Māteo 10:23 - Rapa Nui

²³ »Mo tute mo tōtōā atu i a kōrua ꞌi te kona nūnaꞌa hare e tahi, ka tere ki te rua. ꞌĪ a au he kī atu: te ⌊Poki o te taŋata⌋ ꞌi raꞌe ka hoki mai ena ki te oti o te kōrua aŋa ꞌi te kona taꞌatoꞌa o Itaraera.

Māteo 10:23 ပူးပေါင်းရင်းမြစ်များ

Māteo 16:27

Te Poki o te taŋata, paꞌi, e oho rō mai e ꞌana-ꞌana rō ꞌana ꞌi te pūai o tōꞌona Matuꞌa, ꞌi muri i a ia tāꞌana merahi, ꞌe e ꞌauhau rō i te taŋata, e tahi e tahi, e haka tano ki te rāua meꞌe aŋa.

Māteo 16:28

ꞌE ꞌī a au he kī atu: tētahi nuꞌu o te kona nei e ko mate hia ka takeꞌa rō ena te oho iŋa mai o te Poki o te taŋata ꞌi ruŋa i a ia te parau mo haka tere».

Māteo 2:13

I oho era tū nuꞌu maꞌori hāpī hetuꞌu era, he oꞌo e tahi merahi o te ꞌAtua ꞌi roto i te moe vārua o ⌊Kōsē⌋ ꞌe he kī: «Ka ꞌara koe. Ka toꞌo te poki ararua ko tōꞌona matuꞌa vahine, ꞌai ka eꞌa ka tē-tere ki Ehipto. ꞌI ira kōrua ana noho ꞌātā ki tōꞌoku hāꞌaki iŋa haka ꞌou atu. Nā, paꞌi, a ꞌErore he kimi i te poki mo tiŋaꞌi mo mate».

Māteo 23:34

ꞌO ira, ꞌī a au he uŋa atu hai perofeta, hai maꞌori ꞌe hai nuꞌu ꞌite i te haka topa i te manaꞌu. Te tētahi o te nuꞌu nei he tiŋaꞌi he haka mate e kōrua ꞌe he veo ꞌi ruŋa i te tātaurō, ꞌe te tētahi atu o rāua he tiŋaꞌi e kōrua ꞌi roto i te hare pure hūrio ꞌe he kimi ki kona era ki kona era mo tōtōā.

Māteo 23:36

ꞌĪ a au he kī atu: te ūtuꞌa o te aŋa i te meꞌe taꞌatoꞌa nei ka topa ena ꞌi ruŋa i te nuꞌu o te hora nei.

Māteo 24:27

Pa he ꞌana-ꞌana o te ꞌuira e takeꞌa ena mai te pāꞌiŋa eꞌa o te raꞌā ki te pāꞌiŋa topa, pē ira ka takeꞌa ena e te nuꞌu te hoki iŋa mai o te ⌊Poki o te taŋata⌋.

Māteo 24:30

ꞌI rā hora he takeꞌa ꞌi te raŋi te tāpaꞌo o te hoki iŋa mai o te Poki o te taŋata. Te nuꞌu taꞌatoꞌa o te ao he toꞌo te taŋi ꞌi te riꞌa-riꞌa, ꞌe he takeꞌa i te turu iŋa mai o te Poki o te taŋata ꞌi ruŋa i te raŋi e tahi, ꞌi ruŋa i a ia te pūai ꞌe te ꞌana-ꞌana o te ꞌAtua.

Māteo 24:34

ꞌĪ a au he kī atu: te taŋata o te hora nei e ko ŋaro hia ka topa tahi rō ena te ŋā meꞌe nei.

Māteo 24:48

»ꞌE mo ai he tāvini taparahi-taꞌata manaꞌu e ko hōrou e ko tuꞌu te taŋata haka aŋa i a ia,

Māteo 25:13

He kī ia e Ietū: —E veveri e ꞌara te kōrua mata; ꞌina, paꞌi, kōrua kai ꞌite i te hora ꞌe i te mahana o tōꞌoku hoki iŋa mai.

Māteo 26:64

He pāhono e Ietū: —Nā e koe ko kī ꞌā. ꞌE ꞌī a au he kī takoꞌa atu: e takeꞌa rō e kōrua i te Poki o te taŋata e noho rō ꞌā ꞌi te pāꞌiŋa mataꞌu o te ꞌAtua, i a ia te pūai taꞌatoꞌa, ꞌe i tōꞌona topa iŋa mai ꞌi ruŋa i te raŋi e tahi.

Māteo 4:12

I ŋaroꞌa era e Ietū ko puru ꞌā a ⌊Iovani⌋ ꞌi roto i te hare maꞌuꞌaurī, he eꞌa he oho ki Karirea.

Marko 13:26

»ꞌI rā hora ka takeꞌa ena i te Poki o te taŋata ka topa mai ꞌi ruŋa i te raŋi e tahi ꞌi ruŋa i a ia te pūai ꞌe te ꞌana-ꞌana o te ꞌAtua.

Ruka 18:8

ꞌĪ a au he kī atu: e ko roa he hāꞌūꞌū. ꞌE, hora era o te ⌊Poki o te taŋata⌋ ka tuꞌu haka ꞌou mai ena, ¿e ai nō ꞌana hō te taŋata ⌊haka moe i te manaꞌu⌋ ꞌi ruŋa i te ꞌAtua?».

Ruka 21:27

»ꞌI rā hora he takeꞌa i te Poki o te taŋata ka topa mai ꞌi ruŋa i te raŋi e tahi ꞌi ruŋa i a ia te pūai ꞌe te ꞌana-ꞌana o te ꞌAtua.

Iovani 7:1

I oti era he oho a Ietū ki kona era ki kona era o Karirea. Kai haŋa mo oho ki Hūrea ꞌi te meꞌe era te nuꞌu ⌊hūrio⌋ ra-rahi o ira e haŋa ꞌā mo tiŋaꞌi i a ia.

Aŋa o te ꞌĀpōtoro 17:10

I pō era, he haka oho e te nuꞌu taina o Tētārōnika i a Pauro ararua ko Tira ki Vērea. I tuꞌu era he oho tī-tika ki te hare pure hūrio.

Aŋa o te ꞌĀpōtoro 17:14

ꞌI rā hora mau ꞌā he maꞌu i a Pauro e te taina o Vērea ki taha tai mo eke ki ruŋa i te pahī. ꞌE a Tira ararua ko Timoteo ꞌi ira ꞌā i noho ai.

Aŋa o te ꞌĀpōtoro 20:1

I oti era tū ture era, he toꞌo e Pauro a te tapa i te nuꞌu ⌊haka moe i te manaꞌu⌋ ꞌi ruŋa i a Ietū ꞌe he hatu mo haka pūai mo oho nō i te manaꞌu. He ꞌaroha ia ki rā nuꞌu ꞌe he eꞌa he oho ki Mātērōnia.

Aŋa o te ꞌĀpōtoro 8:1

ꞌE a Sauro e peꞌe rō ꞌā ki tū meꞌe aŋa era ki a ꞌĒteva. He haꞌamata ia, ꞌi rā mahana mau ꞌā, he kimi mo tōtōā i te nuꞌu ⌊haka moe i te manaꞌu⌋ ꞌi ruŋa i a Ietū o Hērutarema. Pē ira rā nuꞌu i maraŋa ai ki kona era ki kona era o Hūrea ꞌe o ⌊Tāmāria⌋; he ⌊ꞌāpōtoro⌋ nō te nuꞌu i taꞌe oho mai ira.