Māteo 11:11 - Rapa Nui

¹¹ He kī haka ꞌou e Ietū: «ꞌIna e tahi taŋata o roto i te taŋata taꞌatoꞌa ꞌata hōnui ki a Iovani; ꞌe, ka ai atu pē ira, te taŋata haka rē i a ia mo haka tere e te ꞌAtua i hau rō atu ki a Iovani, ka ai atu he taŋata hauhaꞌa-ꞌore ki te mata o te taŋata.

Māteo 11:11 ပူးပေါင်းရင်းမြစ်များ

Māteo 11:10

Ko ia te maꞌuroŋo kī era e te ꞌAtua ki tāꞌana Poki ꞌi ruŋa i te ⌊Pāpaꞌi Moꞌa⌋ pē nei ē: “He uŋa a au i te taŋata maꞌuroŋo ꞌi raꞌe ki a koe mo haka riva-riva i te ara mōꞌou”».

Māteo 11:12

»Mai te hora haꞌamata o Iovani i te tātara ꞌe i te ⌊papatito⌋ ki ꞌaŋarīnā, pe te ꞌata rahi nō te nuꞌu oꞌo ki roto i te ⌊haka tere iŋa ꞌāpī o te ꞌAtua⌋, ka ai atu e ai rō ꞌana te nuꞌu taparahi-taꞌata aŋa mo haka kore i rā haka tere iŋa.

Māteo 3:1

ꞌI te mahana e tahi ia he tuꞌu a Iovani Papatito ki te kona ꞌone taꞌe noho taŋata o Hūrea.

Māteo 3:11

»Te parautiꞌa, e papatito atu ena a au hai vai mo takeꞌa e te nuꞌu ko huri ꞌana te kōrua manaꞌu ki te ꞌAtua. ꞌE nā he oho mai te kope māꞌana e papatito atu hai ⌊Vārua Maitai⌋ ꞌe hai ahi. A ia ꞌata hau rō atu ꞌi te pūai ki a au; a au mau nei e ko tano mo maꞌu i tōꞌona kirivaꞌe.

Māteo 5:19

ꞌO ira, te kope taꞌe haꞌatura ki te meꞌe e tahi o ruŋa i te haka tere iŋa o te ꞌAtua, ka ai atu he meꞌe hopeꞌa o te ꞌiti-ꞌiti, ꞌe hāpī i te taŋata mo taꞌe haꞌatura takoꞌa ki rā meꞌe, ko ia te kope hopeꞌa o roto i te ⌊haka tere iŋa ꞌāpī o te ꞌAtua⌋. ꞌE te kope haꞌatura ꞌe hāpī i te rua mo haꞌatura he kope hōnui o roto i te haka tere iŋa ꞌāpī o te ꞌAtua.

Ruka 1:15

E riro rō a ia he kope hōnui e tahi ki te mata o te ꞌAtua. ꞌIna e ko unu i te ꞌava, ꞌe mai te hora ꞌi roto i te manava ꞌā, ka ai ena ꞌi ruŋa i a ia te pūai o te ⌊Vārua Maitai⌋.

Ruka 7:28

He kī haka ꞌou e Ietū: «ꞌIna e tahi taŋata o roto i te taŋata taꞌatoꞌa ꞌata hōnui ki a Iovani; ꞌe, ka ai atu pē ira, te taŋata haka rē i a ia mo haka tere e te ꞌAtua i hau rō atu ki a Iovani, ka ai atu he taŋata hauhaꞌa-ꞌore ki te mata o te taŋata.

Ruka 9:48

ꞌe he kī ki rā nuꞌu: «Te kope toꞌo ꞌe hāpaꞌo i te poki nei hai ꞌīŋoa ōꞌoku e toꞌo ꞌana i a au; ꞌe te kope toꞌo i a au e toꞌo takoꞌa ꞌana i te kope uŋa mai i a au. ꞌE te kope ꞌata hōnui ꞌi roto i a kōrua, he kope tōꞌona manaꞌu mau nō he tāvini ki te taꞌatoꞌa».

Iovani 1:15

I vānaŋa rō a Iovani o ruŋa i a ia ꞌe pē nei i kī ai: «Ko ia tāꞌaku meꞌe kī atu era: “ꞌI tuꞌa ōꞌoku ka oho mai ena e tahi taŋata ꞌata hōnui ki a au ꞌo te ai ꞌi raꞌe ki tōꞌoku poreko iŋa ko ai era ꞌana a ia”».

Iovani 1:27

I tuꞌa i a au ka tuꞌu mai ena. ꞌE, ꞌi tōꞌona hōnui, e ko tano a au mo noi mo kume i te hau o tōꞌona kirivaꞌe.

