Māteo 10:22 - Rapa Nui

²² Te nuꞌu o te henua taꞌatoꞌa e riri taparahi-taꞌata rō ꞌo te ai o kōrua ꞌāꞌaku. ꞌE te kope haka noho i tōꞌona manaꞌu ꞌi ruŋa i a au ꞌātā ki te hora hopeꞌa he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

Māteo 10:22 ပူးပေါင်းရင်းမြစ်များ

Māteo 10:39

Te kope hārui i a au ꞌe i tāꞌaku hāpī hai tuaꞌivi mo hāpaꞌo i a ia ꞌo mate ꞌe mo aŋa i tāꞌana meꞌe nō era i haŋa e ko ai i a ia te ora ꞌāpī ꞌina he hopeꞌa raꞌa vaꞌai e te ꞌAtua. ꞌE te kope haka rē i tāꞌana meꞌe haŋa mo haꞌatura mai ki a au he ravaꞌa e ia i rā ora.

Māteo 24:13

ꞌE te kope haka moe oho nō i tōꞌona manaꞌu ꞌātā ki te hopeꞌa, he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

Māteo 24:9

»E vaꞌai rō i a kōrua ki te nuꞌu mo tōtōā; e tiŋaꞌi e haka mate rō, ꞌe e maꞌu rō te riri mo kōrua e te taŋata o te hau taꞌatoꞌa, he haka moe o kōrua i te manaꞌu ꞌi ruŋa i a au.

Māteo 5:11

»Ko te koa i a kōrua ꞌi te hora vā-vā ꞌe tōtōā atu e te taŋata, ꞌe ꞌi te hora haꞌaꞌino hai rauhuru nō atu reo-reo ꞌo te peꞌe mai o kōrua ki a au.

Marko 13:13

Te taŋata o te henua taꞌatoꞌa e maꞌu rō i te riri mo kōrua he haka moe o kōrua i te manaꞌu ꞌi ruŋa i a au. ꞌE te kope haka moe oho nō i tōꞌona manaꞌu ꞌātā ki te hopeꞌa he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

Ruka 21:17

Te taŋata taꞌatoꞌa e maꞌu rō i te riri mo kōrua he haka moe o kōrua i te manaꞌu ꞌi ruŋa i a au.

Ruka 21:19

ꞌO ira, e haka noho nō te kōrua manaꞌu ꞌi ruŋa i a au ki ravaꞌa ai e kōrua i te ora ꞌāpī ꞌina he hopeꞌa raꞌa vaꞌai e te ꞌAtua.

Ruka 6:22

»Ko te koa i a kōrua ka tute ena e te nuꞌu mai muri i a rāua, ka riri, ka vā-vā ꞌe ka taꞌe haka au ena ꞌi te ai o kōrua o te Poki o te taŋata.

Ruka 8:15

»Te kona ꞌōꞌone riva-riva era he nuꞌu haka roŋo ꞌe haꞌatura hai māhatu ki te roŋo o te ꞌAtua, ꞌe maꞌu hio-hio ꞌi roto i a rāua. Mai roto i a rāua e eꞌa ena meꞌe rahi meꞌe riva-riva, pa he karu hua era meꞌe rahi karu haka ꞌou mai ruŋa.

Iovani 17:14

Ko haka ꞌite ꞌana e au ki a rāua i taꞌa vānaŋa, ꞌe te nuꞌu o te ao nei taꞌe haka moe i te manaꞌu ꞌi ruŋa i a au e maꞌu rō ꞌana i te riri mo rāua ꞌo te taꞌe ai haka ꞌou te nuꞌu nei o rāua, pa he taꞌe ai iŋa takoꞌa nei ōꞌoku o rāua.

Iovani 7:7

Te taŋata o te ao nei ꞌina he riri mo kōrua; mōꞌoku e riri ena ꞌo te haka takeꞌa e au: te rāua meꞌe aŋa meꞌe taꞌe tano.

Aŋa o te ꞌĀpōtoro 9:16

E haka takeꞌa rō e au i te rahi o te ꞌati ka topa ena ꞌi ruŋa i a ia ꞌo te haka ꞌite ꞌo te oho o ruŋa i a au.

Rōmano 2:7

Ki te nuꞌu aŋa oho i te meꞌe riva-riva ꞌi te manaꞌu ki te mahana era mo haka koa ꞌe mo haka nui-nui i a rāua e te ꞌAtua, ꞌe ꞌi te haŋa mo ai ꞌi muri i a ia pe muꞌa ka oho ena, ki a rāua ka vaꞌai ena e te ꞌAtua i te ora ꞌāpī ꞌina he hopeꞌa raꞌa.

Karatia 6:9

ꞌO ira, ꞌina ko rohi-rohi mo hāꞌūꞌū ki te rua. Mo taꞌe rohi-rohi, ꞌi te hora tano he haꞌamaitai a tātou e te ꞌAtua.

