Māteo 11:12 - Rapa Nui

¹² »Mai te hora haꞌamata o Iovani i te tātara ꞌe i te ⌊papatito⌋ ki ꞌaŋarīnā, pe te ꞌata rahi nō te nuꞌu oꞌo ki roto i te ⌊haka tere iŋa ꞌāpī o te ꞌAtua⌋, ka ai atu e ai rō ꞌana te nuꞌu taparahi-taꞌata aŋa mo haka kore i rā haka tere iŋa.

Māteo 11:12 ပူးပေါင်းရင်းမြစ်များ

Māteo 11:11

He kī haka ꞌou e Ietū: «ꞌIna e tahi taŋata o roto i te taŋata taꞌatoꞌa ꞌata hōnui ki a Iovani; ꞌe, ka ai atu pē ira, te taŋata haka rē i a ia mo haka tere e te ꞌAtua i hau rō atu ki a Iovani, ka ai atu he taŋata hauhaꞌa-ꞌore ki te mata o te taŋata.

Māteo 11:13

Te meꞌe pāpaꞌi e ⌊Mōtē⌋ ꞌe e te perofeta taꞌatoꞌa ꞌi ruŋa i te Pāpaꞌi Moꞌa e haka ꞌite mai ꞌā, ꞌātā ki te tuꞌu iŋa mai o Iovani, o ruŋa i te kope mo oho mai, he ⌊Kiritō⌋.

Māteo 3:15

He pāhono e Ietū: —Mo te hora nei ka haka rē pē nā ꞌā, mo haka tano tahi i te meꞌe haŋa o te ꞌAtua. He papatito ia e Iovani.

Ruka 13:24

«E uꞌi kōrua e uru a roto i te ꞌōpani vako-vako. ꞌĪ a au he kī atu: nuꞌu rahi te nuꞌu haŋa mo uru ki roto i te ao haka tere e te ꞌAtua ꞌe nuꞌu taꞌe rahi ka oꞌo ena.

Ruka 16:16

»Hai roŋo o te ꞌAtua pāpaꞌi e ⌊Mōtē⌋ ꞌe e te perofeta te taŋata e haka tere era i a rāua ꞌātā ki te hora o Iovani Papatito. Mai rā hora e haka ꞌite e oho nei i te parau ꞌāpī riva-riva o ruŋa o te ⌊haka tere iŋa ꞌāpī o te ꞌAtua⌋, ꞌe nuꞌu rahi te nuꞌu haŋa mo oꞌo o rāua ki roto o rā haka tere iŋa ꞌe mo haka tere i a rāua e te ꞌAtua.

Iovani 5:4

Te kī: e topa rō ꞌana te merahi ꞌi tōꞌona hora mo haka mākenu-kenu i rā vai, ꞌe te kope raꞌe mo oꞌo ki roto ki oti te haka makenu he ora tōꞌona māui-ui.]

Iovani 6:27

ꞌIna kōrua ko aŋa ki te kai ena e pau rō ꞌā, ki te kai ꞌina e ko pau vaꞌai i te ora ꞌāpī ꞌina he hopeꞌa raꞌa kōrua ana aŋa. Ko te kai ena te kai mo vaꞌai atu e te ⌊Poki o te taŋata⌋ ꞌo te ai te ꞌAtua, he Matuꞌa, ko vaꞌai ꞌana ki a ia i te parau mo vaꞌai atu.

Fīripo 2:12

E te taina, hora era ōꞌoku ꞌi muri i a kōrua, he haꞌatura nō te kōrua aŋa ki te ꞌAtua. ꞌE, hora nei, ꞌina a au o muri o kōrua, e ꞌata haka pūai te kōrua haꞌatura iŋa ki a ia mo aŋa mo oho nō o kōrua, hai moꞌa, i te meꞌe tano aŋa e te nuꞌu eꞌa mai roto i te ūtuꞌa o te hara.