Iovani 10:41

I rahi rō te taŋata i oho i uꞌi i a Ietū, ꞌe he kī ki a rāua ꞌana: «Ka ai atu kai aŋa a Iovani e tahi mana, te meꞌe taꞌatoꞌa kī era e ia o ruŋa o te taŋata nei he parautiꞌa».

Iovani 3:30

He pūai he oho a ia ꞌe he ŋaro he oho a au.

Iovani 5:35

»Te meꞌe hāpī e Iovani pa he hakariꞌi haka māꞌeha i te kōrua manaꞌu, ꞌe i koa rō kōrua ꞌi rā hāpī ꞌi te ŋā mahana haka ꞌite atu era.

Iovani 7:39

Hai meꞌe nei i haka ꞌite ai e Ietū e tuꞌu e noho rō te Vārua Maitai ꞌi roto i te nuꞌu haka moe i te manaꞌu ꞌi ruŋa i a ia; te meꞌe nō, ꞌi rā hora kai uŋa hia ꞌana e te ꞌAtua i te Vārua Maitai ꞌi te meꞌe era kai hoki ꞌana a Ietū ki te raŋi.

1 Kōrinto 15:9

E kī atu ena a au i te meꞌe nei ꞌo te ai he kope hopeꞌa o te taꞌe hōnui a au o roto i te ꞌāpōtoro, ꞌātā e ko tano mo raŋi mai he ꞌāpōtoro ꞌi te tute ōꞌoku i te nūnaꞌa taŋata haka moe i te manaꞌu ꞌi ruŋa i a Ietū mo tōtōā.

1 Kōrinto 6:4

Mo ai tāꞌue o te kōrua ture, e ko tano mo maꞌu o kōrua i te kōrua taina ki muꞌa o te nuꞌu taꞌe haka moe i te manaꞌu ꞌi ruŋa i a Ietū mo haka kore o te ture.

Ēfeto 2:3

Pē ira te noho iŋa o tātou taꞌatoꞌa ꞌi muꞌa ꞌā, ꞌi te hora kai haka moe ꞌana i te manaꞌu ꞌi ruŋa i a Ietū. E aŋa ꞌā a tātou i te meꞌe haŋa nō era o tātou. E haka tano ꞌana i te noho iŋa ki te meꞌe taꞌe tano manaꞌu ꞌe pohe nō o te hakari. ꞌI rā hora e tano mau rō ꞌā te ꞌAtua mo riri ꞌe mo haka ūtuꞌa mai i a tātou, pa he meꞌe ka aŋa ena ki te tētahi nuꞌu.

Ēfeto 3:8

Te tētahi nuꞌu haꞌataꞌa e te ꞌAtua māꞌana i hau rō atu ki a au. Ka ai atu pē ira, i vaꞌai nō mai ki a au e te ꞌAtua i te aŋa he haka ꞌite ki te nuꞌu taꞌe hūrio i te roŋo o ruŋa i te hauhaꞌa mo vaꞌai e te ⌊Kiritō⌋ ki a rāua, hauhaꞌa e ko ravaꞌa mo aŋi-aŋi hai manaꞌu taŋata mau nō.

2 Timoteo 1:10

ꞌE, ko haka takeꞌa mai ꞌā e te ꞌAtua hai tuꞌu mai era o Ietū Kiritō, kope haka eꞌa i a tātou mai roto i te ūtuꞌa o te hara. Ko haka kore ꞌā, paꞌi, e Ietū i te pūai o te mate, ꞌe ko haka ꞌite ꞌā ki te nuꞌu: mo haka noho o rāua i te manaꞌu ꞌi ruŋa i te ⌊roŋo riva-riva o te ꞌAtua⌋ he ravaꞌa i te ora ꞌāpī ꞌina he hopeꞌa raꞌa.

ꞌEvereo 11:40

I aŋa ai e te ꞌAtua pē ira he manaꞌu ki a tātou ꞌe ki te meꞌe ꞌata hau rō atu o te riva-riva: ꞌi te hora ka haka tano ena e ia i tāꞌana hōrea, te auraꞌa, ꞌi te hora ka maꞌu ena i tāꞌana nuꞌu ki te raŋi mo noho ꞌi muri i a ia, a tātou taꞌatoꞌa ananake ko rā ŋā nuꞌu.

1 Pētero 1:10

Te perofeta o muꞌa ꞌā i haka ꞌite rō ki te taŋata i te roŋo haka vānaŋa e te ꞌAtua o ruŋa i te haka eꞌa iŋa i te taŋata mai roto i te ūtuꞌa o te hara hai riva rahi ōꞌona ꞌe, ꞌi te taꞌe aŋi-aŋi e te perofeta i nei roŋo, he rara he oho o ruŋa.