ꞌEvereo 3:14

E te taina, mo haka moe mo oho nō tātou i te manaꞌu ꞌi ruŋa i a Ietū ki te hora hopeꞌa pa he hora raꞌe era ꞌā, mo tātou takoꞌa te meꞌe taꞌatoꞌa ꞌa Ietū Kiritō.

ꞌEvereo 6:11

E haŋa rō ꞌana a mātou mo aŋa mo oho nō o kōrua pē nā, ꞌe mo ŋatu mo oho i te kōrua haŋu ki te meꞌe hōrea atu e te ꞌAtua ꞌātā ka haka tano tahi rō e ia.

Tanatiako 1:12

Ko te koa i te taŋata haꞌaoromaꞌi hai pūai i te ꞌati taꞌatoꞌa topa ꞌi ruŋa i a ia. ꞌI te haka moe nō i te manaꞌu ꞌi ruŋa i a Ietū ꞌi roto i te ꞌati, he tano rā taŋata ki te mata o te ꞌAtua, ꞌe he vaꞌai ki a ia i te ora ꞌāpī ꞌina he hopeꞌa raꞌa, he hei kī e te ꞌAtua mo vaꞌai ki te nuꞌu haŋa ki a ia.

1 Iovani 3:13

E te taina, ꞌina kōrua ko huru kē ana maꞌu i te riri mo kōrua e te taŋata o te ao nei.

Meꞌe Haka Takeꞌa 2:10

’ꞌIna koe ko riꞌa-riꞌa ꞌi te ꞌati ka topa ena. Tētahi o kōrua e puru rō ꞌi roto i te hare maꞌuꞌaurī hai Rukifero, he rāveꞌa e tahi mo haka ꞌatu atu i a kōrua taꞌatoꞌa. E hoꞌe ꞌahuru mahana ka ꞌamo ena kōrua i rā ꞌati. E haka noho e oho nō koe i tuꞌu manaꞌu ꞌi ruŋa i a au ka ai atu he mate koe ꞌo te aŋa pē ira, ꞌe he vaꞌai atu e au i te ora ꞌāpī ꞌina he hopeꞌa raꞌa mo haka koa i a koe.

Meꞌe Haka Takeꞌa 2:17

’¡Te kope haŋa mo aŋi-aŋi i tāꞌaku roŋo e haka roŋo te vānaŋa kī e te Vārua Maitai ki te nūnaꞌa taꞌatoꞌa haka moe i te manaꞌu ꞌi ruŋa i a au! ’Te nuꞌu rē ki te pūai o Rukifero he vaꞌai e au i te kai he ⌊mānā⌋ naꞌa era. ꞌE he vaꞌai takoꞌa e au e tahi māꞌea tea-tea ꞌi ruŋa e pāpaꞌi rō ꞌā te ꞌīŋoa ꞌāpī e tahi, ꞌe ꞌina he rua kope ꞌite i rā ꞌīŋoa, ko te kope nō era i a ia rā māꞌea’”.

Meꞌe Haka Takeꞌa 2:26

’Te nuꞌu rē ki te pūai o Rukifero aŋa oho, ꞌātā ki te hopeꞌa, i tāꞌaku meꞌe haŋa mo aŋa, he vaꞌai e au i te parau mo haka tere i te henua taꞌatoꞌa o te ao,

Meꞌe Haka Takeꞌa 2:3

I ꞌamo i oho nō koe i te ꞌati ꞌo te ai ōꞌou ꞌāꞌaku, ꞌe ꞌina kai hōriŋa, ko te haka moe ko te oho iŋa ꞌana a koe i tuꞌu manaꞌu ꞌi ruŋa i a au.

Meꞌe Haka Takeꞌa 2:7

’¡Te kope haŋa mo aŋi-aŋi i tāꞌaku roŋo e haka roŋo te vānaŋa kī e te ⌊Vārua Maitai⌋ ki te nūnaꞌa taꞌatoꞌa haka moe i te manaꞌu ꞌi ruŋa i a au! ’Te nuꞌu rē ki te pūai o Rukifero he vaꞌai e au mo kai mai ruŋa i te tumu vaꞌai i te ora ꞌāpī ꞌina he hopeꞌa raꞌa ꞌi te kona era o te ꞌAtua’”.

Meꞌe Haka Takeꞌa 3:21

’Te nuꞌu rē ki te pūai o Rukifero he haka noho e au ꞌi ruŋa i tōꞌoku pepe ꞌariki ꞌi muri i a au, pa he rē iŋa ōꞌoku e noho nei ꞌi muri i tōꞌoku Matuꞌa ꞌi ruŋa i tōꞌona pepe ꞌariki.