa⌋. ꞌI te haŋa ki te moni, ko haka tapa ꞌā mai te ara o te ꞌAtua, pē ⌊Vārama⌋, ꞌe, ꞌi te haka ꞌāriŋa mau era ꞌā o rāua, pē Kōrē ka mā-mate ena.

Meꞌe Haka Takeꞌa 11:3

E uŋa rō a au ki ira e rua mataꞌite e uru rō ꞌana i te kahu aŋa hai pūtē tore mo haka ꞌite i tāꞌaku roŋo ꞌi rā ŋā mahana taꞌatoꞌa». Pē ira i kī mai ai e te ꞌAtua.

Meꞌe Haka Takeꞌa 6:12

I kume era e te Māmoe i te ono tāmaꞌu, he uꞌi atu a au ko mākenu-kenu tahi ꞌana te henua. Te raꞌā he ꞌuri-ꞌuri rō atu ꞌai, pa he kahu uru o te hove, ꞌe te māhina he mea-mea pa he toto.