Māteo 10:20 - Rapa Nui

²⁰ ꞌI rā hora, taꞌe hai manaꞌu o kōrua ka vānaŋa era, mo te ⌊Vārua Maitai⌋ o tuꞌu Matuꞌa e haka vānaŋa i a kōrua.

Māteo 10:20 ပူးပေါင်းရင်းမြစ်များ

Māteo 6:32

Te ŋā meꞌe nei he meꞌe manaꞌu rahi e te nuꞌu taꞌe ꞌite ko ai te ꞌAtua parautiꞌa. ꞌE, a kōrua e ai rō ꞌana te Matuꞌa ꞌi te raŋi ko ꞌite ꞌana i te meꞌe mo te kōrua ora.

Marko 12:36

ꞌE, ka ai atu pē ira, i kī rō e Tāvita ꞌi te hora haka vānaŋa i a ia e te ⌊Vārua Maitai⌋ pē nei ē: “ꞌA Iehoha te ꞌAtua i kī rō ki tōꞌoku Pūꞌoko Haka Tere: ‘Ka noho koe ꞌi tōꞌoku pāꞌiŋa mataꞌu ꞌātā ka haka rē rō e au i te nuꞌu taꞌe haŋa atu ki a koe ꞌi raro o tuꞌu vaꞌe’”.

Ruka 11:13

Mo ꞌite ia a kōrua mo vaꞌai i te meꞌe riva-riva ki te kōrua ŋā poki, ka ai atu kōrua he nuꞌu hara, ¿e ko taꞌe vaꞌai hō e te Matuꞌa o te raŋi i te ⌊Vārua Maitai⌋ ki te nuꞌu no-noꞌi ki a ia?».

Ruka 12:12

Ka tuꞌu ena te hora mo vānaŋa o kōrua, mo te Vārua Maitai e kī atu pē hē ana kī».

Ruka 21:15

Māꞌaku e vaꞌai atu i te vānaŋa mārama-rama mo pāhono ki rā nuꞌu ꞌo ravaꞌa e tahi meꞌe mo kī i te kōrua reo-reo e te nuꞌu te rāua manaꞌu mau nō he tōtōā i a kōrua.

Aŋa o te ꞌĀpōtoro 13:9

A Sauro, kī takoꞌa ko Pauro, ko ꞌī ꞌā e te pūai o te Vārua Maitai, he noho he uꞌi riva-riva a ruŋa i rā tahu-tahu

Aŋa o te ꞌĀpōtoro 2:4

He ꞌī ia ananake e te pūai o te Vārua Maitai ꞌe he haꞌamata he vānaŋa ꞌarero kē ꞌarero kē, hai ꞌarero haka vānaŋa e te Vārua Maitai.

Aŋa o te ꞌĀpōtoro 28:25

ꞌE, ꞌi te ai manaꞌu kē-kē ananake, he haꞌamata he oho mai rā kona. Te meꞌe hopeꞌa i kī e Pauro ki rā nuꞌu: «He parautiꞌa te meꞌe haka ꞌite e te ⌊Vārua Maitai⌋ ki te kōrua tupuna hai perofeta era ko ꞌItaia pē nei ē:

Aŋa o te ꞌĀpōtoro 4:8

He pāhono e Pētero, ko ꞌī ꞌā e te pūai o te ⌊Vārua Maitai⌋: —E te nuꞌu ra-rahi ꞌe e te nuꞌu pūꞌoko haka tere o Itaraera ē:

Aŋa o te ꞌĀpōtoro 6:10

ꞌE, ꞌina he ravaꞌa i a ia; e vānaŋa era, paꞌi, hai mārama-rama o te Vārua Maitai.

2 Kōrinto 13:3

Pē ira ka ꞌite ena e kōrua: hai parau mau ꞌā o te ⌊Kiritō⌋ a au e vānaŋa atu ena. A ia, paꞌi, kope taꞌe haka rehe-rehe i a ia ꞌi te hora haka tī-tika i a kōrua; kope haka takeꞌa i tōꞌona pūai ꞌi roto i a kōrua.

1 Tētārōnika 2:13

E māuru-uru rō ꞌā a mātou ki te ꞌAtua ꞌo te ai hora ŋaroꞌa era e kōrua i te roŋo haka ꞌite atu e mātou o ruŋa i a ia, he ꞌite e kōrua pē nei ē: he roŋo ꞌāꞌana, taꞌe ꞌō he roŋo o te taŋata. ꞌE he roŋo parautiꞌa mau ꞌā o te ꞌAtua, roŋo aŋa i te meꞌe haŋa e ia ꞌi roto i a kōrua i te nuꞌu haka moe i te manaꞌu ꞌi ruŋa i a Ietū.

1 Pētero 1:12

ꞌE te ꞌAtua i haka ꞌite rō ki rā ŋā perofeta pē nei ē: te roŋo haka ꞌite oho era e rāua he meꞌe mo topa pe muꞌa ka oho era, te auraꞌa, ꞌi te noho iŋa nei o tātou, ꞌe taꞌe ꞌō ꞌi te rāua noho iŋa era. ꞌE ko rā roŋo te meꞌe i haka ꞌite atu ki a kōrua e te nuꞌu haka ꞌite oho i te roŋo riva-riva nei o ruŋa i a Ietū hai pūai o te ⌊Vārua Maitai⌋ uŋa mai mai te raŋi. ꞌE ꞌātā te merahi e haŋa rō ꞌana mo aŋi-aŋi o ruŋa i te roŋo nei o te haka eꞌa iŋa o te taŋata mai roto i te ūtuꞌa o te hara.

2 Pētero 1:21

Te perofeta, paꞌi, ꞌina kai vānaŋa hai manaꞌu taŋata; i vānaŋa ai hai manaꞌu o te ꞌAtua, ꞌe o te ⌊Vārua Maitai⌋ i haka vānaŋa.