Māteo 11:17 - Rapa Nui

¹⁷ “Ko haka taŋi atu ꞌana a mātou i te peho reka, ꞌina a kōrua he ꞌori. Ko hīmene atu ꞌana a mātou i te hīmene haka ꞌaroha, ꞌina takoꞌa a kōrua kai ta-taŋi”.

Māteo 11:17 ပူးပေါင်းရင်းမြစ်များ

Māteo 11:16

»ꞌĪ a au he haꞌaauraꞌa atu i te huru o te tētahi taŋata o te hora nei. A rāua pa he ŋā poki ko-kori ꞌi te kona e tahi. He ohu e te tētahi o rā ŋā poki ki te tētahi atu o rāua pē nei ē:

Māteo 11:18

»Te auraꞌa: ko tuꞌu mai ꞌana a Iovani Papatito e tapu rō ꞌana i te kai ꞌe ꞌina he unu i te ꞌava; i kī ai e kōrua ko oꞌo ꞌana e te tātane.

Māteo 9:15

He pāhono e Ietū: —¿E taꞌe koa ꞌe e taꞌe kai mau rō te nuꞌu ꞌi te ŋoŋoro hāipo-ipo ꞌi te hora ꞌi muri i a rāua te kope ōꞌona te hāipo-ipo? Nā, paꞌi, e tano rō te hora he toꞌo i rā kope mai muri i a rāua; ꞌi rā hora ka tapu iho era.

Māteo 9:23

I tuꞌu era a Ietū ki te hare o tū taŋata hōnui era, he takeꞌa i te nuꞌu haka taŋi puhi e puhi ꞌā i te hīmene pāpaku, ꞌe i te tētahi nuꞌu e ki-kiu e taŋi ꞌā.

Ruka 15:25

»ꞌĪ ia tū taina ꞌatariki era ꞌi ꞌuta. I hoki i turu era, he ŋaroꞌa i te peho ꞌe i te taŋata e koa ꞌana ꞌi te kona hare era.

Ruka 23:27

Meꞌe rahi te nuꞌu oho ꞌi tuꞌa o Ietū, ꞌe ꞌi roto te ŋā viꞌe e ta-taŋi ꞌā ꞌi te ꞌaroha i a ia.

Ruka 7:32

A rāua pa he ŋā poki ko-kori ꞌi te kona e tahi. He ohu e tētahi o rā ŋā poki ki te tētahi atu o rāua pē nei ē: “Ko haka taŋi atu ꞌana a mātou i te peho reka, ꞌina a kōrua kai ꞌori. Ko hīmene atu ꞌana a mātou i te hīmene haka ꞌaroha, ꞌina takoꞌa a kōrua kai ta-taŋi”.

Ruka 8:52

Te nuꞌu taꞌatoꞌa o roto i rā hare e ta-taŋi ꞌana ꞌi te haka ꞌaroha ꞌi te poki. He kī e Ietū: «ꞌIna kōrua ko ta-taŋi; ꞌina he poki kai mate, e haꞌuru nō ꞌā».